ສັກຢາວັກຊີນປ້ອງກັນໂຄວິດ ຈະມີຜົນຂ້າງຄຽງແບບເບົາບາງ ບໍ່ອັນຕະລາຍເຖິງຊີວິດ

    0
    277

    ການເປີດຂະບວນການສັກຢາວັກຊີນຕ້ານພະຍາດໂຄວິດ-19 ໃຫ້ກຸ່ມສ່ຽງທໍາອິດໃນຂອບເຂດທົ່ວປະເທດໄດ້ຈັດຂຶ້ນເມື່ອທ້າຍອາທິດທີ່ຜ່ານມາ ແຕ່ມີແພດໝໍ ແລະ ພະນັກງານທີ່ເປັນກຸ່ມສ່ຽງກ່ຽວກັບພະຍາດໂຄວິດ-19 ຫຼາຍທ່ານ ທີ່ໄດ້ຮັບການສັກຢາວັກຊີນຕ້ານໂຄວິດ-19 ຕ່າງກໍ່ມີຄວາມກັງວົນກຽ່ວກັບຢາວັກຊີນດັ່ງກ່າວ ວ່າອາດຈະມີຜົນຂ້າງຄຽງທີ່

    ຮ້າຍແຮງ ແລະ ມີຄວາມຄິດທີ່ບໍ່ຕ້ອງການສັກ, ຫຼ້າສຸດ ທ່ານ ດຣ ສອນໄຊ ປັນຍານຸວົງ ຫົວໜ້າພະແນກສາທາລະນະສຸກແຂວງບໍລິຄຳໄຊໄດ້ກ່າວໃນພິທີເປີດຂະບວນການສັກຢາວັກຊິນປ້ອງກັນພະຍາດໂຄວິດ-19 ໃຫ້ກຸ່ມທີ່ມີຄວາມສ່ຽງທົ່ວແຂວງບໍລິຄຳໄຊ ຮອບທຳອິດ (ກຸ່ມສ່ຽງທີ 1) ເມື່ອບໍ່ດົນມານີ້ວ່າ:​ ວັກຊີນຊິໂນຟາມ ແມ່ນໄດ້ຮັບການສັກ

    ໃນຫຼາຍປະເທດ ແລະ ມີຄວາມສ່ຽງຕ່ຳທີ່ຈະເກີດຜົນຂ້າງຄຽງ ຫຼື ຖ້າມີກໍ່ເປັນຜົນຂ້າງຄຽງແບບເບົາບາງເທົ່ານັ້ນ ບໍ່ອັນຕະລາຍເຖິງຊີວິດພຽງແຕ່ມີອາການເຈັບຫົວ, ເຈັບບໍລິເວນສັກ ແລະ ປວດຕາມກ້າມເນື້ອ ແຕ່ອາການເຫຼົ່ານີ້ຈະເກີດຂຶ້ນພາຍຫຼັງໄດ້ຮັບວັກຊີນ 30 ນາທີເທົ່ານັ້ນ.ທ່ານ ດຣ ສອນໄຊ ໄດ້ກ່າວຕື່ມວ່າ: ແຂວງບໍລິຄຳໄຊ ໄດ້ຮັບ

    ວັກຊີນຈຳນວນ 9.400 ໂດສ ເພື່ອສັກໃຫ້ແກ່ກຸ່ມທີ່ມີຄວາມສ່ຽງ, ຄົນໜຶ່ງຕ້ອງໄດ້ສັກວັກຊີນ ຈໍານວນ 2 ຄັ້ງ, ເຊິ່ງປະສິດທີພາບໃນສ້າງພູມຄຸ້ມກັນພະຍາດ ໂຄວິດ-19 ໄດ້ຫລາຍກວ່າ 87%. ຄາດໝາຍຮອດທ້າຍປີ 2021 ຈະສູ້ຊົນເຮັດໃຫ້ທົ່ວແຂວງ ມີປະຊາກອນໄດ້ຮັບວັກຊີນ ກວມເອົາ 20% ຂອງປະຊາກອນທັງໝົດ.

    ທີ່ມາ:ໜັງສືພິມວຽງຈັນທາຍ