ເຫດລົດພວງໄທ ຢຽບເດັກນ້ອຍເສຍຊີວິດ ແລ້ວຂີ່ຫລົບໜີແຕ່ບໍ່ລອດ

    0
    427

    ເກີດເຫດລົດພວງໄທ ຢຽບເດັກນ້ອຍເສຍຊີວິດ ແລ້ວຂີ່ຫລົບໜີແຕ່ບໍ່ລອດວັນທີ 12 ມີນາ 2021 ທີ່ຜ່ານມາ ລົດບັນທຸກສິນຄ້າ (ລົດພ່ວງ) ທະບຽນ 71- 0578 (ປະເທດໄທ) ໄດ້ຕຳ ແລະ ຢຽບເອົາຄົນ ເປັນເດັກເພດຊາຍອາຍຸປະມານ 10 ປີ ຢູ່ແຖວໃກ້ໂຮງງານຊີມັງເມືອງມະຫາໄຊ ແຂວງຄຳມ່ວນ ແລ້ວຂັບຫຼົບໜີ

    ໂດຍລົດຄັນດັ່ງກ່າວມຸ່ງໜ້າອອກໄປດ່ານຕໍມໍ ຂົວມິດຕະພາບ 3 ຕໍ່ມາພົນລະເມືອງດີ ແລະ ຕຳຫລວດຈາລາຈອນ ແຈ້ງເຈົ້າຫນ້າທີ່ ຕຳຫລວດສະກັດຈັບເອົາໄວ້ໄດ້ກ່ອນຈະເດີນທາງຂ້າມປະເທດ

    ໃນເບື້ອງຕົ້ນຄົນຂັບລົດ (ສັນຊາດໄທ) ບໍ່ຍອມຮັບແຕ່ເຈົ້າຫນ້າທີ່ໄດ້ກວດສອບສະພາບລົດພົບວ່າມີອະໄວຍະວະບາງສ່ວນຕິດມານຳ (ສະຫມອງ) ຈຶ່ງເຮັດໃຫ້ຄົນຂັບຍອມຮັບຄວາມຜິດ ແລະ ເຈົ້າຫນ້າທີ່ຕຳຫລວດໄດ້ຄວບຄຸມຕົວໄປດຳເນີນຄະດີຕາມກົດຫມາຍ ສ ປ ປ ລາວ ຂໍສະແດງຄວາມເສຍໃຈນຳຄອບຄົວຜູ້ເສຍຊີວິດນີ້ດ້ວຍ

    ທີ່ມາ: ນາທີ ຊີວິດ