ຫາລື ການແກ້ໄຂບັນຫາການກໍ່ສ້າງສະຖານີ ຄ່ຽນຖ່າຍສິນຄ້າ ບໍລິສັດລົດໄຟ ລາວ-ຈີນ ຈຳກັດ

    0
    354

    ກອງປະຊຸມປຶກສາຫາລືຂອງຄະນະວິຊາການ ໄດ້ຈັດຂຶ້ນຢູ່ທີ່ຫ້ອງການເຂດໂລຈິສຕິກ ວຽງຈັນ ບ້ານດົງໂພສີ ເມືອງຫາດຊາຍຟອງ ນະຄອນຫລວງວຽງຈັນ ເມື່ອທ້າຍອາທິດຜ່ານມາ, ໂດຍການເປັນປະທານຂອງ ທ່ານ ບຸນທອງ ຈິດມະນີ ຮອງນາຍົກລັດຖະມົນຕີ, ຫົວໜ້າຄະນະຊີ້ນຳໂຄງການກໍ່ສ້າງທາງລົດໄຟລາວ-ຈີນ, ມີ ພາກສ່ວນກ່ຽວຂ້ອງ

    ເຂົ້າຮ່ວມ.ທ່ານ ຈັນທອນ ສິດທິໄຊ ປະທານບໍລິສັດ ວຽງຈັນ ໂລຈິສຕິກ ຈຳກັດ ໄດ້ນຳສະເໜີ, ອະທິບາຍຄວາມເປັນມາ, ຄວາມສໍາຄັນ ແລະ ຄວາມຈໍາເປັນໃນການສ້າງ ແລະ ນໍາໃຊ້ທ່າບົກເພື່ອຄ່ຽນຖ່າຍສິນຄ້າ. ພາຍຫລັງທີ່ໄດ້ຮັບຟັງການສະເໜີລາຍງານ ທ່ານ ຮອງນາຍົກລັດຖະຕີ, ຫົວໜ້າຄະນະຊີ້ນຳໂຄງການກໍ່ສ້າງທາງລົດໄຟ ລາວ-ຈີນ ກໍ

    ໄດ້ມີຄຳເຫັນຊີ້ນໍາຕໍ່ກອງປະຊຸມ ເພື່ອນຳໄປຄົ້ນຄ້ວາປຶກສາຫາລື ໃນການເຈລະຈາກັບ ບໍລິສັດ ລົດໄຟ ລາວ-ຈີນ ຈຳກັດ ເພື່ອແກ້ໄຂບັນຫາການກໍ່ສ້າງສະຖານີຄ່ຽນຖ່າຍສິນຄ້າຂອງບໍລິສັດ ລົດໄຟ ລາວ-ຈີນ ຈຳກັດ ແລະ ການນຳໃຊ້ທ່າບົກ-ທ່ານາແລ້ງ (ເຂດໂລຈິສຕິກ) ນະຄອນຫລວງວຽງຈັນ ເພື່ອຄວາມສະດວກໃນການເຊື່ອມຈອດ ກໍຄື ການນຳ

    ໃຊ້ບໍລິການຂົນສົ່ງ ແລະ ຄ່ຽນຖ່າຍສິນຄ້າດ້ວຍວິທີການ ແລະ ຮູບການທີ່ເໝາະສົມ ເຮັດໃຫ້ການດຳເນີນກິດຈະການທັງສອງບໍລິສັດ ດຳເນີນໄປຢ່າງມີປະສິດທິຜົນ ຮັບປະກັນຜົນປະໂຫຍດຂອງແຕ່ລະຝ່າຍ, ພ້ອມທັງໃຫ້ປະຕິບັດຕາມສົນທິສັນຍາ ລະຫວ່າງລັດຖະບານວ່າດ້ວຍທ່າບົກ (Dry port) ກັບຄະນະກຳມາທິການ ອົງການສະຫະປະຊາຊາດ ( UNESCAP) ທີ່ ສປປ ລາວ ໄດ້ລົງນາມເປັນພາຄີ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.