5 ປີຜ່ານມາ ລາວ ເກີດໄພພິບັດ 235 ຄັ້ງ ປະຊາຊົນໄດ້ຮັບຜົນກະທົບ 1,8 ລ້ານຄົນ ເສຍຫາຍ ມູນຄ່າ 5.​538 ຕື້ກວ່າກີບ

    0
    188

    ກອງປະຊຸມວິຊາການວຽກງານຄຸ້ມຄອງໄພພິບັດທົ່ວປະເທດ ປະຈຳປີ 2020 ໄດ້ຈັດຂຶ້ນໃນວັນທີ 10 ມີນາ 2021 ຜ່ານມາ ທີ່ເຮືອນຮັບແຂກກະຊວງແຮງງານ ແລະ ສະຫວັດດີການສັງຄົມ (ຮສສ), ນະຄອນຫຼວງວຽງຈັນ ພາຍໃຕ້ການເປັນປະທານ ຂອງ ທ່ານ ປອ ຄຳແພງ ໄຊສົມແພງ ລັດຖະມົນຕີ ກະຊວງ ຮສສ, ຮອງປະທານຜູ້ປະຈຳການຄະນະຄຸ້ມຄອງໄພພິບັດຂັ້ນສູນກາງ, ໂດຍມີບັນດາທ່ານ ຮອງລັດຖະມົນຕີ, ຮອງເຈົ້າແຂວງ, ກອງເລຂາຜູ້ປະສານງານຂັ້ນສູນກາງ ແລະ ທ້ອງຖິ່ນ, ພ້ອມດວ້ຍຜູ້ຕາງໜ້າຈາກຂະແໜງການທີ່ກຽ່ວຂ້ອງ ແລະ ແຂກຖືກເຊີນເຂົ້າຮວ່ມ.ສະພາບການເກີດໄພພິບັດ, ຜົນເສຍຫາຍ ແລະ ຄວາມຕ້ອງການເພື່ອຟື້ນຟູຫຼັງໄພພິບັດ ໃນຂອບເຂດທົ່ວ

    ປະເທດ ໄລຍະປີ 2016-2020 ມີເຫດການໄພພິບັດເກີດຂື້ນຈໍານວນທັງໝົດ 235 ຄັ້ງ, ສົ່ງຜົນກະທົບໂດຍກົງຕໍ່ປະຊາຊົນ ຈໍານວນ 1,860,165 ຄົນ, ເສຍຊີວິດ 121 ຄົນ, ສູນຫາຍ 45 ຄົນ, ສ້າງຄວາມເສຍຫາຍຕໍ່ຂະແໜງການສົງຄົມ (ທີ່ຢູ່ອາໃສ, ການສຶກສາ, ສາທາລະນະສຸກ ແລະ ໂພສະນາການ, ວັດທະນາທໍາ), ການຜະລິດ (ກະສິກໍາ, ອຸດສະຫະກໍາ ແລະ ການຄ້າ, ທ່ອງທ່ຽວ), ໂຄງລ່າງພື້ນຖານ (ຂົນສົ່ງ, ໄຟຟ້າ, ນໍ້າໃຊ້ ແລະ ສຸຂາພິບານ, ທາງນໍ້າ) ຄິດເປັນມູນຄ່າເສຍຫາຍທັງໝົດປະມານ 5,538,247,383,912 ກີບ.ບັນດາຂະແໜງການທີ່ກ່ຽວຂ້ອງ ເປັນຕົ້ນ ຄະນະກໍາມະການຄຸ້ມຄອງໄພພິບັດ ຂັ້ນສູນກາງ ແລະ ທ້ອງຖິ່ນ ແມ່ນໄດ້ເອົາໃຈໃສ່ປະຕິບັດພາລະ

    ບົດບາດ ແລະ ໜ້າທີ່ຂອງຕົນ ຢ່າງຕັ້ງໜ້າ ຊຶ່ງໄດ້ມີຜົນສຳເລັດຫລາຍດ້ານ ໂດຍໄດ້ເພີ່ມທະວີໃນການປະຕິບັດບົດບາດດ້ານມະຫາພາກຢ່າງຕັ້ງໜ້າ ດ້ວຍການຄົ້ນຄ້ວາສ້າງກົດໝາຍ ແລະ ລະບຽບການຕ່າງໆ ພ້ອມທັງຕິດຕາມຊຸກຍູ້ຈັດຕັ້ງປະຕິບັດ ຢ່າງກ້ວາງຂວາງ, ວຽກງານການປ້ອງກັນ ແລະ ກຽມຄວາມພ້ອມຮັບມືໄພພິບັດ ກໍ່ໄດ້ຮັບການຈັດຕັ້ງປະຕິບັດ ແລະ ມີຜົນສໍາເລັດ; ວຽກງານຄວບຄຸມ ແລະ ຕອບໂຕ້ສຸກເສີນໄພພິບັດ ກໍ່ສາມາດຮັບປະກັນໄດ້ຄວາມວ່ອງໄວ ແລະ ທັນການ , ການແກ້ໄຂຊ່ວຍເຫຼືອຜູ້ປະສົບໄພພິບັດ ເປັນຕົ້ນ-ການປະກາດແຈ້ງເຕືອນໄພ ແລະ ຍົກຍ້າຍປະຊາຊົນ ລວມທັງຊັບສິນ ໄປບ່ອນລົບໄພຊົ່ວຄາວ, ການຊອກຄົ້ນ-ຄົ້ນຫາ ແລະ ກູ້ໄພ, ການຈັດຫາ

    ທີ່ພັກຊົ່ວຄາວ ແລະ ສະໜອງເຄື່ອງບັນເທົາທຸກສຸກເສີນ ປະເພດອາຫານ, ນໍ້າຖ້ວມ, ການປິ່ນປົວສຸຂະພາບ; ວຽກງານແກ້ໄຂຟື້ນຟູທັງໄລຍະສຸກເສີນ ແລະ ຫຼັງໄພພິບັດ ກໍ່ໄດ້ຮັບການຈັດຕັ້ງປະຕິບັດຢ່າງມີຜົນສໍາເລັດ ເປັນຕົ້ນ – ໃນຂະແໜງໂຍທາທິການ ແລະ ຂົນສົ່ງ, ກະສິກໍາ ແລະ ປ່າໄມ້, ສາທາລະນະສຸກ ແລະ ສຶກສາທິການ ແລະ ກິລາ, ອັນທີ່ພົ້ນເດັ່ນ ແມ່ນການແກ້ໄຂຟື້ນຟູຫຼັງໄພພິບັດ ຢູ່ ເມືອງ ສະໜາມໄຊ ແຂວງ ອັດຕະປື, ເຮັດໃຫ້ປະຊາຊົນທີ່ໄດ້ຮັບຜົນກະທົບໃນ 19 ບ້ານ ແລະ 6 ບ້ານທີ່ຖືກກະທົບໜັກ ໄດ້ຮັບການຊ່ວຍເຫຼືອຟື້ນຟູຊີວິດການເປັນຢູ່ເຂົ້າສູ່ສະພາບປົກກະຕິ ແລະ ດີຂື້ນ, ການປຸກສ້າງເຮືອນຖາວອນໄດ້ສໍາເຫຼັດຫຼາຍ 100 ຫຼັງ, ໂຄງລ່າງພື້ນຖານດ້ານ

    ເສັ້ນທາງ, ຊົນລະປະທານ, ໂຮງຮຽນ, ໂຮງໝໍ, ສຸກສາລາ, ອື່ນ ກໍ່ໄດ້ຮັບການກໍ່ສ້າງຄືນໃໝ່, ປະຊາຊົນຫຼາຍຄອບຄົວ ກໍ່ໄດ້ຮັບທີ່ດິນ ທັງສໍາລັບ ການປຸກສ້າງເຮືອນ ແລະ ເພື່ອທໍາການຜະລິດກະສິກໍາ.ກອງປະຊຸມວິຊາການວຽກງານຄຸ້ມຄອງໄພພິບັດທົ່ວປະເທດປະຈໍາປີ 2020 ຄັ້ງນີ້, ຈະໄດ້ພ້ອມກັນຮັບຟັງການສະເໜີບົດສະຫຼຸບການຈັດຕັ້ງປະຕິບັດວຽກງານຄຸ້ມຄອງໄພພິບັດ ໄລຍະ 5 ປີ ຜ່ານມາ 2016-2020 ແລະ ທິດທາງແຜນການ 5 ປີ 2021-2025 ລວມທັງ ແຜນວຽກຈຸດສຸມ ແລະ ການກຽມຄວາມພ້ອມຕອບໂຕ້ໄພພິບັດ ປີ 2021 ຊຶ່ງເປັນປີທຳອີດຂອງແຜນ 5 ປີ ຂອງ ຄະນະກໍາມະການຄຸ້ມຄອງໄພພິບັດຂັ້ນສູນກາງ ລວມທັງການສະເໜີແລກປ່ຽນບົດຮຽນ ການຈັດຕັ້ງ

    ປະຕິບັດວຽກງານຄຸ້ມຄອງໄພພິບັດ ຢູ່ຂັ້ນທ້ອງຖິ່ນ ເພື່ອສ້າງຄວາມຮັບຮູ້ ເຂົ້້າໃຈ ຢ່າງກ້ວາງຂວາງ ແລະ ມີຄວາມເປັນເອກະພາບກັນຕື່ມໃນການພັດທະນາວຽກງານຄຸ້ມຄອງໄພພິບັດ ແລະ ວາງມາດຕະການຕ່າງໆ ໃນການຈັດຕັ້ງປະຕິບັດບັນດາຄາດໝາຍວຽກຄຸ້ມຄອງໄພພິບັດ ຕາມທີ່ໄດ້ກຳນົດໄວ້, ພ້ອມນີ້ຜູ້ແທນກອງປະຊຸມຈະໄດ້ຄົ້ນຄ້ວາປະກອບຄຳເຫັນຕໍ່ເນື້ອໃນເອກກະສານ ຢ່າງມີຈຸດສຸມ ເພື່ອໃຫ້ມີຄວາມເປັນເອກະພາບໃນການຮັບຮູ້ ແລະ ເຂົ້າໃຈດ້ານວິຊາການໃຫ້ຫຼາຍຂຶ້ນ ພ້ອມທັງຊອກໃຫ້ເຫັນທາງອອກ, ມີວິທີການ ແລະ ມາດຕະການ ໃນການແກ້ໄຂບັນຫາ ທີ່ຍັງເປັນຂໍ້ຫຍຸ້ງຍາກ ແລະ ສິ່ງທ້າທາຍຕ່າງໆ ເພື່ອສ້າງຄວາມເຂັ້ມແຂງໃນການຈັດຕັ້ງປະຕິບັດບັນດາເປົ້າໝາຍ, ແຜນ

    ວຽກຈຸດສຸມ, ຄາດໝາຍ ແລະ ຕົວຊີ້ບອກ ຕາມທີ່ໄດ້ກຳນົດໄວ້ໃນທິດທາງແຜນການປີ 2021 ໃຫ້ບັນລຸຜົນສຳເລັດຕາມແຜນທີ່ວາງໄວ້.ຕອນທ້າຍ ທ່ານ ປອ ຄຳແພງ ໄຊສົມແພງ ປະທານກອງປະຊຸມຍັງໄດ້ຮຽກຮ້ອງມາຍັງບັນດາຜູ້ເຂົ້້າຮ່ວມກອງປະຊຸມ ແລະ ຜູ້ມີໜ້າທີ່ຮັບຜິດຊອບວຽກງານຄຸ້ມຄອງໄພພິບັດ ທັງຢູ່ສູນກາງ ແລະ ທ້ອງຖິ່ນ ຈົ່ງພ້ອມກັນນຳເອົາເນື້ອໃນຈິດໃຈຂອງກອງປະຊຸມ ໄປຈັດຕັ້ງຜັນຂະຫຍາຍ ໃຫ້ກ້າວສູ່ລວງເລິກ ແລະ ກາຍເປັນຮູບປະທຳຫຼາຍຂຶ້ນ ພ້ອມທັງປັບປຸງແບບແຜນການນຳພາ ໃຫ້ມີຄວາມເຂັ້ມແຂງ ແລະ ຮັດກຸມກ່ວາເກົ່າ, ເອົາໃຈໃສ່ບໍລິຫານຄຸ້ມຄອງວຽກງານຄຸ້ມຄອງໄພພິບັດ ຕາມກົດໝາຍ ແລະ ລະບຽບການ, ເພີ່ມຄວາມສາມາດໃນການຈັດຕັ້ງປະຕິບັດວຽກວິຊາສະເພາະແຕ່ລະດ້ານ ກໍ່ຄືບັນດາຕົວເລກຄາດໝາຍສູ້ຊົນ ທີ່ຢູ່ໃນຄວາມຮັບຜິດຊອບຂອງຕົນ ໃຫ້ມີຜົນສຳເລັດ ຕາມລະດັບຄາດໝາຍ ທີ່ໄດ້ກຳນົດໄວ້.