ຄຸນປະໂຫຍດຂອງຜັກບົ້ງ ບຳລຸງສາຍຕາ ຫຼຸດລະດັບນໍ້າຕານໃນເລືອດ

    0
    107

    ຜັກບົ້ງເປັນພືດນໍ້າ ແລະ ພືດລົ້ມລຸກມີອາຍຸຫຼາຍປີ, ຮາກຜັກບົ້ງມີຮາກແບບຮາກແກ້ວ. ລຳຕົ້ນໄລຍະທຳອິດຂອງການຈະເລີນເຕີບໂຕລຳຕົ້ນຈະຕັ້ງຊື່, ເມື່ອລຳຕົ້ນຍາວຈະເລືອຕາມພື້ນດິນ, ສີຂຽວ, ມີຂໍ້ ແລະ ປ້ອງ. ໃບດ່ຽວ, ຂອບໃບລຽບ, ໂຄນໃບກວ້າງຄ່ອຍນ້ອຍໄປທາງປາຍ, ປາຍໃບແຫຼມ, ໂຄນຮູບຫົວໃຈ, ໃບຍາວ 7-15 ຊມ, ກ້ານໃບຍາວ 3-8 ຊມ.

    ດອກ ແລະ ຊໍ່ດອກ, ດອກສົມບູນ ກາບດອກສີຂຽວ 5 ອັນ, ກີບດອກເຊື່ອມຕິດກັນເປັນຮູບກວຍ, ດ້ານນອກມີສີຂາວດ້ານໃນມີສີມ່ວງ. ໝາກເປັນໝາກດ່ຽວຮູບຮ່າງຄ່ອນຂ້າງກົມ, ມີຂະໜາດໃຫ່ຍທີ່ອາຍຸປະມານ 30 ວັນ, ມີເສັ້ນຜ່ານສູນກາງ 1.42 ຊມ ເມື່ອແຫ້ງສີຂອງໝາກຈະມີສີນໍ້າຕານເຂັ້ມ ໃນ 1 ໝາກ ຈະມີແກ່ນ 4-5 ແກ່ນ. ແກ່ນມີຮູບຮ່າງເປັນ 3 ຫຼ່ຽມ, ສີນໍ້າຕານ, ເປືອກຫຸ້ມເມັດມີສີ 3 ລະດັບ ຄື ສີນໍ້າຕານອ່ອນ, ສີນໍ້າຕານແກ່ ແລະ ສີນໍ້າຕານດຳ ມີຂະໜາດນ້ອຍ ຄວາມກວ້າງໂດຍສະເລ່ຍ 0.4 ຊມ ຍາວ 0.5 ຊມ.

    ຜັກບົ້ງເປັນຜັກທີ່ມີລາຄາຖືກ ແຕ່ມີຄຸນຄ່າທາງອາຫານຫຼາຍ ຜັກບົ້ງເປັນຜັກທີ່ບຳລຸງສາຍຕາ ນອກຈາກນີ້ຍັງມີສານຊະນິດໜຶ່ງທີ່ມີໂຄ້ງສ້າງຄ້າຍກັບອິນຊູລິນເຮັດໜ້າທີ່ຫຼຸດລະດັບນໍ້າຕານໃນເລືອດໄດ້ເປັນຢ່າງດີ. ມີສ່ວນຊ່ວຍໃຫ້ຜິວພັນເປັງປັງ ມີນໍ້າມີນວນ.

    ມີສານຕໍ່ຕ້ານອານຸມູນອິດສະຫຼະຊ່ວຍໃນການສະລໍໄວ ຄວາມແກ່ສະລາ, ມີສ່ວນຊ່ວຍປ້ອງກັນການເກີດຫຼືລົດອັດຕາການເກີດຂອງພະຍາດມະເຮັງໄດ້. ຊ່ວຍບຳລຸງສາຍຕາ ຮັກສາອາການຕາຕໍ ຕາຝາຟາງ ຕາແດງ ສາຍຕາສັ້ນ, ຊ່ວຍບຳລຸງທາດ, ຕົ້ນສົດຂອງຜັກບົ້ງໃຊ້ເປັນຢາດັບຮ້ອນ ແກ້ອາການຮ້ອນໃນ ຊ່ວຍໃນການບຳລຸງເລືອດ, ຊ່ວຍເສີມສ້າງສັກກາຍຍະພາບໃນດ້ານຄວາມຈຳ ແລະ ການຮຽນຮູ້ໃຫ້ດີຂື້ນ. ຍອດຜັກບົ້ງຊ່ວຍແກ້ພະຍາດປະສາດ.

    ຮາກຜັກບົ້ງຊ່ວຍແກ້ອາການເຫງືອອອກຫຼາຍ ປ້ອງກັນພະຍາດເບົາຫວານ, ຊ່ວຍແກ້ອາການປວດຫົວ ອ່ອນເພ້ຍ, ຊ່ວຍແກ້ພະຍາດຫືດ, ໃຊ້ແກ້ອາການໄອເຮື້ອລັງ, ຊ່ວຍປ້ອງກັນການເກີດພະຍາດກະເພາະອາຫານ. ຍອດຜັກບົ້ງມີຊ່ວຍແກ້ອາການເສື່ອມສະມັດຕະພາບ, ຊ່ວຍທຳຄວາມສະອາດຂອງເສຍທີ່ຕົກຄ້າງໃນລຳໄສ້.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.