ປເທດຣັດເຊຍ ຈົດທະບຽນວັກຊິນປ້ອງກັນໂຄວິດ ສຳລັບສັດ

    0
    143

    ໜ່ວຍ​ງານ​ເຝົ້າລະວັງ​ດ້ານກະສິກຳ Rosselkhoznadzor ຂອງຣັດ​ເຊຍ ​ເປີດ​ເຜີຍ​ໃນ​ວັນ​ທີ 31 ມີນາ​ວ່າ: ​ໄດ້​ຈົດ​ທະບຽນ​ວັກ​ຊີ​ນຕ້ານ​ໂຄ​ວິດ-19 ສຳລັບ​ສັດ​ເປັນຄັ້ງທຳ​ອິດ​ຂອງ​ໂລກ.ວັກ​ຊີ​ນດັ່ງກ່າວ​ພັດທະນາ​ໂດຍ​ໜ່ວຍ​ງານ​ຂອງ Rosselkhoznadzor ​ແລະ ​ໄດ້​ຕັ້ງຊື່ວ່າ: Carnivac-Cov ​ເຊິ່ງຜ່ານ​ມາ​ໄດ້​ທົດ​ລອງ​ທາງ​ຄລີ​ນິກ​ແລ້ວ​ນັບ​ແຕ່​

    ເດືອນ​ຕຸລາ​ປີຜ່ານມາ.ຜົນ​ການ​ທົດ​ລອງ​ຂອງ​ວັກ​ຊີ​ນ Carnivac-Cov ສາມາດ​ສະຫລຸບ​ໄດ້​ວ່າ: “ວັກ​ຊີ​ນບໍ່​ເປັນ​ອັນຕະລາຍ ​ແລະ ມີ​ປະສິດທິພາບ​ໃນ​ການ​ສ້າ​ງພູມ​ຄຸ້ມ​ກັນ​ສູງ” ​ເນື່ອງ​ຈາກ​ສັດ​ທີ່​ໄດ້​ຮັບ​ການ​ສັກ​ວັກ​ຊີ​ນທັງ​ໝົດ ມີ​ການ​ສ້າງ​ພູມ​ຄຸ້ມ​ກັນ​ໃນ​ຮ່າງກາຍ​ເພື່ອ​ຕ້ານ​ໂຄ​ວິດ-19 ​ແລະ ພູມ​ຄຸ້ມ​ກັນ​ທີ່​ສ້າງ​ຂຶ້ນຈະ​ຢູ່​ໄດ້​ເຖິງ 6 ​ເດືອນ ​ເຊິ່ງທາງ​ຜູ້​ພັດທະນາ​ຍັງ​ເດີນ​ໜ້າການ​ວິ​ເຄາະ​ຜົນ​ທົດ​ລອງ​ຢ່າງ​ຕໍ່​ເນື່ອງ.ຂະນະ​ທີ່​ການ​ຜະລິດ​ວັກ​ຊີ​ນ Carnivac-Cov ຈຳນວນ​ຫລາຍ ຈະ​ເລີ່​ມຕົ້ນພາຍ​ໃນ​ເດືອນ​ນີ້ ​ເຊິ່ງຜົນສຳ​ເລັດ​ໃນ​ການ​ພັດທະນາ​

    ວັກ​ຊີ​ນຕ້ານ​ໂຄ​ວິດ-19 ສຳລັບ​ສັດ​ນີ້ ຈະ​ຊ່ວຍ​ປ້ອງ​ກັນ​ການ​ກາຍພັນ​ຂອງ​ໄວຣັສ​ໃນ​ສັດ​ໄດ້, ພ້ອມ​ທັງ​ຍົກ​ຕົວຢ່າງ​ກໍລະນີ​ການ​ແຜ່​ລະບາດ​ຂອງ​ໂຄ​ວິດ-19 ​ໃນ​ຟາ​ມມິ​ງທີ່​ເດນ​ມາກ​ເມື່ອ​ປີຜ່ານມາ ​ເຊິ່ງສົ່ງ​ຜົນ​ໃຫ້​ຕ້ອງ​ກຳຈັດ​ໂຕ​ມິ​ງ​ໄປ​ກວ່າ 15 ລ້ານ​ໂຕ ​ໂດຍ​ພົບ​ວ່າ​ບາງ​​ໂຕ​ມີ​ເຊື້ອ​ໂຄ​ວິດ-19 ກາຍພັນ.ນອກຈາກ​ນີ້, ໜ່ວຍ​ງານ Rosselkhoznadzor ຍັງ​

    ລະບຸ​ວ່າ: ມີ​ຫລາຍ​ປະ​ເທດ ທັງ​​ເກຼັກ, ​ໂປ​ແລນ, ​ອອສ​ເຕຼຍ, ອາ​ເມ​ລິ​ກາ, ​ກາ​ນາ​ດາ ​ແລະ ສິງກະ​ໂປ ທີ່​ສະ​ແດງ​ຄວາມ​ສົນ​ໃຈ​ໃນ​ວັກ​ຊີ​ນ Carnivac-Cov.ປັດຈຸບັນ ຣັດ​ເຊຍ​ມີ​ວັກ​ຊີ​ນຕ້ານ​ໂຄ​ວິດ-19 ສຳລັບ​ມະນຸດ​ທີ່​ພັດທະນາ​ຂຶ້ນ​ເອງ​ແລ້ວ 3 ຊະນິດ ລວມ Sputnik V ​ເປັນ​ທີ່​ຮູ້ຈັກ​ຫລາຍ​ທີ່​ສຸດ ​ແລະ ນອກຈາກ​ນີ້ ຍັງ​ມີ​ການ​ອະນຸມັດ​ນຳ​ໃຊ້​ສຸກ​ເສີນ​ສຳລັບ​ວັກ​ຊີ​ນອີກ 2 ຊະນິດ​ຄື: EpiVacCorona ​ແລະ CoviVac.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.