ວັກຊິນປ້ອງກັນໂຄວິດຊຸດທຳອິດ 132.000 ຫລອດ ຈາກໂຄງການໂຄແວັກ ມາເຖິງລາວແລ້ວ

    0
    376

    ລາວໄດ້ຮັບວັກຊິນປ້ອງກັນພະຍາດໂຄວິດ19ຊຸດທຳອິດ ຈຳນວນ 132.000 ຫລອດ ໃນຈໍານວນທີ່ຈະໄດ້ຮັບທັງໝົດ 480.000 ຫລອດ ຈາກໂຄງການຮ່ວມມືເພື່ອວັກຊິນປ້ອງກັນພະຍາດໂຄວິດ19 ຫລືໂຄແວັກ ຊື່ງເປັນໂຄງການຮ່ວມມືລະຫວ່າງພັນທະມິດຮ່ວມມືດ້ານນະວັດຕະກຳເພື່ອຮັບມືກັບການລະບາດ, ອົງການກາວີ, ອົງການຍູນິເຊັບ

    ແລະ ອົງການອະນາໄມໂລກ ພິທີມອບຮັບວັກຊິນຢ່າງເປັນທາງການຈັດຂື້ນໃນຕອນເຊົ້າວັນທີ 20 ມິນາ 2021, ທີ່ສະໜາມບິນສາກົນວັດໄຕ ໂດຍການເຂົ້າຮ່ວມຂອງທ່ານ ສົມດີ ດວງດີ ຮອງນາຍົກລັດຖະມົນຕີ ລັດຖະມົນຕີກະຊວງການເງິນ ມີພາກສ່ວນກ່ຽວຂ້ອງ ແລະຕາງໜ້າອົງການ ຈັດຕັ້ງສາກົນປະຈຳລາວ.ຮອງສາສະດາຈານ ດຣ ບຸນກອງ

    ສີຫາວົງ ລັດຖະມົນຕີກະຊວງສາທາລະນະສຸກ ຮອງຫົວໜ້າຄະນະສະເພາະກິດເພື່ອປ້ອງກັນ ຄວບຄຸມ ແລະແກ້ໄຂການລະບາດພະຍາດໂຄວິດ19 ໃຫ້ສໍາພາດວ່າ: ວັກຊິນປ້ອງກັນໂຄວິດ19ທີ່ໄດ້ຮັບໃນຄັ້ັງນີ້ ແມ່ນວັກຊິນແອັສຕາສະເນກາທີ່ຜະລິດຈາກສະຖາບັນວັກຊິນຂອງອິນເດຍ ແລະເປັນວັກຊິນທີ່ມີຄຸນນະພາບ ຊື່ງໃນປີນີ້ໂຄງການດັ່ງກ່າວຈະໜອງ

    ວັກຊິນເພື່ອສັກໃຫ້ປະຊາຊົນລາວໃຫ້ບັນລຸ 20 ສ່ວນຮ້ອຍຂອງປະຊາກອນໃນທົ່ວປະເທດ ໂດຍຈະສຸມໃສ່ບັນດາກຸ່ມເປົ້າໝາຍທີ່ມີຄວາມສ່ຽງກ່ອນ.ວັກຊິນແອສຕາເຊເນກາ ໄດ້ຜ່ານຂັ້ນຕອນການທົດສອບດ້ານພັດທະນາ ແລະຄວາມປອດໄພຢ່າງເຂັ້ມງວດ, ກະຊວງສາທາລະນະສຸກ, ກົມອາຫານແລະຢາ ໄດ້ເຮັດການປະເມີນຫລັກຖານ, ຜົນປະໂຫຍດ

    ແລະຄວາມສ່ຽງຕ່າງໆແລ້ວ ໂດຍໄດ້ຮັບອະນຸຍາດໃຫ້ສະຖາບັນ serum ຂອງອິນເດຍສະໜອງຜ່ານໂຄງການ ໂຄແວກ ແລະໄດ້ຮັບການອະນຸມັດໃຫ້ນໍາໃຊ້ສຸກເສີນຂອງອົງການອະນາໄມໂລກ ໃນວັນທີ 15 ກຸມພາ 2021.ສປປ ລາວ ໄດ້ເປີດຂະບວນການສັກວັກຊິນປ້ອງກັນພະຍາດໂຄວິດ19ຢ່າງເປັນທາງການນັບແຕ່ທ້າຍເດືອນມັງກອນ ເປັນຕົ້ນມາ

    ຊື່ງໄລຍະທຳອິດແມ່ນເລັ່ງໃສ່ກຸ່ມເປົ້າໝາຍປະຊາກອນທີ່ມີຄວາມສ່ຽງສູງ ເປັນ ຕົ້ນພະນັກງານແພດໝໍ, ພະນັກງານປະຈໍາດ່ານເຂົ້າອອກຕ່າງໆ ແລະພະນັກງານປະຈໍາຢູ່ສູນກັກກັນ. ມາຮອດປະຈຸບັນສາມາດສັກວັກຊິນໄດ້ແລ້ວຫລາຍກວ່າ 7 ໝື່ນຄົນ ເຖິງຢ່າງໃດກໍ່ຕາມຄະນະສະເພາະກິດເພື່ອປ້ອງກັນ ຄວບຄຸມ ແລະແກ້ໄຂການລະບາດພະຍາດໂຄ

    ວິດ19ກໍ່ຄືລັດຖະບານລາວຈະສືບຕໍ່ຊອກຫາວັກຊິນປ້ອງກັນໂຄວິດ19ມາສັກໃຫ້ປະຊາຊົນ ໃຫ້ກວມ 75 ສ່ວນຮ້ອຍຂອງປະຊາກອນທັງໝົດໃນປີ 2024.ນອກຈາກວັກຊິນປ້ອງກັນໂຄວິດ19 ແລ້ວ ລາວຍັງໄດ້ຮັບເຂັມສັກຢາແບບພິເສດຈຳນວນ 48.000 ເຂັມ ແລະກ່ອງສຳລັບຂີ້ເຫຍື້ອບໍ່ອະເຊື້ອ 840 ກ່ອງ ຊື່ງໄດ້ຈັດຊື້ໂດຍອົງການຢູນິເຊັບ ເພື່ອຊ່ວຍເຫລືອລັດຖະບານລາວຕື່ມອີກ.

    ທີ່ມາ: Lao National Radio

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.