ອັດຕະປື ໄຂກອງປະຊຸມຄົບຄະນະ ບໍລິຫານງານພັກແຂວງ ຄັ້ງທີ 2 ສະໄໝທີ Xl

    0
    133

    ວັນທີ 12 ມີນາ 2021 ນີ້ແຂວງອັດຕະປື ໄດ້ໄຂກອງປະຊຸມຄົບຄະນະບໍລິຫານງານພັກແຂວງ ຄັ້ງທີ 2 ສະ ໄໝທີ Xl ໂດຍການເປັນປະທານຂອງສະຫາຍ ເລັດ ໄຊຍະພອນ ກຳມະການສູນກາງພັກ ເລຂາພັກແຂວງ ເຈົ້າອັດຕະປື, ມີບັນດາສະຫາຍຄະນະປະຈໍາພັກ, ກຳມະການພັກແຂວງ ເຂົ້າຮ່ວມ. ໃນກອງປະຊຸມ ໄດ້ຜ່ານບົດສະຫລຸບການຊີ້ນໍາ-ນໍາພາ ວຽກງານຮອບດ້ານຂອງແຂວງ ປະຈໍາປີ 2020 ເຊິ່ງໄລຍະ 1 ປີຜ່ານມາ ຄະນະບໍລິຫານງານພັກແຂວງອັດຕະປື ສະ ໄໝທີ Xl ໄດ້ຖືເອົາການກໍ່ສ້າງ ແລະ ປັບປຸງພັກຕາມ 5 ຫລັກການ 3 ທິດນໍາ ຕິດພັກກັບ ລັກສະນະການນໍາພາ, ສຶກສາອົບຮົມ ແລະ ຕໍ່ສູ້ຂອງພັກ ເພື່ອກໍ່ສ້າງພັກ ປອດໃສ, ເຂັ້ມແຂງ ແລະ ໜັກແໜ້ນ ເຮັດໃຫ້ມີ

    ຜົນສໍາເລັດຢ່າງໜ້າເພິ່ງພໍໃຈ. ທົ່ວແຂວງມີຮາກຖານພັກ 553 ຮາກຖານ, ທຽບໃສ່ປີກ່ອນເພີ່ມຂຶ້ນ 7,56% ໃນນັ້ນ,ຄະນະຮາກຖານ ມີ 64 ຮາກຖານ, ໜ່ວຍພັກເອກະລາດ ມີ 216 ໜ່ວຍ, ໜ່ວຍພັກຂຶ້ນກັບຄະນະພັກຮາກຖານ ມີ 273 ໜ່ວຍ; ທົ່ວແຂວງມີສະມາຊິກພັກ 9.596 ສະຫາຍ, ຍິງ 2.561 ສະຫາຍ,ໃນປີ 2020 ປະເມີນສ້າງໜ່ວຍພັກປອດໃສ ເຂັ້ມແຂງ ແລະ ໜັກແໜ້ນ ໄດ້ 219 ໜ່ວຍ, ຂະຫຍາຍພັກໄດ້ 933 ສະ ຫາຍ, ຍິງ 257 ສະຫາຍ, ຕິດພັນກັບເຮັດວຽກງານປ້ອງ ກັນພັກ, ພະນັກງານ ໄດ້ເປັນເຈົ້າການເຄືອນໄຫວຢ່າງຕໍ່ເນື່ອງ ພ້ອມໄດ້ປະຕິບັດວິໄນຕໍ່ສະມາຊີກພັກ. ພະນັກ ງານ 16 ສະຫາຍ,ໃນນັ້ນປົດຕໍາແໜ່ງ 3 ສະຫາຍ, ໂຈະການເຂົ້າຮວ່ມຊິວິດພັກ 6 ສະຫາຍ, ເອົາອອກຈາກພັກ 7 ສະຫາຍ. ພອ້ມນີ້ ກໍໄດ້ສຸມໃສ່ການເພີ່ມທະວິນໍາພາຊີ້ນໍາວຽກ ງານປ້ອງກັນຊາດ-ປ້ອງກັນຄວາມສະຫງົບ ຕິດພັນກັບ

    ການຮັກສາຄວາມໜັ້ນຄົງຂອງຊາດ ເຮັດໃຫ້ພາຍໃນມີຄວາມສະຫງົບປອດໄພໂດຍພື້ນຖານ, ມີສະຖຽນລະພາບທາງດ້ານເມືອງ, ມີຄວາມໝັນຄົງ ເຮັດໃຫ້ການພັດທະນາເສດຖະກິດ-ສັງຄົມຕິດພັນກັບການແກ້ໄຂຄວາມທຸກຍາກຂອງປະຊາຊົນໄດ້ຮັບການແກ້ໄຂຢ່າງຕໍ່ເນື່ອງ. ຄະນະພັກແຂວງ ຍັງໄດ້ຊີ້ນໍາອົງການປົກຄອງແຂວງ ແລະ ບັນດາເມືອງ ສຸມໃສ່ຢ່າງຕັ້ງໜ້າໃນການພັດທະນາເສດຖະກິດ- ສັງຄົມ. ຜ່ານຈັດຕັ້ງປະຕິບັດຕົວຈິງ ໃນປີ 2020 ລວມຍອດຜະລິດຕະພັນບັນລຸໄດ້ 2.295 ຕື້ກີບ, ທຽບໃສ່ 2019 ເພີ່ມຂຶ້ນ 7,59% ສະເລ່ຍໃສ່ພົນລະເມືອງ ບັນລຸໄດ້ 2.214 ໂດລາຕໍ່ຄົນຕໍ່ປີ, ລື່ນມະຕິສະພາ 72 ໂດລາ, ການລົງທືນຂອງລັດ ມີ 155 ໂຄງການ, ມີມູນຄ່າ 24

    ຕື້ກວ່າກີບ, ບ້ວງປົກກະຕິ ມີ 140 ໂຄງການ, ບ້ວງໄພພິບັດ ມີ 4 ໂຄງການ, ບ້ວງຈັດສັນພູມລໍາເນົາ ມີ 4 ໂຄງການ, ພັດທະ ນາຊົນນະບົດ ແລະ ລົບລ້າງຄວາມທຸກຍາກ ມີ 7 ໂຄງການ, ການເກັບລາຍຮັບພາຍໃນບັນລຸດໄດ້ 125 ຕື້ກວ່າກີບ,ລາຍຮັບການດຸ່ນດ່ຽງຈາກສູນກາງມີ 37 ຕື້ກວ່າກີບ, ດ້ານລາຍ ຈ່າຍປະຕິບັດໄດ້ 306 ຕື້ກວ່າກີບ, ສະໝອງສິນເຊື່ອໄດ້ 278 ຕື້ກີບ ແລະວຽກງານອື່ນໆ ໄດ້ຮັບການຊີ້ນໍາ-ນໍາພາ ຢ່າງມີຜົນສໍາເລັດ .

    ຂ່າວ: ໄຊຈະເລີນ ຂ.ອັດຕະປື