ສະພາແຫ່ງຊາດຮັບຮອງທ່ານ ທອງລຸນ ສີສຸລິດ ເປັນປະທານປະເທດແຫ່ງ ສປປ ລາວຄົນໃໝ່

    0
    347

    ກອງປະຊຸມຄັ້ງປະຖົມມະລຶກຂອງສະພາແຫ່ງຊາດຊຸດທີ IX ທີ່ເປີດຂຶ້ນມື້ນີ້ (22 ມີນາ 2021) ກອງປະຊຸມ ໄດ້ສະເໜີ ແລະ ຮັບຮອງເອົາ ທ່ານ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກ ເປັນປະທານປະເທດ ແຫ່ງສາທາລະນະລັດ ປະຊາທິປະໄຕ ປະຊາຊົນລາວ ດ້ວຍຄະແນນສຽງເປັນສ່ວນຫຼາຍ ຈາກຜູ້ເຂົ້າຮ່ວມທັງໝົດ 163 ທ່ານ ເຫັນດີ 161 ທ່ານ ກວມເອົາ 98.77%; ບໍ່ເຫັນດີ 1 ທ່ານ ກວມເອົາ 0,61%; ບໍ່ອອກສຽງ 1 ທ່ານ ກວມ 0,61%.

    ທ່ານທອງລຸນ ສີສຸລິດ ເກີດເມື່ອວັນທີ 10 ພະຈິກປີ 1945 ທີ່ແຂວງຫົວພັນປະຈຸບັນອາຍຸ 65 ປີ, ທ່ານຈົບການສຶກສາຈາກສະຫະພາບໂຊວຽດ(ຣັດເຊຍໃນປະຈຸບັນ) ທ່ານກ່ອນຈະມາດຳລົງຕຳແໜ່ງເປັນນາຍົກລັດຖະມົນຕີແມ່ນ ໃນປີ 1987-1992 ໄດ້ເປັນຮອງລັດຖະມົນຕີກະຊວງການຕ່າງປະເທດ ຫຼັງຈາກນັ້ັ້ນປີ 1993-1997 ແມ່ນເປັນລັດຖະມົນຕີກະຊວງແຮງງານ ແລະສະຫວັດດີການສັງຄົມ,

    ປີ 1998-2000 ທ່ານໄດ້ເປັນໜຶ່ງໃນສະມາຊິກສະພາແຫ່ງຊາດ ແລະຍັງໄດ້ເຄື່ອນໄຫວອີກຫຼາຍຕຳແໜ່ງໃນວຽກງານຕ່າງໆກ່ອນຈະມາເປັນຮອງນາຍົກລັດຖະມົນຕີ, ໃນປີ 2001-2006 ແລະປີ 2006-2016 ເປັນລັດຖະມົນຕີກະຊວງການຕ່າງປະເທດ.

    ມາຮອດວັນທີ 20 ເມສາປີ 2016 ທ່ານຈິ່ງໄດ້ຮັບເລືອກໃຫ້ເປັນນາຍົກລັດຖະມົນຕີແຫ່ງ ສປປ ລາວ ເຊິ່ງເປັນນາຍົກລັດຖະມົນຕີຄົນທີ7 ຂອງ ສປປ ລາວ ນັບແຕ່ສະຖາປະນາເປັນສາທາລະນະລັດປະຊາທິປະໄຕ ປະຊາຊົນລາວ ເຊິ່ງທ່ານຍັງຄົງດຳລົງຕຳແໜ່ງມາຈົນຮອດປະຈຸບັນ.ດ້ວຍຜົນງານ ແລະຄວາມຮູ້ຄວາມສາມາດໃນການເຮັດວຽກຢ່າງມີແບບແຜນຂອງທ່ານນັບແຕ່ເຂົ້າດຳລົງຕຳແໜ່ງນາຍົກລັດຖະມົນຕີ ທ່ານໄດ້ນຳພາຄະນະລັດຖະບານປະຕິຮູບຫຼາຍຢ່າງ ແຕ່ອັນທີ່ປະຊາຊົນຊື່ນຊົມທີ່ສຸດຄືການປະມູນຂາຍ

    ອອກລົດຫຼູທີ່ຮັບໃຊ້ການນຳພັກລັດໃຫ້ມາໝູນໃຊ້ລົດທຳມະດາທີ່ບໍ່ຕ້ອງເສຍຄ່າບຳລຸງຮັກສາຫຼວງຫຼາຍ, ພ້ອມດຽວກັນກໍແມ່ນການປະຕິບັດຄຳສັ່ງເລກທີ 15 ວ່າດ່ວຍການເພີ່ມທະວີຄວາມເຂັ້ມງວດໃນການຄຸ້ມຄອງ ແລະກວດກາການຂຸດຄົ້ນໄມ້, ເຄື່ອນຍ້າຍໄມ້ ແລະທຸລະກິດໄມ້….ເຮັດໃຫ້ການຕັດ ແລະຄ້າໄມ້ຢູ່ໃນລາວມີອັນປ່ຽນແປງຢ່າງເຫັນໄດ້ຊັດເຈນ ເຮັດໃຫ້ປະຊາຊົນທັງພະນັກງານລັດຖະກອນ ທະຫານ ຕຳຫຼວດລ້ວນຊື່ນຊົມໃນຜົນງານ ບໍ່ພຽງເທົ່ານັ້ນ ທ່ານຍັງເປັນຫົວໜ້າລັດຖະບານຄົນໜຶ່ງທີ່ເອົາໃຈໃສ່ເບິ່ງແຍງ

    ຄວາມທຸກສຸກຂອງປະຊາຊົນລົງຢ້ຽມຢາມຜູ້ຕົກທຸກໄດ້ຍາກ ຮອດທ້ອງຖິ່ນຮາກຖານ ຈົນທ່ານໄດ້ສາຍານາມວ່າເປັນນາຍົກຂອງປະຊາຊົນ.ດ້ວຍຜົນງານການທຸ່ມເທເຮັດວຽກຢ່າງເອົາຈີງເອົາຈັງ ເຮັດໃຫ້ກອງປະຊຸມຂອງພັກປະຊາຊົນປະຕິວັດລາວຄັ້ງທີ XI ໄດ້ເລືອກທ່ານມາເປັນເລຂາທິການໃຫຍ່ຄະນະບໍລິຫານງານ

    ສູນກາງພັກໃນວັນທີ 15 ມັງກອນປີ 2021 ຜ່ານມານີ້ເອງ ແລະກອງປະຊຸມສະພາແຫ່ງຊາດ ບັນດາສະມາຊິກສະພາແຫ່ງຊາດທີ່ເປັນຕົວແທນແຫ່ງສິດຜົນປະໂຫຍດຂອງປະຊາຊົນຈິິ່ງໄດ້ລົງຄະແນນສຽງຮັບຮອງເອົາທ່ານ ເປັນປະທານປະເທດແຫ່ງ ສາທາລະນະລັດ ປະຊາທິປະໄຕ ປະຊາຊົນລາວຄົນໃໝ່ ເຊິ່ງເປັນປະທານປະເທດຄົນທີ 7 ຂອງ ສປປ ລາວເຮົາ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.