ຜັກກະຫລ່ຳປີມີສັບພະຄຸນຊ່ວຍຫຼຸດຄວາມສ່ຽງຈາກການເປັນມະເຮັງລຳໄສ້cຫຼຸດລະດັບນໍ້າຕານໃນເລືອດ

    0
    329

    ຜັກກະຫລໍ່າປີເປັນພືດລົ້ມລຸກມີອາຍຸລະດູດຽວ, ລໍາຕົ້ນມີລັກສະນະຊົງກົມ, ສູງປະມານ 25-45 ຊມ. ເປືອກລໍາຕົ້ນມີສີຂາວ, ມີລັກສະນະເປັນຮອຍທີ່ເກີດຈາກຮອຍຫຼົ່ນຂອງກ້ານໃບ. ສ່ວນລະບົບຮາກກະຫລໍ່າປີປະກອບດ້ວຍຮາກແກ້ວ ແລະ ມີຮາກແຂງແຕກອອກດ້ານຂ້າງ ແລະ ຮາກຝອຍບໍລິເວນປາຍຮາກ, ຮາກແຂງສາມາດຍັ່ງເລີກໄດ້ຫຼາຍກວ່າເຖິງ 30 ຊມ, ມີລັກສະນະແຕກອອກດ້ານຂ້າງ.

    ໃບກະຫລໍ່ປີມີຫຼາຍສີຂື້ນຢູ່ກັບສາຍພັນ, ເປັນສ່ວນທີ່ນຳມາບໍລິໂພກ, ໃບ ຈະແຕກອອກດ້າງຂ້າງລໍາຕົ້ນ, ຈັບວຽນຮອບລຳຕົ້ນ, ຜີວມີລັກສະນະລຽບ, ແຕ່ເປັນຮູບຄື້ນ, ຂອບໃບເປັນຄື້ນ, ໃບໂຄ້ງງໍເຂົ້າທາງກາງ, ຫຸ້ມຊ້ອນກັນແໜ້ນ, ເອີ້ນວ່າ ຫົວກະຫລໍ່າປີ, ທີ່ມີລັກສະນະກົມ, ກະຫລໍ່າປີ 1 ຕົ້ນ ຈະມີໃບຫໍ່ຫຸ້ມ 20-40 ໃບ ຫຼື ຫຼາຍກວ່າຂື້ນຢູ່ກັບຂະໜາດຫົວ ໃບຈະຫຸ້ມລໍາຕົ້ນອັດກັນແໜ້ນ, ແຕ່ລະຫົວໜັກປະມານ 0.8-2 ກິໂລ.

    ໃບຜັກກະຫລໍ່າປີ ມີສັບພະຄຸນຊ່ວຍກະຕຸ້ນໃຫ້ກະເພາະອາຫານສ້າງເຍື່ອຫຸ້ມໜັງໄດ້ໄວ້, ຮັກສາໂລກກະເພາະ ແລະ ລໍາໄສ້ອັບເສບ, ຮັກສາທໍ່ນໍ້າບີອັບເສບ, ຫຼຸດລະດັບນໍ້າຕານໃນເລືອດ.

    ສານ Ditihioltiones ທີ່ສະກັດໄດ້ຈາກກະຫລໍ່າປີ ເປັນສານຕ້ານມະເຮັງທີ່ຊົງອະນຸພາບຫຼາຍ ແຕ່ຊ່ວຍປ້ອງກັນມະເຮັງກະເພາະລໍາໄສ້ເທົ່ານັ້ນ, ການຮັບປະທານກະຫລໍ່າປີ ອາທິດລະ 1-2 ຄັ້ງ ໃນຮູບແບບສະລັດ ຜັກສົດ ຫຼື ຜັກລວກ ນັບວ່າພຽງພໍທີ່ຈະຊ່ວຍຫຼຸດຄວາມສ່ຽງຈາກການເປັນມະເຮັງລຳໄສ້.

    ນອກຈາກນີ້ໃນກະຫລໍ່ປີຍັງມີສານຕ້ານການອັບເສບຂອງແຜກະເພາະອາຫານ ແລະ ລຳໄສ້, ຄວນຮັບປະທານກະຫລໍ່າປີສົດ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.