ເມືອງໂຂງ ສັກຢາວັກຊີນປ້ອງກັນພະຍາດ ໂຄວິດ ຮອບທີ 1

    0
    338

    ແຫລ່ງຂ່າວຈາກເມືອງໂຂງ ໃຫ້ຮູ້ວ່າ: ວັນທີ 11 ມີນາ 2021 ນີ້, ຢູ່ໂຮງໝໍຊຸມຊົນເມືອງໂຂງ ແຂວງຈຳປາສັກ ໄດ້ມີພິທີສັກວັກຊີນປ້ອງກັນພະຍາດ ໂຄວິດ-19 ຮອບທີ 1 ເຊິ່ງເປັນເຂັມທໍາອິດ ໃຫ້ກັບກຸ່ມທີ່ມີຄວາມສ່ຽງສູງ ເປັນຕົ້ນ ການນໍາຂັ້ນເມືອງ, ພະ ນັກງານຫ້ອງການອ້ອມຂ້າງເມືອງ ຫລື ຜູ້ທີ່ເປັນດ່ານໜ້າາທີ່ມີຄວາມສ່ຽງຕໍ່ຕິດເຊື້ອຈາກ

    ການລະບາດຂອງພະຍາດໂຄວິດ-19 ໂດຍມີ ນາງ ຄຳພູ ລິດທິສັກ ເຈົ້າເມືອງໂຂງ, ມີ ຄະນະປະຈຳພັກເມືອງ, ກຳມະການພັກເມືອງ, ຫົວໜ້າ-ຮອງຫົວໜ້າຫ້ອງການ, ພະ
    ນັກ ງານວິຊາການຫ້ອງການອ້ອມຂ້າງເມືອງ ແລະ ຄະນະສະເພາະກິດພາຍໃນເມືອງເຂົ້າຮ່ວມ.ທ່ານ ດຣ ພົງສະຫວັດ ສີພົງສັກ ຮອງຫົວໜ້າຫ້ອງການສາທາລະນະສຸກເມືອງ

    ໂຂງ ໄດ້ໃຫ້ຮູ້ວ່າ: ວັກຊີນ ນີ້ມີຊື່ວ່າ Sinopharm Vaccine (ຊີໂນຟຣາມ) ຜະລິດໂດຍບໍລິສັດຢາຊີໂນຟຣາມຂອງປະເທດຈີນ, ເຊິ່ງການສັກວັກຊີນ ແມ່ນປະຕິບັດ 2
    ໄລຍະຄື: ຮອບທີ 1 ເລີ່ມສັກມາແຕ່ວັນທີ 9-15 ມີນາ 2021 ແມ່ນໃຫ້ສໍາເລັດ ແລະ ຮອບທີ 2 ຈະເລີ່ມສັກໃນວັນທີ 2 ເມສາ 2021. ສະເພາະເມືອງໂຂງ ແມ່ນໄດ້ຮັບ

    ວັກຊີນກັນພະຍາດໂຄວິດ-19 ຄັ້ງນີ້ທັງໝົດ 2.007 ໂດສ. ໂອກາດນີ້, ທ່ານນາງ ຄຳພູ ລິດທິສັກ ຍັງກ່າວຕື່ມວ່າ: ເຖິງວ່າຈະໄດ້ຮັບການສັກວັກຊີນແລ້ວກໍຕາມ ແຕ່ເຮົາກໍຍັງຄົງສືບຕໍ່ເຝົ້າລະວັງ ແລະ ປະຕິບັດການປ້ອງກັນຢ່າງເຂັ້ມງວດຕໍ່ໄປເຊັ່ນ: ການໃສ່ຜ້າອັດປາກ-ດັງ, ລ້າງມືໃຫ້ສະອາດເລື້ອຍໆ ແລະ ຮັກສາໄລຍະຫ່າງ 1-2 ແມັດ.