ຮອງລັດຖະມົນຕີກະຊວງແຜນການ ແລະ ການລົງທຶນ ເຄື່ອນໄຫວຊຸກຍູ້ ແລະ ຕິດຕາມ ບັນດາໂຄງການລົງທຶນຂອງລັດ ຢູ່ແຂວງໄຊສົມບູນ

    0
    329

    ວັນທີ 11 ມີນາ 2021 ນີ້ ທ່ານ ກິແກ້ວ ຈັນທະບູລີ ຮອງລັດຖະມົນຕີກະຊວງແຜນການ ແລະ ການລົງທຶນ ພ້ອມດ້ວຍຄະນະ ລົງຊຸກຍູ້ ແລະ ຕິດຕາມ ບັນດາໂຄງການລົງທຶນຂອງລັດ ຢູ່ແຂວງໄຊສົມບູນ. ໂດຍການນໍາພາ ຂອງທ່ານ ໄຊຍະເດດ ວົງສາຣະວັນ ຫົວໜ້າພະແນກແຜນການ ແລະ ການລົງທຶນ ແຂວງ ພ້ອມດ້ວຍພະແນກການທີ່

    ກ່ຽວຂ້ອງ, ການນໍາ ເມືອງອະນຸວົງ ແລະ ບໍລິສັດຮັບເໝົົາກໍ່ສ້າງ ເຂົ້າຮ່ວມ.ບັນດາໂຄງການລົງທຶນຂອງລັດ ທີ່ທ່ານຮອງລັດຖະມົນຕີກະຊວງແຜນການ ແລະ ການລົງທຶນ

    ພ້ອມດ້ວຍຄະນະ ລົງຊຸກຍູ້ຕິດຕາມ ໃນຄັ້ງນີ້ ມີໂຄງການກໍ່ສ້າງເສັ້ນທາງປູຢາງ 2 ຊັ້ນ ແຕ່ເທດສະບານເມືອງອະນຸວົງ ຫາ ບ້ານວຽງທອງ ເມືອງທ່າໂທມ, ໂຄງການກໍ່ສ້າງ

    ເສັ້ນທາງປູຢາງ 2 ຊັ້ນ ແຕ່ເທດສະບານເມືອງອະນຸວົງ ຫາ ບ້ານອ່າວໄຕ້ ເມືອງອະນຸວົງ, ໂຄງການກໍ່ສ້າງເສັ້ນທາງເບຕົງ ຖະໜົນເພຍຫຼວງ, ຖະໜົນໄຊຊະນະ ແລະ ຖະໜົນອະນຸວົງ, ໂຄງການກໍ່ສ້າງປ້ອງກັນຕາຝັ່ງເຈື່ອນແຄມນໍ້າຈັ້ງ ຊ່ວງທີ 1, ຊ່ວງທີ 2 ແລະ ໂຄງການກໍ່ສ້າງຕຶກອາຄານຫ້ອງວ່າການ ແຂວງໄຊສົມບູນ. ໂດຍແຕ່ລະໂຄງການ

    ທ່ານຮອງລັດຖະມົນຕີ ແລະ ຄະນະ ໄດ້ຮັບຟັງລາຍງານ ການຈັດຕັ້ງປະຕິບັດບັນດາໜ້າວຽກຕ່າງໆ ໃນໄລຍະຜ່ານມາ ຮອດປັດຈຸບັນ ຈາກວິຊາການພາກສະໜາມ ໂດຍ

    ສະເພາະແມ່ນຕໍ່ກັບບັນຫາຄວາມຫຍຸ້ງຍາກ ທີ່ເຮັດໃຫ້ໂຄງການຄ້າງຄາ ແລະ ຊັກຊ້າ ໃນການກໍ່ສ້າງ.ຈາກນັ້ນ ຮອງລັດຖະມົນຕີ ໄດ້ເນັ້ນໜັກພາກສ່ວນທີ່ກ່ຽວຂ້ອງ ໃຫ້ກວດ

    ກາຄືນບັນດາເອກະສານຕ່າງໆ ທີ່ຍັງຄ້າງຄາຂອງແຕ່ລະໂຄງການ ເພື່ອພ້ອມກັນຊອກຫາວິທີທາງແກ້ໄຂໃນຕໍ່ໜ້າ ພ້ອມນັ້ນ, ທ່ານ ຍັງໄດ້ຮຽກຮ້ອງໃຫ້ບັນດາບໍລິສັດຮັບເໝົາ

    ກໍ່ສ້າງໂຄງການຕ່າງໆ ທີ່ຍັງບໍ່ທັນສໍາເລັດ ຈົ່ງສືບຕໍ່ເອົາໃຈໃສ່ຈັດຕັ້ງປະຕິບັດໜ້າວຽກຕ່າງໆຂອງໂຄງການ ພ້ອມທັງມີການປະສານສົມທົບກັບພາກ ສ່ວນກ່ຽວຂ້ອງ ເພື່ອ

    ສະຫຼຸບລາຍງານວຽກງານເປັນແຕ່ລະໄລຍະ. ທັງນີ້ ກໍເພື່ອເຮັດໃຫ້ທຸກໂຄງການລົງທຶນຂອງລັດ ຢູ່ແຂວງໄຊສົມບູນ ໄດ້ດໍາເນີນໄປຕາມຂັ້ນຕອນ, ຖືກຕ້ອງຕາມເຕັກນິກວິຊາການ ແລະ ສໍາເລັດຕາມແຜນການທີ່ໄດ້ກໍານົດໄວ້.

    ທີ່ມາ Lao National Radio