ເກີດແຜ່ນດິນໄຫວຢູ່ 3 ແຂວງພາກເໜືອ ຂອງລາວ

    0
    397

    ສູນຂໍ້ມູນຂ່າວສານແຜ່ນດິນໄຫວແຫ່ງຊາດລາວ ໄດ້ລາຍງານໃຫ້ຮູ້ວ່າ ໃນວັນທີ 29 ມີນາ 2021 ນີ້, ໄດ້ພົບສັນຍານການເກີດແຜ່ນດິນໄຫວ ຈໍານວນ 4 ຄັ້ງ, ຢູ່ ແຂວງໄຊຍະບູລີ, ແຂວງ ໄຊສົມບູນ ແລະ ນະຄອນຫລວງພະບາງ, ເຊິ່ງເຫດການແຜ່ນດິນໄຫວໃນເບື້ອງຕົ້ນ ຍັງບໍ່ມີລາຍງານຜົນເສຍຫາຍ. ລາຍລະອຽດຂອງເຫດກາແຜ່ນດິນໄຫວ ມີດັ່ງນີ້: ເວລາ 8:29:35 ໂມງ, ໄດ້ພົບສັນຍານແຜ່ນດິນໄຫວຈຸດສູນກາງ ເສັ້ນຂະໜານທີ່ 19.447°N ແລະ ເສັ້ນແວງທີ່ 101.292°E ຄວາມແຮງສັ່ນສະເທືອນວັດແທກໄດ້ 2,4 ຣິກເຕີ, ເຊິ່ງມີຄວາມເລີກຈາກເທິງໜ້າດິນປະມານ 10 Km, ຈຸດສູນກາງເກີດແຜ່ນດິນໄຫວ ຢູ່ທີ່ບ້ານສາລາ, ເມືອງ ໄຊສະຖານ ແຂວງໄຊຍະບູລີ, ເຊິ່ງ

    ຈຸດເກີດແຜ່ນດິນໄຫວ ແມ່ນຫ່າງຈາກເທດສະບານເມືອງໄຊສະຖານ ປະມານ 11 Km.ໃນເວລາ 11:00:43 ໂມງ, ໄດ້ພົບສັນຍານແຜ່ນດິນໄຫວ ຈຸດສູນກາງເສັ້ນຂະໜານທີ່ 18.815°N ແລະ ເສັ້ນແວງທີ່ 103.067°E, ຄວາມແຮງສັ່ນສະເທືອນວັດແທກໄດ້ 3,1 ຣິກເຕີ, ເຊິ່ງມີຄວາມເລີກຈາກເທິງໜ້າດິນປະມານ 10 Km, ຈຸດສູນກາງເກີດແຜ່ນດິນໄຫວຢູ່ທີ່ ບ້ານອໍ້ໃຕ້ ເມືອງ ເຈົ້າອະນຸວົງ ແຂວງ ໄຊສົມບູນ, ເຊິ່ງຈຸດເກີດແຜ່ນດິນ ໄຫວແມ່ນຫ່າງຈາກເທດສະບານເມືອງເຈົ້າອະນຸວົງ ປະມານ 10 Km ແລະ ໃນ

    ເວລາ 11:04:12 ໂມງ, ໄດ້ພົບສັນຍານແຜ່ນດິນໄຫວຈຸດສູນກາງ ເສັ້ນຂະໜານທີ່ 19.079°N ແລະ ເສັ້ນແວງທີ່ 103.111°E, ຄວາມແຮງສັ່ນສະເທືອນວັດແທກໄດ້
    3.9 ຣິກເຕີ, ເຊິ່ງມີຄວາມເລີກຈາກເທິງໜ້າດິນ ປະມານ 10 Km, ຈຸດສູນກາງເກີດແຜ່ນດິນໄຫວຢູ່ທີ່ ບ້ານຫລວງພັນໄຊ, ເມືອງເຈົ້າອະນຸວົງ ແຂວງ ໄຊສົມບູນ, ເຊິ່ງຈຸດເກີດ ແຜ່ນດິນໄຫວແມ່ນຫ່າງຈາກເທດສະບານເມືອງ ເຈົ້າອະນຸວົງ ປະມານ 20 Km.ໃນເວລາ 11:10:02 ໂມງ, ໄດ້ພົບສັນຍານແຜ່ນດິນໄຫວຈຸດສູນກາງ ເສັ້ນຂະໜານທີ

    19.73°N ແລະ ເສັ້ນແວງທີ່ 102.75°E, ຄວາມແຮງສັ່ນສະເທືອນວັດແທກໄດ້ 4.5 ຣິກເຕີ, ເຊິ່ງມີຄວາມເລິກຈາກເທິງໜ້າດິນ ປະມານ 83 Km, ຈຸດສູນກາງເກີດແຜ່ນດິນໄຫວ ຢູ່ທີ່ ເມືອງພູຄູນ ນະ ຄອນຫລວງພະບາງ, ເຊິ່ງຈຸດເກີດແຜ່ນດິນໄຫວແມ່ນຫ່າງຈາກເທດສະບານເມືອງ ພູຄູນ ປະມານ 46 Km, ແຕ່ໃກ້ກັບບ້ານດົງເງິນ ທີ່ຂຶ້ນກັບເມືອງໂພນໄຊ ນະຄອນຫລວງພະບາງ.

    ຂ່າວ: ທະນູທອງ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.