ເກີດເຫດ ອຸບັດຕິເຫດຢູ່ທາງດ່ວນ ວຽງຈັນ-ວັງວຽງ

    0
    92

    ເຕືອນທຸກຄົນກ່ອນອອກເດີນທາງໃຫ້ພັກຜ່ອນຢ່າງພຽງພໍ, ເວລາຂັບລົດໄປຫາກຮູ້ສຶກບໍ່ໄຫວຕ້ອງຢຸດພັກກ່ອນ ເພື່ອເອົາແຮງເດີນທາງຕໍ່ ແຕ່ຈົ່ງຢ່າຝືນໂຕເອງເປັນຫ່ວງຜູ້ຂັບຂີ່ຈະຫຼັບໃນ ຫຼື ເຫງົານອນແລ້ວເກີດອຸບັດຕິເຫດໄດ້ດັ່ງເຫດການຄັ້ງນີ້.

    ຕາມຂ່າວໃຫ້ຮູ້ວ່າ: ໃນວັນທີ 12 ເມສາ 2021 ໄດ້ເກີດອຸປະຕິເຫດຢູ່ເສັ້ນທາງດ່ວນລະຫວ່າງຊ່ວງທາງສະຖານີນ້ຳງື່ມໄປຫາສະຖານີຫີນເຫີບ ເຮັດໃຫ້ລົດເກີດການເປ່ເພສົມຄວນ ສາເຫດຂອງການເກີດອຸປະຕິເຫດໃນຄັ້ງນີ້ແມ່ນເນື່ອງມາຈາກຜູ້ຂັບຂີ່ມີອາການອິດເມື່ອຍ, ປະກອບກັບການຂັບລົດໄວເກີນກຳນົດ ແລະ ບັນທຸກຜູ້ໂດຍສານເກີນມາດຕະຖານ,

    ຈຶ່ງເຮັດໃຫ້ລົດເສຍການຄວບຄຸມຕຳເຂົ້າກັບຮົ້ວກັ້ນຂອງທາງດ່ວນ, ອຸປະຕິເຫດຄັ້ງນີ້ແມ່ນບໍ່ມີຜູ້ໄດ້ຮັບບາດເຈັບ.ສະພາບເຫດການ: ໃນວັນທີ 12 ເມສາ 2021 ເວລາປະມານ 17:40 ນາທີ. ຢູ່ເທິງທາງດ່ວນວຽງຈັນ-ວັງວຽງ, ຢູ່ລະຫວ່າງຊ່ວງທາງສະຖານີນ້ຳງື່ມໄປຫາສະຖານີຫີນເຫີບ. ຢູ່ຈຸດກິໂລແມັດທີ K76+200 ໄດ້ມີລົດກະບະສີດຳຄັນ

    ໜຶ່ງປະສົບອຸປະຕິເຫດຕຳເຂົ້າກັບຮົ້ວກັ້ນຂອງທາງດ່ວນ.ປະຈຸບັນຕຳຫຼວດຈະລາຈອນ ແລະ ພະນັກງານບໍລິຫານຄຸ້ມຄອງທາງດ່ວນໄດ້ໄປຮອດທີ່ຈຸດເກີດເຫດ ແລະ ກວດສອບຫາສາເຫດທີ່ພາໃຫ້ເກີດອຸປະຕິເຫດຄັ້ງນີ້, ພ້ອມທັງດຳເນີນການຊ່ວຍເຫຼືອຜູ້ທີ່ປະສົບອຸປະຕິເຫດທັນທີ. ອີງຕາມການໃຫ້ການຂອງຜູ້ຂັບຂີ່ຈຶ່ງໄດ້ຊາບວ່າ:ຜູ້ກ່ຽວແມ່ນມີອາການ

    ອ່ອນເພຍ ແລະ ອິດເມື່ອຍຫຼາຍ, ໃນລະຫວ່າງທີ່ຂັບລົດຈຶ່ງເກີດອາການເຫງົານອນ, ປະກອບກັບການຂັບລົດດ້ວຍຄວາມໄວສູງ, ຈຶ່ງເຮັດໃຫ້ເສຍການຄວບຄຸມຕຳເຂົ້າກັບຮົ້ວກັນ.ນອກນັ້ນ, ເມື່ອຜູ້ໂດຍສານທັງໝົດລົງມາຈາກລົດກໍ່ປາກົດວ່າມີຄົນນັ່ງມາ 6 ຄົນເຊິ່ງເກີນກວ່າທີ່ມາດຕະຖານກຳນົດ, ເພາະອີງຕາມມາດຕະຖານແລ້ວ, ປະເພດລົດ

    ກະບະແມ່ນສາມາດບັນຈຸຄົນໂດຍສານໄດ້ພຽງ 5 ຄົນເທົ່ານັ້ນ, ດັ່ງນັ້ນຜູ້ຂັບຂີ່ທ່ານນີ້ຈຶ່ງຕົກຢູ່ໃນກໍລະນີບັນທຸກຄົນເກີນກວ່າມາດຕະຖານກຳນົດ.ບໍລິສັດທາງດ່ວນລາວ-ຈີນຂໍເຕືອນມາຍັງນັກຂັບຂີ່ທຸກທ່ານ, ອຸປະຕິເຫດຄັ້ງນີ້ເຮັດໃຫ້ພວກເຮົາຮຽນຮູ້ວ່າ:1.ກະລຸນາຢ່າຂັບຂີ່ໃນຂະນະທີ່ອິດເມື່ອຍ , 2. ກະລຸນາຢ່າບັນທຸກຄົນເກີນມາດຕະຖານ 3. ກະລຸນາຢ່າຂັບລົດໄວເກີນກຳນົດ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.