ແຈ້ງຂ່າວພີ່ນ້ອງທາງໃຕ້! ເລີ່ມ 21ໂມງມື້ນີ້ ຄິວລົດສາຍໃຕ້ປິດບໍລິການ

    0
    442

    ແຈ້ງຂ່າວເຖິງພໍ່ແມ່ພີ່ນ້ອງຜູ້ທີ່ຕ້ອງການເດີນທາງໄປມາຫາສູ່ກັນ ໂດຍສະເພາະພີ່ນ້ອງທາງພາກໃຕ້, ພາຍຫຼັງທີ່ຄະນະສະເພາະກິດ ມີການຖະແຫຼງຂ່າວກ່ຽວກັບມີຜູ້ຕິດເຊື້ອໂຄວິດ-19 ເພີ່ມຂຶ້ນໃນມື້ດຽວເຖິງ 28ຄົນ.

    ຕໍ່ກັບສະພາບການດັ່ງກ່າວ ລັດຖະບານກໍ່ໄດ້ອອກຫຼາຍມາດຕະການ ເພື່ອຮັບມື ແລະ ຕໍ່ສູ້ກັບພະຍາດດັ່ງກ່າວ.

    ທັ້ງນີ້, ທຸກພາກສ່ວນໃນສັງຄົມ ຕ່າງກໍ່ອອກມາມີສ່ວນຮ່ວມນໍາກັນ ກ່ຽວກັບມາດຕະການປ້ອງກັນ ຄວບຄຸມ ແລະແກ້ໄຂການລະບາດຂອງພະຍາດໂຄວິດ-19 ເຊິ່ງໃນນັ້ນ ລວມໄປເຖິງ ສະຖານີຂົນສົ່ງໂດຍສານສາຍໃຕ້.

    ໂດຍ ໃນວັນທີ 21 ເມສາ 2021 ສະຖານີຂົນສົ່ງໂດຍສານສາຍໃຕ້ ໄດ້ອອກມາໂພສແຈ້ງຂ່າວຜ່ານທາງເພຈຂອງຄິວລົດດັ່ງກ່າວວ່າ: ອີງຕາມແຈ້ງການ (ດ່ວນທີ່ສຸດ ) ຂອງນາຍົກລັດຖະມົນຕີ ສະບັບເລກທີ 15/ນຍ ລົງວັນທີ 21/04/2021, ສະຖານີຈະໄດ້ປ່ອຍລົດມື້ນີ້ເປັນມື້ສຸດທ້າຍຈົນຮອດເວລາ 21:00 ແລ້ວຈະປິດ ບໍລິການຊົ່ວຄາວ, ຖ້າມີຫຍັງປ່ຽນແປງຈະແຈ້ງໃຫ້ທຸກທ່ານຊາບຕາມພາຍຫລັງ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.