ການກໍ່ສ້າງຂົວຂ້າມນໍ້າຂອງ ເມືອງປາກອູ-ເມືອງຈອມເພັດ ຈະໃຫ້ສຳເລັດຕົ້ນປີ 2022 ສ່ວນເຂື່ອນຍັງລໍການອະນຸມັດ

    0
    800

    ທ່ານ ຄຳຂັນ ຈັນທະວີສຸກ ເຈົ້າແຂວງຫຼວງພະບາງ ລາຍງານເນື່ອງໃນໂອກາດການຢ້ຽມຢາມ ແລະ ເຮັດວຽກ ຂອງທ່ານ ໄຊສົມພອນ ພົມວິຫານ ປະທານສູນກາງແນວລາວສ້າງວັນທີ 14 ມີນາ 2021 ​ນີ້ວ່າ: ໂຄງການກໍ່ສ້າງຂົວຂ້າມນ້ຳຂອງລະຫວ່າງເມືອງປາກອູ ຫາເມືອງຈອມເພັດ ຄວາມຍາວ 500 ແມັດ ກວ້າງ 9.00 ແມັດ ຈະໃຫ້ສຳເລັດ

    ໃນຕົ້ນປີ 2022.ສ່ວນໂຄງການກໍ່ສ້າງ ເຂື່ອນໄຟຟ້ານ້ຳຂອງ ແຂວງຫຼວງພະບາງ ຕັ້ງຢູ່ລະຫວ່າງເມືອງຈອມເພັດ ແລະເມືອງປາກອູ, ແມ່ນຍັງຖ້າການອະນຸມັດຈາກ

    ລັດຖະບານ, ຫາກວ່າ ລັດຖະບານອະນຸມັດໃຫ້ດຳເນີນການກໍ່ສ້າງ ແມ່ນຈະໃຊ້ເວລາກໍ່ສ້າງໃຫ້ສຳເລັດພາຍໃນ 7  ປີ ເຊິ່ງຕ້ອງການແຮງງານປະມານ 15.000 ຄົນ.
    ກະກຽມການກໍ່ ສ້າງລ່ວງໜ້າ ເປັນຕົ້ນ ກໍ່ສ້າງເສັ້ນທາງປູຢາງຈາກບ້ານຫາດຍາ ເມືອງປາກອູ ໄປຫາເຂດພັດທະນາໂຄງການ ປະຈຸບັນສຳເລັດແລ້ວເປັນສ່ວນໃຫຍ່ຄາດວ່າຈະໃຫ້

    ສຳເລັດໃນທ້າຍເດືອນມີນານີ້.ປັດຈຸບັນສຳເລັດສ້າງທ່າເຮືອຊົົ່ວຄາວ ຢູ່ບ້ານຄົກແສງສຸລິຍາ ເມືອງປາກອູ, ລວມທັງບ້ານມ່ວງແກ້ວ ແລະບ້ານຖິ່ນໂຮງ ເມືອງຈອມເພັດ ແລະ

    ກໍ່ສ້າງຕາຂ່າຍໄຟຟ້າລະບົບສາຍສົົ່ງ 115 KV ແລະ 22 KV ລວມທັງສະຖານີຍ່ອຍ, ສ່ວນການສ້າງທີ່ພັກຊົ່ວຄາວ, ຫ້ອງການ ແລະສິ່ງອຳນວຍຄວາມສະດວກໃຫ້ກັບວຽກກໍ່ສ້າງ ແມ່ນສຳເລັດແລ້ວເປັນສ່ວນໃຫຍ່ ຄາດວ່າວຽກກະກຽມການກໍ່ສ້າງລ່ວງໜ້າທັງໝົດຈະໃຫ້ສຳເລັດພາຍໃນເດືອນກໍລະກົດ 2021 ນີ້.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.