ນະຄອນຫຼວງອອກ 5 ຂໍ້ຫ້າ ມ ໄລຍະສະຫຼອງປີໃໝ່ລາວ

    0
    251

    – ຄືທີ່ຮູ້ກັນດີປີ 2021 ນີ້ຍັງເປັນປິທີ່ມີຄວາມສ່ຽງສູງຕໍ່ການແຜ່ລະບາດຂອງພະຍາດໂຄວິດ-19 ເຊິ່ງບັນດາປະເທດແມ່ນຍັງມີຕົວເລກຫຼາຍຫຼັກໃນແຕ່ລະວັນ ສະນັ້ນການສະຫຼອງປີນີ້ໃໝ່ນີ້ຢູ່ນະຄອນຫຼວງຂອງ ສປປ ລາວແມ່ນເນັ້ນໜັກຄວາມປອດໄພເປັນຫຼັກ ພຽງແຕ່ຕ້ອງຮັກສາຮີດເກົ່າຄອງເດີມສະຫຼອງໃຫ້ພໍປະມານກໍ່ພໍ.

    ໂດຍອີງຕາມແຈ້ງການຂອງຫ້ອງວ່າການສໍານັກງານນາຍົກລັດຖະມົນຕີ ສະບັບເລກທີ 286/ຫສນຍ, ລົງ
    ວັນທີ 25/3/2021 ແລະ ຜົນຂອງກອງປະຊຸມອົງການປົກຄອງ ນະຄອນຫຼວງວຽງຈັນ ຄັ້ງທີ 37 ສະໄຫມທີ VI,ໃນວັນທີ 19 ມີນາ 2021 ແລະ ກອງປະຊຸມຄະນະກໍາມະການປ້ອງກັນຊາດ-ປ້ອງກັນຄວາມສະຫງົບ ນະຄອນ ຫຼວງວຽງຈັນ ຄັ້ງວັນທີ 25 ມີນາ 2021.

    ເຈົ້າຄອງນະຄອນຫຼວງວຽງຈັນໄດ້ອອກຄຳສັ່ງສະບັບເລກທີ 001/ຈນວ ລົງວັນທີ 31 ມີນາ 2021 ເຖິງບັນດາເຈົ້າເມືອງ, ຫົວໜ້າພະແນກການ-ອົງການທຽບເທົ່າ, ຫົວໜ້າອົງການ ປກສ ປກຊ ທົ່ງໜ້າຄອນຫຼວງວຽງຈັນກ່ຽວກັບການສະເຫຼີມສະຫຼອງສົ່ງທ້າຍປີເກົ່າ-ຕ້ອນຮັບປີໃໝ່ ພສ 2564 ທີ່ຈະມາເຖິງນີ້ໃຫ້ຮັກສາໄດ້ຄວາມເປັນລະບຽບຮຽບຮ້ອຍ ແລະເປັນໄປຕາມຮີດຄອງປະເພນີ ທັງປອດໄພຈາກພະຍາດຕິດຕໍ່ໂຄວິດ-19.


    ໃນແຈ້ງການລະບຸວ່າ: ການຈັດງານສົ່ງທ້າຍປີເກົ່າ ພສ 2563 ແລະ ຕ້ອນຮັບປີໃຫມ່ລາວ ພສ 2564 ຢູ່ນະຄອນຫຼວງວຽງຈັນ ຕ້ອງຖືເອົາການປ້ອງກັນ, ຄວບຄຸມ ແລະ ແກ້ໄຂການ ລະບາດຂອງພະຍາດ COVID-19 ເປັນສໍາຄັນ, ແຕ່ກໍ່ໃຫ້ມີບັນຍາກາດເບີກບານມ່ວນຊື່ນ, ມີຄວາມສາມັກຄີ, ມີໄມຕີຈິດມິດຕະພາບຕໍ່ກັນ ຮັກສາໄດ້ວັດທະນະທໍາ, ຮີດຄອງປະເພນີ, ຂະນົບທໍານຽມອັນດີງາມຂອງຊາດ, ຮັບປະກັນໄດ້ຄວາມສະຫງົບ, ປອດໄພ ແລະ ຄວາມເປັນລະບຽບຮຽບຮ້ອຍ ຢູ່ໃນສັງຄົມ.
    ເຊິ່ງທ່ານເຈົ້າຄອງນະຄອນຫຼວງວຽງຈັນ ອອກຄໍາສັ່ງໃຫ້ປະຊາຊົນທົ່ວນະຄອນຫຼວງວຽງຈັນສະຫຼອງວັນດັ່ງກ່າວດັ່ງນີ້:
    1. ໃຫ້ທົ່ວນະຄອນຫຼວງວຽງຈັນ ຈັດງານສົ່ງທ້າຍປີເກົ່າ ພສ 2563 ແລະ ຕ້ອນຮັບປີໃຫມ່ລາວ ພສ 2564 ເລີ່ມແຕ່ວັນທີ 14, 15 ແລະ 16 ເມສາ 2021 ຢ່າງເປັນເອກະພາບ, ການສະເຫຼີມສະຫຼອງບຸນປີໃຫມ່ລາວ ແມ່ນໃຫ້ສົ່ງເສີມວັດທະນະທໍາຮີດຄອງປະເພນີອັນດີງາມຂອງຊາດ ລາວເຮົາຄື: ການພົບປະສັງສັນ ແລະ ບາສີສູ່ຂວັນພາຍໃນຄອບຄົວ, ການຫົດນ້ໍາອວຍພອນໄຊໃຫ້ຜູ້ອາວຸໂສເຊິ່ງກັນແລະ ກັນ, ການເຂົ້າວັດຫົດສົງພຣະພຸດທະຮູບ, ຕົບພະທາດຊາຍ ແລະ ກິດຈະກໍາປິ່ນອ້ອມອື່ນໆ, ແຕ່ບໍ່ໃຫ້ຈັດງານ ຄອນເສີດ, ແຫ່ນາງສັງຂານ ແລະ ງານຕະຫຼາດນັດໃຫຍ່ໂຕ.
    2. ສະຖານທີ່ຈັດງານສົ່ງທ້າຍປີເກົ່າ-ຕ້ອນຮັບປີໃຫມ່ ໃຫ້ຈັດຢູ່ຕາມເຮືອນ, ສະໂມສອນຂອງບ້ານ, ສໍານັກງານ, ໂຮງງານ, ວັດວາອາຣາມ, ແຫຼ່ງທ່ອງທ່ຽວ, ສວນວັດທະນະທໍາ, ຫາດຊາຍ ຕາມແມ່ນ້ໍາງື່ມ ແລະ ນ້ໍາຂອງ ທີ່ມີເງື່ອນໄຂຄົບຖ້ວນ; ສໍາລັບເວລາຫົດສົ່ງນ້ໍາແບບມວນຊົນ ໃຊ້ເວລາ 3 ວັນ ຄື: ວັນທີ 14, 15 ແລະ 16 ເມສາ 2021

    ໃນນັ້ນ ໃຫ້ທຸກຄົນປະຕິບັດ 5 ຂໍ້ຫ້າມ ໃນການຫຼີ້ນບຸນປີໃຫມ່ ຄື:
    – ຫ້າມຜູ້ຕຶ່ມທາດເຫຼົ້າ ແລະ ເສບສິ່ງມຶນເມົາຂັບລົດ, ຜູ້ຂັບລົດບໍ່ໃຫ້ດື່ມທາດເຫຼົ້າ ແລະ ເສບສິ່ງມືນເມົາ (ດື່ມບໍ່ຂັບ-ຂັບບໍ່ດື່ມ).


    – ຫ້າມໃຊ້ຂອງແຂງ, ສິ່ງເປິະເປື້ອນ ແລະ ລາມົກອານະຈານໃນງານ: ນ້ໍາສີ, ນ້ໍາເປື້ອນ, ນ້ໍາຄັນ, ແກວ່ງ ຖົງນ້ໍາ, ແກວ່ງນ້ໍາກ້ອນໃສ່ກັນ, ນຸ່ງເຄື່ອງໂປ້, ເປືອຍ ເຂົ້າວັດ ແລະ ສະຖານທີ່ຊຸມຊົນ.
    – ຫ້າມຕັນທາງການສັນຈອນຕາມເສັ້ນທາງ, ລັດລົດຫົດນ້ໍາຢູ່ຕາມເສັ້ນທາງ. 4.4. ຫ້າມຈັດງານຄອນເສີດ ໃນບ້ານ, ວັດວາອາຣາມ, ສະຖານທີ່ສາທາລະນະ, ຕາມຫາດແຄມນ້ໍາຕ່າງໆ.
    – ຫ້າມກໍ່ສຽງແຕກ ແລະ ໃຊ້ສຽງດັງ ເກີນຂອບເຂດ: ຫມາກກະໂພກ, ເປີດສຽງດົນຕີເນືອງນັ້ນລົບກວນຜູ້ ອື່ນ ກາຍສະຖານທີ່ຕົວເອງ ແລະ ກາຍກໍານົດເວລາ.

    ທັ້ງນີ້ທາງ ກອງບັນຊາການປ້ອງກັນຄວາມສະຫງົບ ແຕ່ລະຂັ້ນຈະສົມທົບກັບກອງບັນຊາການທະຫານ ເຄື່ອນໄຫວລາດຕະເວນ, ປ້ອງກັນເວນຍາມ, ປ້ອງກັນບໍ່ໃຫ້ເກີດອຸປະຕິເຫດ, ຕິດຕາມຮັກສາຄວາມສະຫງົບປອດໄພ ແລະ ຄວາມເປັນລະບຽບຮຽບຮ້ອຍໃນສັງຄົມ, ແກ້ໄຂຊ່ວຍເຫຼືອຜູ້ມຶນເມົາ ແລະ ໄດ້ຮັບອຸປະຕິເຫດ ຢ່າງວ່ອງໄວທັນການ ພ້ອມທັງດຳເນີນການຕໍ່ຜູ້ລະເມີດອີກ ຝາກທຸກຄົນຮັກສາຄວາມສະງົບຮ່ວມກັນ

    ແຈ້ງການ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.