ບ້ານນາແກ ເມືອງວິລະບູລີ ສະຫັວນນະເຂດ ປິດຊົ່ວຄາວການເຂົ້າ-ອອກ

    0
    242

    ອີງຕາມ: ການປຶກສາຫາລືຂອງທ່ານເຈົ້າເມືອງ, ຮອງເຈົ້າເມືອງ ແລະ ຄະນະກຳມະການປ້ອງກັນ, ຕ້ານສະກັດກັ້ນພະຍາດໂຄ 19 ໃນເມືອງ ຄັ້ງວັນທີ 19/04/2021,
    ເພື່ອສອບສວນ, ເກັບກໍາຂໍ້ມູນ ແລະ ຈໍາກັດ ໄດ້ມີການເຄື່ອນໄຫວປະຊາຊົນກຸ່ມແຮງງານທີ່ໄດ້ລັກຂ້າມມາແຕ່ປະເທດໄທໂດຍບໍ່ໄດ້ແຈ້ງລາຍງານຫນ່ວຍສະເພາະກິດປ້ອງກັນ, ຄວບຄຸມເຊື້ອພະຍາດໂຄວິດ-19 ເພື່ອເຂົ້າກັກຕົວຕາມລະບຽບຄົບ 14 ວັນ.

    ຜູ້ກ່ຽວໄດ້ລັກເຂົ້າບ້ານ ໃນວັນທີ 10/4/2021 ທີ່ຜ່ານມາ ເຊິ່ງເປັນປະຊາຊົນບ້ານນາແກ ເມືອງ ວິລະບູລີ, ຄະນະສະເພາະກິດປ້ອງກັນ, ຄວບຄຸມ ແລະ ແກ້ໄຂການ ລະບາດຂອງພະຍາດໂຄວິດ-19 ອອກແຈ້ງການດັ່ງນີ້:

    1. ໃຫ້ປິດຊົ່ວຄາວການເຂົ້າ-ອອກ ບ້ານນາແກ, ຢຸດການສັງສັນ ຮີດຄອງປະເພນີຂອງບ້ານ ຈົ່ງລະມັດລະວັງການພົວພັນແບບໃກ້ຊິດຕິດແທດ, ການຊຸມແຊວ, ເພາະມີຄວາມສ່ຽງຕໍ່ການຕິດເຊື້ອພະຍາດໂຄວິດ-19.2. ມອບໃຫ້ກໍາລັງປ້ອງກັນຊາດ, ປ້ອງກັນຄວາມສະຫງົບ ແລະ ອົງການປົກຄອງທ້ອງຖິ່ນ ກວດກາຄວາມສະຫງົບ, ຕິດຕາມຢ່າງເຂັ້ມງວດປ້ອງກັນຄົນເຂົ້າ-ອອກ ຕາມເຂດບ້ານຕໍ່ບ້ານ, ຖ້າມີການຝ່າຝືນໃຫ້ປະຕິບັດຕາມລະບຽບກົດໝາຍຕາມມາດຕະການ ຂອງຄະນະສະເພາະກິດ (ຍົກເວັ້ນການທໍາມາຫາກິນເຂດຂອງຕົວເອງ).

    3. ໂຫ້ຄະນະສະເພາະກິດສົມທົບກັບພາກສ່ວນທີ່ກ່ຽວຂ້ອງ ແລະ ອໍານາດປົກຄອງບ້ານ ໃຫ້ນໍາໃຊ້ກົດລະບຽບມາດຕະການຂອງຄະນະສະເພາະກິດ ໃຫ້ເພີ່ມທະວີຄວາມເອົາໃຈໃສ່ປະຕິບັດປ້ອງກັນມາດຕະການຕ່າງໆ ເຊັ່ນ: ໃສ່ຜ້າປິດປາກ, ເຈວລ້າງມື.. ຄະນະສະເພາະກິດເມືອງ ໃຫ້ສົບທົບກັບຈຸດສຸມ, ກຸ່ມບ້ານ ແລະ ອໍານາດການປົກຄອງບ້ານຕ່າງໆ ໃຫ້ສືບສວນຕໍ່ພໍ່ແມ່

    ປະຊາຊົນ, ຄອບຄົວທີ່ມີຄົນຜູ້ມີຄວາມສ່ຽງໄດ້ລັກລອບເຂົ້າມາ, ໂດຍບໍ່ລາຍງານຂໍ້ມູນໃດໆ ໃຫ້ກັບນາຍບ້ານ ແລະ ກຸ່ມບ້ານບຸກຄົນທີ່ມີຄວາມສ່ຽງດັ່ງກ່າວແມ່ນຈະໄດ້ໃຊ້ມາດຕະມາດຂອງໜ່ວຍສະເພາະກິດໃຫ້ປັບໃໝ, ລົງໂທດ ຜູ້ທີ່ມີສ່ວນຮ່ວມກະທໍາຄວາມຜິດຕາມລະບຽບແຈ້ງການ.ດັ່ງນັ້ນ, ຈຶ່ງແຈ້ງມາຍັງທ່ານເພື່ອຊາບ ແລະ ພ້ອມກັນຈັດຕັ້ງປະຕິບັດ ຕາມແຈ້ງສະບັບນີ້ ຢ່າງເຂັ້ມງວດ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.