WHO ຢືນຢັນບໍ່ມີເຫດຜົນ ໃຫ້ຢຸດໃຊ້ວັກຊີນໂຄວິດ ຂອງແອສຕຣາເຊເນກາ

    0
    270

    ອົງການ​ອະນາ​ໄມ​ໂລກ​ຢືນຢັນ​ຄວາມ​ປອດ​ໄພວັກ​ຊີ​ນ​ໂຄ​ວິດ-19 ຂອງ​ບໍລິສັດ​ແອ​ສຕຣາ​ເຊ​ເນ​ກາ, ​ເນັ້ນບໍ່​ມີ​ເຫດຜົນ​ຢຸດ​ໃຊ້ ຫລັງ​ຫລາຍ​ປະ​ເທດ​ໃນ​ເອີຣົບຢຸດ​ການ​ໃຊ້​ຊົ່ວຄາວ ຫລັງ​ພົບ​ຜູ້​ໄດ້​ຮັບ​ວັກ​ຊີ​ນ​​ໃນ​ເອີຣົບມີ​ອາການ​ເລືອດ​ແຂງ​ຕົວ.ວັນ​ທີ 13 ມີນາ 2021, ​ເວັບ​ໄຊ CAN ລາຍ​ງານ​ວ່າ: ອົງການ​ອະນາ​ໄມ​ໂລກ (WHO) ຖະ​ແຫລ​ງຂ່າວ​ຢືນຢັນ​

    ປະສິດທິພາບ​ວັກ​ຊີ​ນ​ໂຄ​ວິດ-19 ຂອງ​ບໍລິສັດ​ແອ​ສຕຣາ​ເຊ​ເນ​ກາ (AstraZeneca) ຫລັງ​ຫລາຍ​ປະ​ເທດ​ໃນ​ເອີຣົບຢຸດ​ການ​ນຳ​ໃຊ້​ວັກ​ຊີ​ນຊະນິດ​ນີ້​ຊົ່ວຄາວ ຫລັງ​ພົບ​ຜູ້​ໄດ້​ຮັບ​ວັກ​ຊີ​ນມີ​ອາການ​ເລືອດ​ແຂງ​ຕົວ​ຢູ່​ເອີຣົບ.​ໂຄສົກ​ອົງການ​ອະນາ​ໄມ​ໂລກ ຢືນຢັນ​ວ່າ: ວັກ​ຊີ​ນຂອງ​ແອ​ສຕຣາ​ເຊ​ເນ​ກາ ​ເປັນ​ວັກ​ຊີ​ນທີ່​ດີ​ຫລາຍ ບໍ່​ຕ່າງ​ຈາກ​ວັກ​ຊີ​ນຊະນິດ​ອື່ນໆ​ທີ່​ກຳລັງ​

    ນຳ​ໃຊ້​ຢູ່ ​ແລະ ບໍ່​ມີ​ເຫດຜົນ​ໃດໆ​ທີ່​ຈະ​ຕ້ອງ​ຢຸດ​ວັກ​ຊີ​ນຊະນິດ​ດັ່ງກ່າວ.ນອກຈາກ​ອົງການ​ອະນາ​ໄມ​ໂລກ​ແລ້ວ ຍັງ​ມີ​ຫລາຍ​ປະ​ເທດ​ທີ່​ຢືນຢັນ​ຈະ​ແຈກ​ຢາຍ​ວັກ​ຊີ​ນ​ໂຄ​ວິດ-19 ຂອງ​ແອ​ສຕຣາ​ເຊ​ເນ​ກາ​ຕໍ່​ໄປ​ເຊັ່ນ: ​ເຢຍລະ​ມັນ ​ແລະ ອອສ​ເຕຣ​ເລຍ ທີ່​ເຊື່ອ​ໝັ້ນ​ໃນ​ຄວາມ​ປອດ​ໄພ ​ແລະ ປະສິດທິພາບ​ຂອງ​ວັກ​ຊີ​ນ​ແອ​ສຕຣາ​ເຊ​ເນ​ກາ​ຢູ່. ຂະນະ​ທີ່​ອົງການ​ຢາ​ແຫ່ງ​

    ສະຫະພາບ​ເອີຣົບລະບຸ​ວ່າ: ປັດຈຸບັນ​ຍັງ​ບໍ່​ມີ​ຂໍ້​ບົ່ງ​ຊີ້​ໃດໆ​ວ່າ​ວັກ​ຊີ​ນຂອງ​ແອ​ສຕຣາ​ເຊ​ເນ​ກາ​ຈະ​ເປັນສາ​ເຫດ​ໃຫ້​ເກີດ​ອາການ​ເລືອດ​ແຂງ​ຕົວ.ສຳລັບ​ສະຖານະ​ການ​ການ​ສັກ​ວັກ​ຊີ​ນ​ໂຄ​ວິດ-19 ທົ່ວ​ໂລກ​ໃນ​ຕອນ​ນີ້ ມີ​ການ​ສັກ​ວັກ​ຊີ​ນ​ໄປ​ແລ້ວ​ຫລາຍ​ກວ່າ 345 ລ້ານ​ໂດ​ສ ​ໂດຍ​ອາ​ເມ​ລິ​ກາ​ເປັນ​ປະ​ເທດ​ທີ່​ສັກ​ວັກ​ຊີ​ນ​ໂຄ​ວິດ-19 ຫລາຍ​ທີ່​ສຸດ ສູງ​ເຖິງ 101 ລ້ານ​ໂດ​ສ​ແລ້ວ.