ປີ 2020 ຜ່ານມາ ຈີດີພີ ແຂວງອຸດົມໄຊ ບັນລຸໄດ້ 4.000 ຕື້ກວ່າກີບ

    0
    248

    ແຫລ່ງຂ່າວຈາກແຂວວງອຸດົມໄຊ ໃຫ້ຮູ້ວ່າ: ໃນປີ 2020 ຜ່ານມາ ວຽກງານແຜນການ ແລະ ການລົງທຶນຢູ່ແຂວງອຸດົມໄຊ ມີຜົນສຳເລັດພົ້ນເດັ່ນຫລາຍດ້ານ ໂດຍສະເພາະແມ່ນດ້ານເສດຖະກິດ ມະຫາພາກຂອງແຂວງ ຍັງສືບຕໍ່ຂະຫຍາຍຕົວ ໃນລະດັບ 5,33%, ລວມຍອດພະລິດຕະພັນພາຍໃນ ຫລື ຈີດີພີ (GDP) ໝົດປີໄດ້ 4.000 ກວ່າຕື້ກີບ ສະເລ່ຍຕໍ່ຫົວຄົນ ໄດ້1.664 ໂດລາສະຫະລັດ ແລະ ສາມາດລະດົບທຶນເຂົ້າໃສ່ການພັດທະນາໄດ້ທັງໝົດເກືອບ 3 ພັນຕື້ກີບ.ຂໍ້ມູນດັ່ງກ່າວ ໄດ້ຮັບການລາຍງານໃນກອງ

    ປະຊຸມ ສະຫລຸບຕີລາຄາຄືນຜົນການຈັດ ຕັ້ງປະຕິບັດວຽກງານ ແຜນການ ແລະ ການລົງທຶນ ປະຈຳປີ 2020 ແລະ ທິດທາງແຜນການ ປີ 2021 ໃນວັນທີ 25 ມີນາ ຜ່ານມາ ເຊິ່ງກອງປະຊຸມທົບທວນຄືນ ບັນດາຄາດໝາາຍແຕ່ລະດ້ານ ພ້ອມທັງສະຫລຸບລາຍງານການເຄື່ອນໄຫວຈັດຕັ້ງປະຕິບັດວຽກງານຮອບດ້ານ ໃນໄລຍະ 1 ປີຜ່ານມາ ໂດຍຍົກໃຫ້ເຫັນດ້ານດີຜົນງານ, ດ້ານອ່ອນ ແລະ ບາງບັນຫາທີ່ຍັງຄົງຄ້າງ ພ້ອມທັງວາງທິດທາງແຜນການ ປີ 2021.ສຳລັບທິດທາງແຜນການໃນປີ 2021, ພະແນກ

    ແຜນການ ແລະ ການລົງທຶນ ແຂວງອຸດົມໄຊ ໄດ້ກຳນົດຈຸດໝາຍ ແລະ ທິດທາງລວມ ພ້ອມທັງຄາດໝາຍສູ້ຊົນຢ່າງລະອຽດ ໂດຍສະເພາະຄາດໝາຍດ້ານເສດຖະກິດມະຫາພາກ ຕ້ອງສູ້ຊົນເຮັດໃຫ້ຕົວລວມຍອດພະລິດຕະພັນພາຍໃນ ຂະຫຍາຍຕົວສະເລ່ຍ ໃນລະດັບ 6,66%, ສ້າງມູນຄ່າຜະລິດຕະພັນພາຍໃນ ໃຫ້ບັນລຸ 5 ພັນກວ່າຕື້ກີບ, ສະເລ່ຍ ລາຍຮັບຕໍ່ຫົວຄົນໃຫ້ໄດ້ 1.813 ໂດລາສະຫະລັດ.

    ຂ່າວ: ຄານມະນີ ຮຽນດໍຈັນ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.