ໂຮງຫມໍມະໂຫສົດຈະ​ກາຍເປັນ​ໂຮງໝໍ​ທີ່​ໃຫຍ່​ທີ່​ສຸດ​ຂອງ​ ສປປ ລາວ

    0
    484

    ໂຮງຫມໍມະໂຫສົດ ເມື່ອ​ສ້າງ​ສຳ ເລັດ​ແລ້ວ​ຈະ​ກາຍເປັນ​ໂຮງໝໍ​ທີ່​ໃຫຍ່​ທີ່​ສຸດ​ຂອງ​ ສປປ ລາວ, ມີ​ເຄື່ອງ​ຈັກ​-​ອຸປະກອນ​ຄົບ​ຊຸດ ແລະ ທັນ​ສະໄໝ ແລະ ມີພະແນກການ​ແພດ​ຄົບ​ຖ້ວນ ແລະ ໄດ້ມາດຕະຖານ​ສູງ​ສຸດທ່ານ ສອນ​ໄຊ ສີ​ພັນ​ດອນ ຮອງ​ນາຍົກລັດຖະມົນຕີ ລັດຖະມົນຕີ​ກະຊວງ​ແຜນການ ແລະ ການ​ລົງທຶນ​ພ້ອມ​ພະນັກ​ງານ​ວິຊາ​ການ ​ລົງ​ຕິດຕາມ​ຢ້ຽມຢາມ​ໂຄງການ​ກໍ່ສ້າງ​ໂຮງ ໝໍ​ມະໂຫສົດ​ໃນ​ວັນ​ທີ 17 ມີນາ​ນີ້​ ທີ່​ໂຮງໝໍ​ດັ່ງກ່າວ ​ໂດຍ​ການ​​ຕ້ອນຮັບ​ຂອງ​ທ່ານ ບຸນ​ແຝງ ພູມ​ມະ​ໄລ​ສິດ ຮອງ​ລັດຖະມົນຕີ, ທ່ານ

    ພູທອນ ເມືອງ​ປາກ ຮອງ​ລັດຖະມົນຕີ ກະຊວງ​ສາ​ທາ​ລະນະ​ສຸກ​ພ້ອມ​ດ້ວຍ​ພາກສ່ວນ​ກ່ຽວ​ຂ້ອງ​ເຂົ້າ​ຮ່ວມ.ທ່ານ ​ຫວັງ ຊິ​ກັງ (Wan Zhigang) ຫົວໜ້າ​ກຸ່ມ​ເຕັກນິກໂຄງການ​ກໍ່ສ້າງໂຮງໝໍ​ມະໂຫສົດ ໄດ້​ລາຍ​ງານ​ວ່າ: ໂຄງການ​ນີ້​ແມ່ນ​ໂຄງການ​ຊ່ວຍເຫຼືອ​ໂຮງໝໍ​ມະໂຫສົດ​ມີ​ເນື້ອ​ທີ 30300 ຕາແມັດ ແລະ ເນື້ອທີ່​ປຸກ​ສ້າງ 54792 ຕາແມັດ, ໂຄງການ​

    ນີ້​ເປັນ​ໂຄງການ​ທີ່​ມີ​ຄວາມ​ໝາຍ​ຄວາມ​ສຳຄັນ​ມິດຕະພາບ​ລະຫວ່າງ​ປະຊາ ຊົນ​ຈີນ ແລະ ປະຊາຊົນ​ລາວ ຊຶ່ງ​ເປັນ​ໂຄງການ​ທີ່​ປະທານ​ປະເທດຂອງ​ສອງ​ປະ​ເທດ ໄດ້​ຮ່ວມ​ວາງ​ສີ​ລາ​ລືກ ແລະ ເປັນ​ໂຮງໝໍ​ຂະໜາດ​ໃຫຍ່​ທີ່​ສຸດ,ຕຽງ​ນອນ​ຫຼາຍ​ທີ່​ສຸດ ແລະ ລົງທຶນ​ຫຼາຍ​ກວ່າ​ໝູ່​ໃນ​ປະຫວັດການ​ຊ່ວຍເຫຼືອ​ຈາກ​ລັດຖະບານ​ຈີນ, ເມື່ອ​ສ້າງ​ສຳ ເລັດ​ແລ້ວ​ຈະ​ກາຍເປັນ​

    ໂຮງໝໍ​ທີ່​ໃຫຍ່​ທີ່​ສຸດ​ຂອງ​ ສປປ ລາວ, ມີ​ເຄື່ອງ​ຈັກ​-​ອຸປະກອນ​ຄົບ​ຊຸດ ແລະ ທັນ​ສະໄໝ ແລະ ມີພະແນກການ​ແພດ​ຄົບ​ຖ້ວນ ແລະ ໄດ້ມາດຕະຖານ​ສູງ​ສຸດ,ສາມາດ​ກຳນົດ​ເປັນ​ສູນຝຶກ​ອົບຮົມ ແລະ ຄົ້ນ​ຄ້​ວາ​ວິທະຍາ​ການ​ແພດ​ທີ່​ສຳຄັນ​ທີ່​ສຸດ.ຕາມ​ແຜນການ​ກໍ່ສ້າງ​ໄລຍະ​ທີ 1 ແມ່ນ​ສຳເລັດ​ໃນ​ເດືອນ 7 ປີ 2020 , ເດືອນ 8 ມອບ​ໃຫ້​ໂຮງໝໍ​ແຕ່​ຍ້ອນ​ວ່າ​ຖືກ​ຜົນ​ກະ ທົບ​ຈາກ​ໂຄ​ວິດ-19 ແລະ ນັບ​ແຕ່ວັນ​ທີ 23 ເດືອນມັງ​ກອນ ປີ 2020 ວິຊາ​ການ, ວັດຖຸ​ດິບ ແລະ ວັດ​ສະ​ດຸ​ກໍ່ສ້າງ​ກໍ​ເຂົ້າ​ມາ​ບໍ່​ໄດ້ ເຮັດ​ໃຫ້​ວຽກ​ໃນ​ການ​

    ກໍ່ສ້າງ​ຂອງ​ໄລຍະ​ໜຶ່ງ​ຖືກເລື່ອນ​ເວລາ,ເຖິງ​ວ່າ​ວິ​ຊາ​ການເຕັກນິກ​ ​ໄດ້​ຊອກ​ວິທີ​ມາ​ແກ້​ໄຂ​ແຕ່​ວ່າ​ຍັງ​ຫຼີກເວັ້ນ​ບໍ່​ໄດ້​ເຮັດ​ໃຫ້​ບໍ່​ທັນ​ເວລາ, ອີງ​ຕາມ​ສະພາບ​ການ ແລະ ເງື່ອນໄຂ​ຕົວ​ຈິງ​ການ​ຮ່ວມ​ມື​ປະຕິບັດ​ມາດ​ຕະການ​ບໍ່​ໃຫ້ການ​ແຜ່​ລະບາດ, ກຸ່ມເຕັກນິກ​ກໍ່ສ້າງ​ກຳລັງ​ຈັດ​ວິຊາ​ການ ແລະ ວັດຖຸ​ດິບ​ເຂົ້າ​ພາກ​ສະໜາມ ເພື່ອ​ຍາດ​ເວລາ​ໃຫ້​ໂຄງການ​ສຳເລັດ ແລະ ມອບ​ໃຫ້​ໂຮງໝໍ​ນຳ​ໃຊ້​ ຊຶ່ງ​ຄາດ​ຄະເນ​ໄລຍະ 1 ແມ່ນ​ເດືອນພຶດສະພາ ປີ 2021, ສ່ວ​ນ​ໄລຍະ 2 ຄາດ​ຄະເນ​ວ່າ​ເດືອນ 7 ປີ 2022 ຈະ​ໃຫ້​ສຳເລັດ.ໃນ​ໂອ​ກາດ​ນີ້​ທ່ານ ສອນ​ໄຊ

    ສີ​ພັນ​ດອນ ໄດ້​ໂອ້​ລົມ​ວ່າ: ໂຮງໝໍ​ມະ​ໂຫ​ສົດ​ທັນ​ສະໄໝ​ເປັນ​ໂຮງ​​ໝໍ​ທີ່​ມີ​ຄວາມ​ສຳຄັນ ແລະ ເປັນ​ໂຮງໝໍ​ທີ່​ໃຫຍ່​ມີ​ປະສົບການ ແລະ ບົດຮຽນ​ໃນ​ການ​ບໍລິການ​ກວດ​ສຸຂະພາບ​ໃຫ້​​ປະຊາຊົນ​ ໂດຍ​ສະເພາະ​ຊາວ​ນະຄອນຫຼວງ​ວຽງ​ຈັນ ​ຕໍ່ ໜ້າ​ນີ້​ຕ້ອງ​ຍົກ​ລະດັບ​ຄຸນ​ນະ​ພາບ​ມາດຕະຖານ​ໂຄງ​ລ່າງ​ໃຫ້​ແກ່​ການ​ເຂົ້າ​ເຖິງ​ດ້ານ​ສາ ທາລະນະ​ສຸກ​ ເປັນຕົ້ນ​ສູ້​ຊົນ​ວາລະ​ພັດທະນາ​ແບບ​ຍືນ​ຍົງ 2030 ແລະ ເພື່ອ​ເຮັດ​ແນວໃດ​ບໍ່​ໃຫ້​ຄົນ​ລາວ​ຫຼັ່ງ​ໃຫຼ​ອອກ​ໄປ​ຕ່າງປະເທດ​ໂດຍ​ສະເພາະ​ປະເທດ​ເພື່ອນ​ບ້ານ​ໃກ້​​ຄຽງ​ຖ້າ​ຫາກ​ເຮົາ​ມີ​ໂຮງໝໍ​ທັນ​ສະໄໝ​ອັນ​ນີ້​ມັນ​

    ສະແດງ​ເຖິງ​ຄວາມ​ເອົາໃຈໃສ່​ຂອງ​ພັກ ແລະ ລັດ ເພື່ອ​ຍົກ​ລະດັບ​ຊີວິດ​ການ​ເປັນ​ຢູ່​ຂອງ​ປະຊາຊົນ ແລະ ເພື່ອ​ເຮັດ​ໃຫ້​ປະຊາຊົນ​ຫຼຸດ​ພົ້ນ​ຄວາມທຸກ​ຍາກ ແລະ ນອກຈາກ​ເຄື່ອງມື​ການ​ແພດ​ທັນ​ສະໄໝ​ແລ້ວ ຕ້ອງ​ສຶກສາ​ການເມືອງ​ແນວ​ຄິດ​ຕື່ມ​ເປັນຕົ້ນ​ຈັນ​ຍາ​ບັນ​ຈັນຍາທຳ​ຕ້ອງ​ໄດ້​ມີ​ການ​ປັບ​ປ່ຽນ. ນອກ​ນີ້​ຕ້ອງ​ມີ​ຄວາມ​ສະອາດ ແລະ ຄວາມ​ປອດ​ໄພ​ໄປ​ພ້ອມ​ກັນ.

    (ຂ່າວ-ພາບ: ບຸນ​ອູ້ມ)

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.