ພິທີວາງສີລາລຶກກໍ່ສ້າງໂຮງງານປຸງແຕ່ງໄມ້ປູກ ຄົບວົງຈອນ ຢູ່ແຂວງຄຳມ່ວນ

    0
    373

    ພິທີວາງສີລາລືກກໍ່ສ້າງໂຮງງານປຸງແຕ່ງໄມ້ຄົບວົງຈອນ ຂອງ ບໍລິສັດ ແມ່ຂອງ ປູກຕົ້ນໄມ້ ຈຳກັດ ໄດ້ຈັດຂຶ້ນເມື່ອບໍ່ດົນມານີ້ ໂດຍການເຂົ້າຮ່ວມຂອງ ທ່ານ ຊູຊາດ ໄຊຍະກຸມມານ ຫົວໜ້າ ກົມປ່າໄມ້ ກະຊວງກະສິກຳ ແລະ ປ່າໄມ້, ທ່ານ ບົວວັນ ວິລະວົງ ຫົວໜ້າກົມອຸດສາຫະກຳ ແລະ ຫັດຖະກຳ ກະຊວງອຸດສາຫະກຳ ແລະ ການຄ້າ, ທ່ານ ແອງ ກວ້າງມະນີວັນ ຜູ້ອຳນວຍການ ບໍລິສັດ ແມ່ຂອງ ປູກຕົ້ນໄມ້ ຈຳກັດ ພ້ອມດ້ວຍທຸກພາກສ່ວນກ່ຽວຂ້ອງເຂົ້າຮ່ວມ.ທ່ານ ແອງ ກວ້າງມະນີວັນ ໄດ້ລາຍງານກ່ຽວກັບການຈັດຕັ້ງປະຕິບັດໂຄງການ ໃນໄລຍະຜ່ານມາ ວ່າ: ບໍລິສັດ ແມ່ຂອງ ປູກຕົ້ນໄມ້ ຈຳກັດ ແມ່ນໄດ້ສ້າງຕັ້ງຂຶ້ນໃນປີ 1999, ເປັນບໍລິສັດຮ່ວມທຸລະກິດ ປະສົມລະຫວ່າງ
    ລັດຖະບານລາວຖືຫຸ້ນ 15% ແລະ ນັກລົງທຶນຖືຫຸ້ນ 85% ຊຶ່ງລັດຖະບານລາວ ຈະສະໜອງເນື້ອທີ່ຂອງລັດໃຫ້ບໍລິສັດສຳປະທານໃນເນື້ອທີ່ 50 ພັນເຮັກຕາ ໃນໄລຍະການສຳ

    ປະທານ 50 ປີ (1999-2049) ໃນຂອບເຂດສໍາປະທານ 2 ແຂວງຄື: ບໍລິຄໍາໄຊ ແລະ ຄໍາມ່ວນ.ຕະຫຼອດໄລ ຍະການຈັດຕັ້ງປະຕິບັດໂຄງການຜ່ານມາໄດ້ມີການປ່ຽນຜູ້ຖືຫຸ້ນສ່ວນຕ່າງປະເທດມາແລ້ວ 3 ຄັ້ງຄື: ໄລ ຍະປີ 1999-2005 ແມ່ນບໍລິສັດ ບີຈີເອ ປູກຕົ້ນໄມ້ ຈໍາກັດ, ປີ 2005-2017 ແມ່ນບໍລິສັດ ໂອຈິລາວ ແລະ ນັບແຕ່ວັນທີ 17 ມີນາ 2017 ເປັນຕົ້ນມາແມ່ນບໍລິສັດ ແມ່ຂອງ ປູກຕົ້ນໄມ້ ຈຳກັດ ພາຍໃຕ້ການ ບໍລິຫານ-ຈັດການ ໂດຍ ບໍລິສັດ ນິວຟໍເຣສທ ຈາກປະເທດອົດສະຕາລີ.ມາຮອດປັດຈຸບັນລັດ ຖະບານລາວໄດ້ສະໜອງເນື້ອທີ່ໃຫ້ແກ່ບໍລິສັດທີ່ໄດ້ຜ່ານການສຳຫຼວດ ແລະ ສຳປະທານແລ້ວ ຫຼາຍກວ່າ 24 ພັນເຮັກຕາ, ໃນນັ້ນ ຢູ່ແຂວງບໍລິຄຳໄຊ 8.978 ເຮັກຕາ ແລະ ຄຳມ່ວນ 14.943 ເຮັກຕາ ໂດຍບໍລິສັດແມ່ນໄດ້ສົ່ງເສີມປະຊາຊົນທີ່ຢູ່ອ້ອມຂ້າງປູກ ແລະ ບົວລະບັດຮັກສາສວນປູກ ເພື່ອສົ່ງເສີມ ວຽກເຮັດງານທຳແກ່

    ປະຊາຊົນ.ນອກນີ້ທາງບໍລິສັດຍັງໄດ້ປະກອບສ່ວນຊ່ວຍເຫຼືອທາງສັງຄົມ ກໍຄືການ ສົມທົບທຶນພັດທະນາບ້ານ ລວມເປັນເງິນຫຼາຍກວ່າ 13 ຕື້ກີບ ໃນການສ້າງທາງເຂົ້າບ້ານ, ເຈາະນໍ້າ ບາດານ, ສ້າງໂຮງຮຽນ, ໂຮງໝໍນ້ອຍ-ສຸກສາລາ, ເອົາໄຟຟ້າລົງບ້ານ, ສະໜັບສະໜູນກອງທຶນບ້ານ, ສ້ອມແປງວັດ ແລະ ອື່ນໆ.ທ່ານ ປີເຕີ ສະເວັນສັນ (Petter Svensson) ຫົວໜ້າພະແນກປຸງແຕ່ໄມ້ ບໍລິສັດແມ່ຂອງ ກ່າວວ່າ: ໂຮງງານປຸງແຕ່ໄມ້ປູກ ຄົບວົງຈອນ ຂອງບໍລິສັດ ແມ່ຂອງ ແມ່ນຕັ້ງຢູ່ບ້ານດານຮີ ເມືອງຫີນ ບູນ ແຂວງຄຳມ່ວນ ໂດຍຈະໄດ້ເລີ່ມລົງມືກໍ່ສ້າງໃນເດືອນມີນານີ້ ແລະ ຄາດວ່າຈະໃຫ້ສຳເລັດໃນທ້າຍປີ 2021 ລວມມູນຄ່າການກໍ່ສ້າງທັງໝົດ 12 ລ້ານໂດລາ.ພາຍຫຼັງສຳເລັດຈະສາມາດປຸງແຕ່ງໄມ້ໄດ້ ຫຼາຍກວ່າ 150.000 ແມັດກ້ອນຕໍ່ປີ, ພາຍໃນໂຮງງານແມ່ນປະກອບມີ 3 ໜ່ວຍງານຕົ້ນຕໍຄື: ເຄື່ອງຈັກ ຜະລິດໄມ້ຝານ (ລວມທັງເຕົາ

    ອົບ) ທີ່ສາມາດປອກໄມ້ໄດ້ 100.000 ແມັດກ້ອນຕໍ່ປີ, ໂຮງເລື່ອຍ ທີ່ສາມາດເລື່ອຍໄມ້ໄດ້ 20.000 ແມັດກ້ອນຕໍ່ປີ, ໂຮງງານໄມ້ບົດທີ່ສາມາດບົດໄດ້ 50 ແມັດກ້ອນ ຕໍ່ຊົ່ວໂມງ ແລະ ຈະສົ່ງຜົນໃຫ້ບໍລິສັດສ້າງລາຍຮັບເພີ່ມເປັນ 2 ເທົ່າ.ທ່ານ ຊູຊາດ ໄຊຍະກຸມມານ ໄດ້ກ່າວວ່າ: ການສ້າງຕັ້ງໂຮງງານຂອງບໍລິສັດແມ່ຂອງ ກໍເປັນ ໜຶ່ງໃນການສົ່ງເສີມການປູກຕົ້ນໄມ້ ໂດຍສະເພາະແມ່ນເຮັດໃຫ້ປະຊາຊົນບັນດາແຂວງໃນເຂດເປົ້າໝາຍ ຂອງໂຄງການໄດ້ນຳໃຊ້ເນື້ອທີ່ດິນເປົ່າຫວ່າງປູກໄມ້, ສ້າງວຽກເຮັດງານທຳ, ສ້າງລາຍຮັບທີ່ໝັ້ນຄົງ ເພື່ອ ແກ້ໄຂຊີວິດການເປັນຢູ່ ແລະ ຫຼຸດຜ່ອນສະຖານະເປັນປະເທດໃນການສົ່ງອອກແຕ່ວັດຖຸດິບ ກ້າວມາ ເປັນຜູ້ສ້າງ, ຜູ້ຜະລິດ ແລະ ເປັນຜູ້ປຸງແຕ່ງ ເພື່ອເພີ່ມມູນຄ່າໄມ້ໃຫ້ສູງຂຶ້ນຕາມຈຸດປະສົງ ແລະ ນະໂຍ ບາຍຫຼັກຂອງລັດຖະບານ.

    (ຂ່າວ-ພາບ: ກອງຄຳ)

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.