ຫລວງນໍ້າທາ ສືບຕໍ່ປ້ອງກັນພະຍາດໂຄວິດ ຢ່າງເຂັ້ມງວດ

    0
    273

    ແຂວງຫລວງນໍ້າທາ ສືບຕໍ່ປ້ອງກັນພະຍາດໂຄວິດ-19 ຢ່າງເຂັ້ມງວດ ແລະ ເລັ່ງສັກວັກຊິນປ້ອງກັນພະຍາດດັ່ງກ່າວໃຫ້ກຸ່ມເປົ້າໝາຍຮອບທີ 2 ໃຫ້ສໍາເລັດ, ຫລັງຈາກນັ້ນ ຈະສືບຕໍ່ສັກໃຫ້ກຸ່ມເປົ້າໝາຍຕໍ່ໄປໃນລະຫວ່າງເດືອນພຶດສະພາ ຫາ ເດືອນມິຖຸນາ 2021. ດຣ. ແກ້ວ ອິນທະວົງ, ຫົວໜ້າພະແນກສາທາລະນະສຸກແຂວງຫລວງນໍ້າທາ ໃຫ້ສໍາພາດວ່າ: ເພື່ອສືບຕໍ່ປ້ອງກັນພະຍາດໂຄວິດ-19, ຄະນະສະເພາະກິດຂັ້ນແຂວງ ແລະເມືອງ ໄດ້ເອົາໃຈໃສ່ຜັນຂະຫຍາຍບັນດານິຕິກໍາ, ຄໍາສັ່ງ ແລະ ແຈ້ງການຕ່າງໆ ຂອງຂັ້ນ

    ເທິງ ເພື່ອໃຫ້ແທດເໝາະກັບສະພາບຕົວຈິງໃນແຕ່ລະໄລຍະ, ປະເມີນ ກະກຽມຄວາມພ້ອມສະ ຖານທີ່ບໍລິການປິ່ນປົວ ເພື່ອຮັບມືກັບກໍລະນີເກີດພະຍາດໂຄວິດ-19 ຢູ່ໂຮງໝໍແຂວງ, ໂຮງໝໍເສນາຮັກທະຫານແຂວງ, ໂຮງໝໍ ປກສ ແຂວງ ແລະ ໂຮງໝໍຊຸມຊົນເມືອງສິງ, ຝຶກອົບຮົມກຽມຄວາມພ້ອມໃນການສືບສວນ, ການຮັບມືການປ້ອງກັນ ແລະ ການປິ່ນປົວໃຫ້ພະນັກງານລະບາດແຂວງ, ໂຮງໝໍແຂວງ, ໂຮງໝໍເສນາຮັກທະຫານແຂວງ, ໂຮງໝໍ ປກສແຂວງ ແລະ ໂຮງໝໍຊຸມຊົນ 4 ເມືອງ. ຕິດຕັ້ງເຄື່ອງ

    ກວດ PCR ທີ່ໄດ້ຮັບຈາກກົມປິ່ນປົວ 01 ເຄື່ອງ, ສົມທົບກັບໂຮງໝໍເອກະຊົນຕິດຕັ້ງເຄື່ອງກວດ PCR ອີກ 01 ເຄື່ອງຢູ່ໂຮງໝໍແຂວງ ແລະ ດໍາເນີນການກວດຫາເຊື້ອໂຄວິດ-19 ໃຫ້ບຸກຄົນທີ່ເດີນທາງເຂົ້າ-ອອກແຂວງຫຼວງນໍ້າທາ ໃນແຕ່ລະໄລຍະ, ພ້ອມນີ້ ໄດ້ສົມທົບກັບຂັ້ນແຂວງຕັ້ງສູນກັກກັນສໍາລັບບຸກຄົນທີ່ເດີນທາງມາຈາກພື້ນທີ່ສ່ຽງ ແລະ ຕິດຕາມຜົນກວດວິເຄາະໃຫ້ຄົບ 14 ວັນ, ປັດຈຸບັນບັນ ຍັງມີຜູ້ຕິດຕາມຢູ່ສູນ 18 ຄົນ, ຍິງ 13 ຄົນ. ນອກຈາກນີ້ ໄດ້ສົມທົບກັບໂຮງໝໍເອກະຊົນທີ່ສໍາປະທານສະຖານທີ່

    ກັກກັນຢູ່ຕາມບັນດາໂຮງ ແຮມທີ່ກະກຽມໄວ້, ລວມທັງສ້າງຫ້ອງສະແກນອຸນນະພູມພ້ອມຕິດຕັ້ງເຄື່ອງສະແກນອຸນນພຸມດ່ານກວດກາຄົນເຂົ້າ-ອອກເມືອງດ່ານປາງໄຮ, ເມືອງສິງ ແລະ ອື່ນໆ ເຊີ່ງຄະນະສະເພາະກິດທີ່ໄດ້ຮັບການແຕ່ງຕັ້ງແຕ່ລະຂັ້ນ ຍັງສືບຕໍ່ເອົົາໃຈໃສ່ປະຕິບັດໜ້າທີ່ຂອງຕົນຢ່າງເຂັ້ມງວດທີ່ສຸດ.ດຣ. ແກ້ວ ອິນທະວົງ ໃຫ້ຮູ້ຕື່ມວ່າ:

    ສໍາລັບການສັກວັກຊິນປ້ອງກັນພະຍາດໂຄວິດ-19 ຢູ່ແຂວງຫລວງນໍ້າທາ, ແຂວງໄດ້ຮັບຢາວັກຊີນຊີໂນຟາມ ຈຳນວນ 10.000 ໂດສ, ຈັດຕັ້ງປະຕິບັດການສັກຢູ່ຂັ້ນແຂວງ ມີ 2ຈຸດ (ໂຮງໝໍແຂວງ ແລະ ໂຮງໝໍທະຫານແຂວງ ) ແລະ 4 ໂຮງໝໍເມືອງ, ສັກໃຫ້ກຸ່ມເປົ້າໝາຍທີ່ມີຄວາມສ່ຽງ ຄື: ແພດໝໍ, ພະນັກງານປະຈໍາດ່ານ, ທະຫານ

    ຊາຍແດນ ແລະ ຢູ່ສູນກັກກັນຢູ່ພາຍໃນແຂວງ ມີ 3 ສູນ ( ລັດ 1 ສູນ ) ເຊີ່ງຮອບທີ່ I (ເຂັ້ມທີ່1 )ເລີ່ມ ວັນທີ່ 9 -13 ມີນາ 2021 ຈໍານວນ 5.000 ຄົນ ແລະ ຮອບທີ່ II (ເຂັ້ມທີ່2 ) ເລີ່ມວັນທີ 6-10 ເມສາ 2021. ຜ່ານການສັກເຫັນວ່າບໍ່ມີຜົນຂ້າງຄຽງຫຍັງເກີດຂຶຶ້ນ. ພາຍຫລັງສໍາເລັດສັກວັກຊິນຮອບ ທີ II ແລ້ວ ຈະ

    ສືບຕໍ່ສັກໃຫ້ກຸ່ມເປົ້າໝາຍຕໍ່ໄປພາຍໃນ ເດືອນພຶດສະ ພາ ຫາ ເດືອນມິຖຸນາ 2021 ຕາມຈໍານວນວັກຊິນທີ່ໄດ້ຮັບການແບ່ງ ປັນຈາກຄະນະສະເພາະກິດຂັ້ນສູນກາງ.ໄລຍະຜ່ານມາ ແຂວງຫຼວງນໍ້າທາ ໄດ້ປິ່ນປົວຜູ້ຕິດເຊື້ອພະຍາດໂຄວິດ-19 ມາແລ້ວ 1 ຄົນ ໂດຍນໍາໃຊ້ແພດໝໍພາຍໃນແຂວງທັງໝົດ ເຊີ່ງຫົວໜ້າພະແນກສາທາ ລະນະສຸກແຂວງ ຢັ້ງຢືນວ່າ: ແພດໝໍຂອງແຂວງໄດ້ບົດຮຽນຫລາຍຢ່າງຈາກຜົນສໍາເລັດໃນການປິ່ນປົວຜົວຕິດເຊື້ອໃນຄັ້ງນີ້.

    Cr: ບຸນຕຽງ ຈັນທະວົງ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.