ແມ່ເຈົ້າບ່າວຊ໋ອກ ລູກສະໃພ້ ແມ່ນລູກສາວທີ່ຫາຍຕົວໄປເມື່ອ 20ປີກ່ອນ

    0
    532

    ໃນຊີວິດຈິງຂອງຄົນເຮົາມັກພົບກັບເລື່ອງທີ່ຊ໋ອກ ແລະ ພິກຫັກມຸມຫຼາຍຢ່າງ ຈະມີຈັກຄົນທີ່ພົບຄືກັບເລື່ອງນີ້ ແບບວ່າແອດມິນກໍອຶ້ງໄປຄືກັນ ວ່າຄວາມຈິງໃນມື້ວັນພິເສດ ໃຜຈະໄປຮູ້ໄດ້ວ່າ ລູກສະໃພ້ຈະກາຍມາເປັນລູກສາວແທ້ຂອງຕົວເອງ ທີ່ຫາຍໂຕໄປແຕ່ຍັງນ້ອຍ ເລື່ອງຈິງຍິ່ງກວ່ານິຍາຍ.

    ເຫດການນີ້ໄດ້ເກີດຂຶ້ນທີ່ເມືອງຊູໂຈ ມົນທົນຈຽງຊູ ປະເທດຈີນ ໃນລະຫວ່າງພິທີງານແຕ່ງໃນວັນທີ່ 31ມີນາ2021 ທີ່ຜ່ານມາ. ເລີ່ມຕົ້ນມາຈາກແມ່ເຈົ້າບ່າວມາຮ່ວມພິທີສົມລົດຂອງລູກຊາຍ ແຕ່ວ່າຜູ້ເປັນແມ່ໄດ້ໄປສັງເກດເຫັນປານ ຢູ່ເທິງມືຂອງລູກໃພ້ ທັນໃດນັ້ນຜູ້ເປັນແມ່ກໍຄິດອອກວ່າມັນຄ້າຍກັບປານທີ່ລູກສາວຂອງຕົນເອງທີ່ເຄີຍຫາຍໂຕໄປເມື່ອນານມາແລ້ວ ດ້ວຍຄວາມສົງໄສ ລາວຄິດວ່າອາດເປັນລູກສາວທີ່ເຄຍຫາຍໂຕໄປກໍເປັນໄດ້

    ລາວຈິ່ງໄດ້ຖາມດ້ວຍຄວາມຕື່ນເຕັ້ນກັບພໍ່ແມ່ຂອງຝ່າຍເຈົ້າສາວວ່າ “ເຈົ້າຮັບລູກຄົນນີ້ມາລ້ຽງຫຼືບໍ່ “ທາງຝັ່ງຄອບຄົວເຈົ້າສາວເມື່ອໄດ້ຍິນກໍຕົກໃຈ ແລະຊ໋ອກໄປ ເພາະມັນແມ່ນຄວາມລັບສຸດຍອດທີ່ບໍ່ເຄຍມີໃຜຮູ້ມາກ່ອນ ແລະສຸດທ້າຍພໍ່ແມ່ເຈົ້າສາວກໍໄດ້ບອກຄວາມຈິງວ່າລູກສາວຄົນນີ້ແມ່ນໄດ້ຮັບມາລ້ຽງແລະເປັນຕາມທີ່ແມ່ເຈົ້າບ່າວຖາມ.

    ຂໍ້ມູນຈາກຄອບຄົວເຈົ້າສາວໃຫ້ຮູ້ວ່າ ໄດ້ຮັບລູກສາວຄົນນີ້ມາລ້ຽງຫຼັງພົບຕົວຢູ່ຂ້າງຖະໜົນເມື່ອປະມານ 20ປີກ່ອນ.ສ່ວນແມ່ຜູ້ໃຫ້ກຳເນີດນັ້ນກໍໃຊ້ເວລາອອກຕາມຫາລູກສາວ (ເຈົ້າສາວ) ທີ່ຫາຍໄປມານານຫຼາຍປີຈົນທໍ້ແລະຖອດໃຈໄປແລ້ວ ເລີຍຕັດສິນໃຈຮັບເອົາເດັກຊາຍມາລ້ຽງແທນ (ເຈົ້າບ່າວ)

    ຢ່າງໃດກໍດີ ແມ່ຂອງຝ່າຍເຈົ້າບ່າວກໍບໍ່ໄດ້ມີບັນຫາຫຍັງກັບການແຕ່ງງານຂອງລູກທັງສອງໃນຄັ້ງນີ້ ເນື່ອງຈາກເຈົ້າສາວເປັນລູກສາວແທ້ໆ ສ່ວນລູກຊາຍກໍເປັນລູກທີ່ອຸປະຖຳມາ ບໍ່ໄດ້ມີສາຍເລືອດດຽວກັນແຕ່ຢ່າງໃດ.ເຈົ້າສາວໄດ້ກ່າວໃນງານວ່າການທີ່ພົບແມ່ຜູ້ໃຫ້ກຳເນີດເປັນໂອກາດທີ່ໜ້າຍິນດີຍິ່ງກວ່າການແຕ່ງງານອີກ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.