ລາວ ມີຄວາມສາມາດ ຈະສັກວັກຊິນຕ້ານໂຄວິດໃຫ້ພົນລະເມືອງລາວໄດ້ຢ່າງພຽງພໍ

    0
    225

    ກະຊວງສາທາລະນະສຸກ ຮຽກຮ້ອງຍັງພະນັກງານ, ທະຫານ, ຕໍາຫລວດ ຕະ ຫລອດເຖິງປະຊາຊົນລາວບັນດາເຜົ່າໃນຂອບເຂດທົ່ວປະເທດ ລວມທັງຄົນຕ່າງປະເທດທີ່ອາໃສຢູ່ລາວ ສາມາດອອກມາຮັບການສັກຢາວັກຊິນປ້ອງກັນພະຍາດໂຄວິດ19 ນັບແຕ່ມື້ນີ້ເປັນຕົ້ນໄປໄດ້ເລີຍເພາະປະເທດເຮົາໄດ້ຮັບວັກຊິນປ້ອງກັນພະຍາດໂຄວິດ19 ຊິໂນຟາມເພີ່ມອີິກ 800.000 ໂດສ ຈາກ ລັດຖະບານຈີນ ວັນທີ 31 ມີນາຜ່ານມາ ແລະ ຈາກ AstraZeneca ຂອງໂຄງການ COVAX ຈໍານວນ 1 ແສນກວ່າໂດສ ຈຶ່ງມີຄວາມອາດ

    ສາມາດພຽງພໍທີ່ຈະສັກໃຫ້ພົນລະເມືອງລາວໄດ້ແລ້ວ.ດຣ ພອນປະເສີດ ອຸນາພົມ ຫົວໜ້າກົມອະນາໄມ ແລະ ສົ່ງເສີມສຸຂະພາບ ກະຊວງສາທາລະນະສຸກ ຖະແຫລງຂ່າວຕອນບ່າຍວັນທີ 1 ເມສາ 2021ນີ້ວ່າ: ນັບແຕ່ມື້ນີ້ເປັນຕົ້ນໄປ ທຸກຄົນຈະສາມາດສັກວັກຊິນປ້ອງກັນ ພະຍາດໂຄວິດ19 ໄດ້ ໃນນີ້ຈະດໍາເນີນຂະບວນການສັກຢາກັນພະຍາດໂຄວິດ-19 AstraZeneca ຢູ່ໂຮງໝໍມິດຕະພາບ,ບັນດາໂຮງໝໍເມືອງ ລວມທັງ ໂຮງໝໍກໍາລັງປ້ອງກັນຊາດ, ປ້ອງກັນຄວາມສະຫງົບ ເຊິ່ງບຸກຄົນທີ່ບໍ່ສາມາດສັກຢາວັກຊິນ

    ປ້ອງກັນພະຍາດໂຄວິດ19 ຊິໂນຟາມໄດ້ ແມ່ນສາມາດສັກ AstraZeneca ໄດ້ ເນື່ອງຈາກວັກຊິນຊະນິດນີ້ ສາມາດສັກໃຫ້ຄົນທີ່ມີອາຍຸກາຍ 60 ປີ ແລະ ຜູ້ມີພະຍາດປະຈໍາຕົວໄດ້.ດຣ ພອນປະເສີດ ອຸນາພົມ ໃຫ້ຮູ້ຕື່ມວ່າ: ໃນວັນທີ 30 ມີນາຜ່ານມາ ຫ້ອງວ່າການສໍານັກງານນາຍົກລັດຖະມົນຕີ ໄດ້ມີແຈ້ງການໂດຍເຫັນດີໃຫ້ຈັດຕັ້ງຂະບວນ ການສັກຢາວັກຊິນປ້ອງກັນພະຍາດໂຄວິດ19 ໃຫ້ພະນັກງານລັດຖະກອນ ຂອງກະຊວງ, ອົງການລັດທຽບເທົ່າກະຊວງ, ອົງການທ້ອງຖິ່ນແຕ່ລະຂັ້ນ, ພະນັກງານສະຖານທູດ,

    ອົງການຈັດຕັ້ງສາກົນ ພ້ອມດ້ວຍຄອບຄົວ ແລະ ບາງຫົວໜ່ວຍທຸລະກິດທີ່ມີຄວາມສ່ຽງ ໂດຍບໍ່ໄດ້ເສຍຄ່າສະນັ້ນກະຊວງສາທາລະນະສຸກ ກໍ່ເລີ່ມແຈກຢາກວັກຊິນໄປຍັງພາກສ່ວນ ຕ່າງໆໃນຂອບເຂດທົ່ວປະເທດແລ້ວ ເພາະເວລານີ້ປະເທດເຮົາມີວັກຊິນປ້ອງກັນ ພະຍາດໂຄວິດ19 ຈໍານວນ 1 ລ້ານກວ່າໂດສ ເຊິ່ງມີຄວາມອາດສາມາດ ທີ່ຈະສັກໃຫ້ ປະຊາຊົນໄດ້ຢ່່າງພຽງພໍ.

    ໂດຍ: ພອນໄຊ ແສງສະຫວ່າງ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.