ເມືອງໄຊພູທອງ ສັກວັກຊີນປ້ອງກັນ ໂຄວິດ ໃຫ້ກຸ່ມທີ່ມີຄວາມສ່ຽງ 81 ໂດສ

    0
    192

    ແຫລ່ງຂ່າວຈາກເມືອງໄຊພູທອງ ໃຫ້ຮູ້ວ່າ: ວັນທີ 15 ມີນາ 2021 ນີ້, ເມືອງໄຊພູທອງ ແຂວງສະຫວັນນເຂດ ໄດ້ເປີດຂະບວນສັກວັກຊີນປ້ອງກັນພະຍາດໂຄວິດ-19 ໃຫ້ຜູ້ທີ່ມີຄວາມສ່ຽງ ຮອບທີ 1 ໂດຍການເຂົ້າຮ່ວມຂອງທ່ານ ຫ່ວນ ຮັງບົວສອນ ຮອງເລຂາພັກເມືອງ, ຜູ້ຊີນໍາວຽກງານການເມືອງແນວຄິດ-ພັກພະນັກງານ, ມີ ການນໍາຂອງເມືອງ, ພະນັກງານແພດໝໍ, ຜູ້ທີ່ມີຄວາມສ່ຽງເຂົ້າຮ່ວມ.ທ່ານ ສົມພົງ ບົວສົມພອນ ຫົວໜ້າສາທາລະນະສຸກເມືອງໄດ້ໃຫ້ຮູ້ວ່າ: ເມືອງໄຊພູທອງ ໄດ້ຮັບວັກຊີນ ຮອບທີ 1

    ຈຳນວນ 81 ໂດສ, ເຊິ່ງວັກຊີນດັ່ງກ່າວແມ່ນໄດ້ມາຈາກການຊ່ວຍເຫລືອລ້າຈາກ ສປຈີນ ໂດຍຈະສັກໃຫ້ຜູ້ທີ່ມີຄວາມສ່ຽງ ເປັນຕົ້ນພະນັກ ງານແພດໝໍ, ຜູ້ທີ່ປະຕິບັດໜ້າທີ່ຕາມຈຸດຜ່ານແດນ, ຜູ້ເຮັດວຽກຢູ່ສູນຈຳກັດບໍລິເວນ, ການນໍາເມືອງ, ຄະນະສະເພາະກິດຕ້ານໂຄວິດ-19. ກຸ່ມຄົນທີ່ຈະສັກຕ້ອງມີອາຍຸແຕ່18-60 ປີ, ມີສຸຂະພາບແຂງແຮງດີ ແລະ ບໍ່ມີພະຍາດປະຈຳຕົວ, ກ່ອນເຂົ້າຮັບວັກຊີນປ້ອງກັນໂຄວິດ-19 ຂອງກຸ່ມເປົ້າໝາຍຢູ່ເມືອງໄຊພູທອງ ຕ້ອງປະຕິບັດຕາມເງື່ອນໄຂຢ່າງເຄັ່ງຄັດ, ຕາມແບບ

    ຟອມສອບຖາມກ່ອນໃຫ້ວັກຊີນ ເປັນຕົ້ນ ຜູ້ທີ່ຈະຮັບວັກຊີນຕ້ອງຜ່ານການກວດສຸຂະພາບ, ວັດແທກອຸນຫະພູມຮ່າງກາຍ, ວັດແທກຄວາມດັນພ້ອມທັງຕ້ອງເຫັນດີ ແລະ ເຊັນຍິນຍອມດ້ວຍຕົນເອງ, ອະນຸຍາດໃຫ້ແພດສັກດ້ວຍຄວາມສະໝັກໃຈ.ພາຍຫລັງໄດ້ສັກວັກຊີນແລ້ວ ຕ້ອງໄດ້ພັກຜ່ອນ 30 ນາທີເພື່ອຕິດຕາມອາການຈຶ່ງສາມາດກັບ

    ບ້ານ, ຫລັງຈາກນັ້ນສືບຕໍ່ຕິດຕາມສຸຂະພາບຂອງຕົນພາຍໃນ 1 ອາທິດ, ຫ້າມດຶ່ມສິ່ງມຶນເມົາ, ຖ້າມີອາການຜິດປົກກະຕິທີ່ຄິດວ່າກ່ຽວຂ້ອງໃນການສັກຢາ ໃນຄັ້ງນີ້ໃຫ້ຮີບຮ້ອນລາຍງານ ແລະ ປຶກສາແພດໂດຍດ່ວນ.

    ພາບ-ຂ່າວ ພັນທະມິດ ວົງສຸທິ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.