ສ່ວຍສາອາກອນປະຈຳແຂວງອັດຕະປຶ ເຄື່ອນໄຫວເປີດຂະບວນຮັບຊໍາລະຄ່າທຳນຽມທາງ ແລະ ພາສີທີ່ດິນ

    0
    206

    ໃນລະຫ່ວາງວັນທີ 24-31 ມີນາ 2021 ນີ້ ສ່ວຍສາອາກອນ ປະຈຳແຂວງອັດຕະປື ຮ່ວມກັບທະນາ ຄານການຄ້າຕ່າງປະເທດລາວມະຫາຊົນ ສາຂາແຂວງອັດຕະປື, ທະນາຄານສົ່ງເສີມກະສິກຳສາຂາແຂວງອັດຕະປື ໄດ້ເຄື່ອນໄຫວເປີດຂະບວນການຮັບຊຳລະຄ່າທຳນຽມທາງ ແລະ ພາສີທີ່ດິນ ປະຈຳປີ 2021 ຜ່ານລະບົບທະນາຄານ ຂຶ້ນ 2 ຈຸດ ຄື: ຢູ່ສຳນັກງານສ່ວຍສາອາກອນປະຈຳແຂວງ ແລະ ຢູ່ສຳນັກງານອົງການປົກຄອງແຂວງ. ທ່ານ ຄອນສະຫັວນ ໄຊຍະສອນ ຮອງຫົວໜ້າສ່ວຍ ສາອາກອນປະຈຳແຂວງ

    ອັດຕະປື ກ່າວວ່າ: ການເປີດຂະ ບວນການ ໃນຄັ້ງນີ້ ແມ່ນໄດ້ແບ່ງເປັນ 2 ຂັ້ນຕອນໃນການຈັດຕັ້ງປະຕິບັດ ຄື: 1) ເລັງໃສ່ບັນດາອົງການຈັດຕັ້ງຂັ້ນຕ່າງໆ ແລະ ພະນັກງານ-ລັດຖະກອນ ຕ້ອງເປັນແບບຢ່າງນຳໜ້າ ໃນການປະກອບສ່ວນປະຕິບັດພັນທະຂອງຕົນ ໃຫ້ຖືກຕ້ອງ, ຄົບຖ້ວນ; 2) ສົມທົບກັບພາກສ່ວນກ່ຽວຂ້ອງປະຕິ ບັດມາດຕະການກວດກາຢູ່ຈຸດຕ່າງໆ ຕາມສາຍທາງ. ເຊິ່ງຕາມແຜນການເຄື່ອນໄຫວ ປະກອບມີ 4 ຈຸດ,ໃຊ້ເວລາ 12 ວັນ ຄື: ຈຸດທີ 1 ຢູ່ ສ່ວຍສາອາກອນປະຈຳ

    ແຂວງ,ຈຸດທີ 2 ຢູ່ສຳນັກງານອົງການປົກຄອງແຂວງ,ຈຸດທີ 3 ຢູ່ປ້ອມຕຳຫລວດຈະລາຈອນຫັລກ 7(ເສັ້ນທາງ 1I) ແລະ ຈຸດທີ 4 ປ້ອມຕຳຫລວດນາພອກ(ເສັ້ນທາງ 18B) ຜ່ານຈັດຕັ້ງປະຕິບັດໃນ 02 ຈຸດ(ສຳນັກງານສ່ວຍສາອາກອນປະຈຳແຂວງ ແລະ ສຳນັກງານອົງການປົກຄອງແຂວງ) ສາມາດເກັບລາຍຮັບໄດ້ 26 ລ້ານກ່ວາກີບ,
    ທ່ານ ຄອນສະຫັວນ ໄຊຍະສອນ ຍັງໄດ້ກ່າວຕື່ມອີກວ່າ: ສຳລັບພາຫະນະທີ່ຖືກເສຍຄ່າທຳນຽມທາງປະຈຳ ປີ ແມ່ນພາຫະນະປ້າຍຟ້າ, ປ້າຍແດງ ປກສ, ປ້າຍແດງ

    ກອງທັບ,ປ້າຍເຫລືອງ, ປ້າຍຂາວ. ນອກຈາກທີ່ໄດ້ຍົກ ເວັ້ນຢູ່ໃນມາດຕາ 6 ຂອງລັດຖະບັນຍັດສະບັບເລກທີ 001/ປປທ,ລົງວັນທີ20 ກັນຍາ 2017.ທັງນີ້ກໍ່ເພື່ອເປັນການເຮັດໜ້າທີີ່ປຸກລະດົມຊຸກຍູ້ໃຫ້ບັນດາບຸກຄົນ,ນິຕິບຸກຄົນ ແລການຈັດຕັ້ງ ຕະຫລອດຮອດປະຊາຊົນບັນດາເຜົ່າໃນຂອບເຂດທົ່ວແຂວງທີ່ນຳໃຊ້ຍານພາຫະນະ ແລະເປັນເຈົ້າຂອງກຳມະສິດນຳໃຊ້ທີ່ດິນ ໄດ້ມີຄວາມຕື່ນຕົວປະກອບສ່ວນພັນທະຂອງຕົນຢ່າງຕັ້ງໜ້າ ແລະ ຫັນເຂົ້າສູ່ລະບຽບ,ກົດໜາຍໃຫ້ດີຂື້ນເທື່ອລະກ້າວ.

    ຂ່າວ: ວັດທະນາ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.