ກຽມສ້າງຫໍໄຫວ້ຍາຄູຂີ້ຫອມ ທີ່ວັດປ່າຈັນທະສາຣີ ແຂວງ ສະຫວັນນະເຂດ

    0
    113

    ກຽມສ້າງຫໍໄຫວ້ ຍາຄູຂີ້ຫອມ ທີ່ ວັດປ່າຈັນທະສາຣີ ແຂວງ ສະຫວັນນະເຂດ ພິທີວາງສີລາລຶກສ້າງ ຫໍໄຫວ້ພຣະລາຊະຄູຫຼວງ ຍອດແກ້ວໂພນສະເມັກ ຫຼື ຍາຄູຂີ້ຫອມ ໄດ້ຈັດຂຶ້ນໃນອາທິດທີ່ຜ່ານມານີ້ ທີ່ ວັດປ່າຈັນທະສາຣີ ບ້ານ ດົງກຶມ ເມືອງອາດສະພັງທອງ ແຂວງ ສະຫວັນນະເຂດ ພຣະລາຊະຄູຫຼວງຍອດແກ້ວ ໂພນສະເມັກ ຫຼື ຍາຄູຂີ້ຫອມ ມີ

    ຊື່ແທ້ວ່າ: ທ້າວ ລວມ ຫຼື ໂລມ ເກີດເມື່ອປີ ຄ.ສ 1631 ທີ່ ບ້ານດົງ ເມືອງ ອາດສະພັງທອງ ແຂວງ ສະຫວັນນະເຂດ ຫຼື ເມືອງພາງໃນສະໄໝນັ້ນ

    ທ້າວ ລວມ ຫຼື ໂລມໄດ້ບວດ ເປັນສຳມະເນນເມື່ອອາຍຸ 14 ປີ ໄລຍະປີ ຄ.ສ 1644 ທີ່ ວັດຈັນທະນາຣີ ບ້ານດົງກຶມ ໄດ້ສຶກສາສູດເທດໄດ້ຢ່າງວ່ອງໄວ. ແລະໄດ້ມາສຶກສາຕໍ່ທີ່ນະຄອນຫຼວງວຽງຈັນ ເຊິ່ງໄລຍະນັ້ນ ເຈົ້າສຸລິຍະວົງສາທຳມິກະຣາດ ອະພິເສກຣາຊະຈົວ ໂດຍເພິ່ນອຸປະຖຳຕໍ່ມາກໍ່ໄປອຸປະສົມບົດທີ່ວຽງຈັນຈົນໄດ້ນາມວ່າ ພຣະຣາຊະຄູຫຼວງຍອດ

    ແກ້ວໂພນສະເມັກເພີ່ນໄດ້ເຖິງແກ່ມໍລະນະພາບໃນມື້ຂຶ້ນ 5 ຄໍ່າ ເດືອນ 7 ລວມສິຣິອາຍຸໄດ້ 90 ປີ 70 ພັນສາ. ສຳລັບສະຖານທີ່ບັນຈຸອັດຖິ ແລະ ຝຸ່ນມີ 3 ຈຸດ ຄື: ບັນຈຸອັດຖິວັດທາດຝຸ່ນສັນ ຕິທຳມະວະຣາມ ຫຼື ວັດຫຼວງຈຳປາສັກ, ບັນຈຸອັດຖິພຣະທາດພະນົມປະເທດໄທ ແລະບັນຈຸອັດທິ ແລະ ຝຸ່ນທີ່ບ້ານດົງກຶມ

    ຂໍ້ມູນ: ສະຫວັນພັດທະນາ ຂ່າວ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.