ປະເທດຊາດ ໄດ້ຮັບການພັດທະນາ ຢ່າງຕໍ່ເນື່ອງ ຍ້ອນມີພັກນໍາພາ

    0
    263

    ທ່ານນາງ ບຸນນານ ບຸນນະແສງ ຄະນະປະຈໍາພັກແຂວງ ຫົວໜ້າຄະນະໂຄສະນາອົບຮົມ ແຂວງອັດຕະປື ໄດ້ໃຫ້ສຳ ພາດຕໍ່ສື່ມວນຊົນຂອງແຂວງເມື່ອວັນທີ 18 ມີນາ 2021 ນີ້ວ່າ: ເນື່ອງໃນໂອກາດວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 66 ປີ ທີ່ຈະມາເຖິງນີ້, ຂ້າພະເຈົ້າຂໍຕີລາຄາວ່າ: ຕະຫລອດໄລຍະ 66 ປີ ແຫ່ງການນໍາພາຂອງພັກປະຊາ ຊົນປະຕິວັດລາວ ທີ່ສະຫລາດສ່ອງໃສ ແລະ ປີຊາສາມາດ, ເຊິ່ງພັກຍາດໄດ້ຜົນງານອັນໃຫຍ່ຫລວງໃນຫລາຍດ້ານ ເປັນຕົ້ນ: ໄດ້ນຳພາປວງຊາຊົນລາວທັງຊາດຕໍ່ສູ້ຕ້ານພວກລ່າເມືອງຂື້ນທັງແບບເກົ່າ ແລະ ໃໝ່ ໄດ້ຢ່າງມີໄຊ ແລະ ສະຖາ ປະນາເປັນປະເທດສາທາລະນະລັດ ປະຊາທິປະໄຕ ປະ ຊາຊົນລາວ ໃນວັນທີ 2 ທັນວາ ປີ 1975 ແລະ

    ພັກເຮົາໄດ້ສືບຕໍ່ພາລະກິດປ່ຽນແປງໄໝ່ຮອບດ້ານຢ່າງມີຫລັກການຂອງພັກ ເພື່ອນໍາພາປວງຊົນລາວບັນດາເຜົ່າເຮັດໜ້າທີ່ປົກປັກຮັກສາ ແລະ ພັດທະນາປະເທດຊາດ ໃຫ້ມີຄວາມຈະເລີນຮຸ່ງເຮືອງເປັນແຕ່ລະໄລຍະມາ. ຕະຫລອດໄລຍະ 66 ປີ ຜ່ານມາພັກໄດ້ຊີ້ນໍາ-ນໍາພາ ເຮັດໃຫ້ລະບອບການເມືອງມີຄວາມໜັກແໜ້ນ, ປະເທດຊາດໄດ້ຮັບການພັດທະນາຢ່າງຕໍ່ເນື່ອງ ແລະ ມີຜົນງານຫລາຍດ້ານທີ່ພວກເຮົາບໍ່ສາມາດພັນລະນາໄດ້ ໂດຍສະເພາະຊີວິດການເປັນຢູ່ຂອງປະຊາຊົນບັນດາເຜົ່າໄດ້ຮັບການພັດທະນດີຂຶ້ນ, ດ້ານ

    ພື້ນຖານໂຄງລ່າງຖະໜົນຫົນທາງ, ໄຟຟ້າ,ນໍ້າປະປາ ແລະ ສິ່ງເອື້ອອໍານວຍອື່ນໆ ໄດ້ເກີດຂື້ນຢ່າງຫລວງຫລາຍ ເມື່ອທຽບໃສ່ກ່ອນທີ່ບໍ່ທັນມີພັກນໍາພາ .ທ່ານນາງ ບຸນນານ ບຸນນະແສງ ໄດ້ກ່າວຕື່ມວ່າ: ສຳລັບແຂວງອັດຕະປື ຂອງພວກເຮົາ ພາຍໃຕ້ການກຊີ້ນໍາ-ນໍາພາຂອງອົງຄະນະພັກແຂວງ ຕະຫລອດໄລຍະ 5 ປີທີ່ຜ່ານມານີ້ ເຖິງວ່າແຂວງຂອງພວກເຮົາຈະໄດ້ຮັບຜົນກະທົບຫລາຍຢ່າງ ທັງໃນຕົວ ແລະ ນອກຕົວ ແຕ່ພາຍໃຕ້ການຊີ້ນໍາ-ນໍາພາຂອງອົງຄະນະພັກແຂວງ ເຮັດໃຫ້ແຂວງອັດຕະປື ຍັງຮັກສາໄດ້ສະຖຽນລະພາບທາງດ້ານການເມືອງ, ສັງຄົມມີຄວາມສະຫງົບຮຽບຮ້ອຍໂດຍພື້ນຖານ, ການພັດທະນາເສດຖະກິດ-ສັງຄົມຂອງແຂວງ ມີການຂະຫຍາຍຕົວຕາມຄາດໝາຍ, ການ

    ລົງທຶນຂອງຕ່າງປະເທດກໍເພີ່ມຂື້ນ, ຄອບ ຄົວທຸກຍາກໄດ້ຫລຸດລົງເທື່ອລະກ້າວ, ບ້ານພັດທະນາໄດ້ມີການເພີ່ມຂຶ້ນ, ວຽກງານຂົງເຂດວັດທະນະທໍາ-ສັງຄົມ ກໍເຫັນວ່າໄດ້ຮັບການພັດທະນາ ແລະ ມີຜົນສໍາເລັດຫລາຍ.ເນື່ອງໃນໂອກາດ ຄົບຮອບ 66 ປີ ວັນສ້າງຕັ້ງພັກປະຊາຊົນປະຕິວັດລາວ ໃນປີນີ້ຢູ່ແຂວງອັດຕະປື ພວກເຮົາກໍໄດ້ສໍາເລັດຫລາຍຂະບວນການສໍາຄັນ ເປັນຕົ້ນ: ໄດ້ສໍາເລັດການດໍາເນີນກອງປະຊຸມໃຫຍ່ອົງຄະນະພັກແຂວງ ຄັ້ງທີ XI ,ສໍາເລັດບັ້ນເລືອກຕັ້ງສະມາຊິກສະພາແຫ່ງຊາດ ຊຸດທີ IX ແລະ

    ສະມາຊິກສະພາປະຊາຊົນແຂວງ ຊຸດທີ II, ພິເສດໃນປີນີ້ຄະນະປະຈໍາພັກແຂວງໄດ້ຕົກລົງເຫັນດີ ໃຫ້ມີການຈັດຂະບວນຄາລາວານຕາມຮອຍຖານທີ່ໝັ້ນປະຕິວັດເຂດໃຕ້ ເພື່ອສະເຫລີມສະຫລອງວັນສ້າງຕັ້ງພັກ ຄົບຮອບ 66 ປີ ແລະ ວັນຄຽດແຄ້ນຂອງປະຊາຊົນລາວ, ວັນເສຍອົງຄະ ແລະ ເສຍສະຫລະຊີວິດ ເພື່ອປະເທດຊາດ ຄົບຮອບ 75 ປີຄື: ວັນທີ 21 ມີນາ ປີ 1946 ຫາ 21 ມີນາ ປີ 2021,ທັງນີ້ກໍເພື່ອເປັນການສຶກສາອົບຮົມມູນເຊື້ອປະຕິວັດ,ປູກຈິດສໍານຶກ ປູກຈິດໃຈຮັກຊາດຂອງຄົນຮຸ້ນໃໝ່ ແລະ ເປັນ

    ການສົ່ງເສີມຂະບວນການລາວທ່ຽວລາວ ໃນວິກິດຂອງການແຜ່ລະບາດຂອງພະຍາດ ໂຄວິດ 19. ທ່ານນາງ ບຸນນານ ບຸນນະແສງ ຍັງໄດ້ຕາງໜ້າໃຫ້ການນຳຂອງແຂວງ ແລະ ພໍ່ແມ່ປະຊາຊົນບັນດາເຜົ່າ ແຂວງອັດຕະປື ຂໍອວຍພອນໄຊໃຫ້ການນຳພັກ-ລັດ ທຸກທ່ານຈົ່ງມີສຸຂະ ພາບເຂັ້ມແຂງ ມີພາລານາໄມທີ່ສົມບູນ ສືບຕໍ່ນຳພາປະເທດ ຊາດ ໃຫ້ມີການພັດທະນາຮຸ່ງເຮືອງສີວິໄລຢ່າງບໍ່ຢຸດຢັ້ງ.

    ຂ່າວ: ວັດທະນາ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.