ເມືອງສາມັກຄີໄຊ ເປີດຕະຫລາດ ຊຸມຊົນ ຢູ່ບ້ານຮົມ

    0
    131

    ໃນວັນທີ 11 ມີນາ 2021 ນີ້ ເມືອງສາມັກຄີໄຊ ແຂວງອັດຕະປື ໄດ້ເປີດຕະຫລາດຊຸມຊົນ ຢູ່ບ້ານຮົມ ພາຍໃຕ້ການສະໜັບສະໜູນ ຂອງໂຄງການຮ່ວມມືປັບປຸງໂພຊະນາການ ເລັ່ງໃສ່ຜະລິດກະສິກຳ ໂພສະນາການ ແລະ ສຸຂະພາບທີ່ດີ ຂອງອົງການສຸພານິມິດ ສາກົນປະຈໍາລາວ, ໂດຍໃຫ້ກຽດເຂົ້າຮ່ວມຂອງທ່ານ ພິທູນ ມະວົງສາ ຮອງເຈົ້າເມືອງ

    ສາມັກຄີໄຊ, ມີທ່ານ ໄຊຍະລາດ ຊຸມພົນພັກດີ ຮອງຫົວໜ້າຫ້ອງວ່າການປົກຄອງ ແຂວງອັດຕະປື,ມີຕາງໜ້າອົງການສຸພານິມິດ ຕະຫລອດຮອດອົງການຈັດຕັ້ງຂັ້ນບ້ານ ແລະ ພໍ່ແມ່ປະຊາຊົນພາຍໃນບ້ານຮົມ ເຂົ້າຮ່ວມ .ທ່ານ ພິທູນ ມະວົງສາ ໄດ້ກ່າວວ່າ: ການເປີດຕະຫລາດຊຸມຊົນຢູ່ບ້ານຮົມ ໃນຄັ້ງນີ້ ເປົ້າໝາຍສໍາຄັນ ເພື່ອປະກອບສ່ວນ

    ໃນການພັດທະນາເສດຖະກິດ ຂອງບ້ານ,ເພື່ອເຮັດໃຫ້ຕະຫລາດຊຸມຊົນແຫ່ງນີ້ ໄດ້ກາຍເປັນຈຸດລິເລີ່ມຂອງບ້ານຮົມ ແລະ ບ້ານເຂດໃກ້ຄຽງໃນການແລກປ່ຽນຊື້-ຂາຍສິນຄ້າ ເຊິ່ງກັນ ແລະ ກັນ,ເປັນຈຸດເຕົ້າໂຮມສິນຄ້າທີ່ເປັນຜະລິດຕະພັນຕ່າງໆປະຊາຊົນພາຍໃນບ້ານ, ທັງເປັນຈຸດເຕົ້າໂຮມຂອງບັນດາພໍ່ຄ້າແມ່ຄ້າ ແລະ ເປັນຈຸດຮຽນຮູ້ໃຫ້ແກ່ພໍ່ແມ່

    ປະຊາຊົນ ເພື່ອການສົ່ງເສີມການຜະລິດເປັນສິນຄ້າໃຫ້ຫລາຍຂື້ນ,ເຮັດໃຫ້ມີອາຫານການກິນທີ່ຫລາກຫລາຍ ແລະ ພຽງພໍຕະຫລອດປີ, ພ້ອມທັງມີລາຍຮັບເຂົ້າສູ່ຄອບຄົວ.
    ຕະຫລາດຊຸມຊົນ ບ້ານຮົມ ຕັ້ງຢູ່ແຄມທາງຜ່ານໄປ ເມືອງສະໜາມໄຊ ເປັນອາຄານຊັ້ນດຽວ, ກ້ວາງ 4 ແມັດ, ຍາວ 8 ແມັດ, ສູງ 3,5 ແມັດ, ມຸງດ້ວຍກະສັງກະສີ

    ແລະ ໂຄງສ້າງເຮັດດ້ວຍໄມ້, ມີ 3 ຫ້ອງ, ມີເນື້ອທີ່ທັງໝົດ 2.500 ຕາແມັດ. ຕະຫລາດຊຸມຊົນແຫ່ງນີ້ຈະກາຍເປັນບ່ອນຈຳໜ່າຍຜະລິດຕະພັນກະສິກຳ, ຊື້-ຂາຍແລກປ່ຽນ,ຂາຍສົ່ງ-ຂາຍຍ່ອຍ, ຮັບປະກັນຄວາມສົດໃໝ່, ທັງເປັນພື້ນທີ່ສະໜອງຜະລິດຕະພັນການກະເສດສີຂຽວ ແບບພື້ນບ້ານໂດຍອີງໃສ່ການຄ້າຂາຍຜະລິດຕະພັນກະສິກຳເປັນຫລັກ, ເປັນບ່ອນຮອງຮັບສິນຄ້າ ແລະ ບໍລິການກິດຈະການຂອງບ້ານ.