ເມືອງລະຄອນເພັງ ເລີ່ມສັກວັກຊີນປ້ອງກັນພະຍາດໂຄວິດ ຮອບທີ 1

    0
    113

    ແຫລ່ງຂ່າວຈາກແຂວງສາລະວັນ ໃຫ້ຮູ້ວ່າ: ວັນທີ 10 ມີນາ 2021 ນີ້, ຫ້ອງການສາທາລະນະສຸກເມືອງລະຄອນເພັງ ໄດ້ເລີ່ມສັກວັກຊີນປ້ອງກັນພະຍາດໂຄວິດ-19 ຮອບທີ 1 ຢູ່ໂຮງໝໍເມືອງລະຄອນເພັງ ໂດຍໄດ້ສັກໃຫ້ພະນັກງານການນຳຂັ້ນເມືອງ, ພະນັກງານແພດໝໍ ແລະ ເຈົ້າໜ້າທີ່ໆເຮັດວຽກທີ່ມີຄວາມສ່ຽງຈາກການພົວພັນກັບສັງຄົມຕາມ

    ຈຸດຕ່າງໆ ແລະ ຮອບຕໍ່ໄປ ຈະໄດ້ສັກໃນວັນທີ 6 ເມສາ 2021 ຕາມເປົ້າໝາຍທີ່ມີຄວາມສ່ຽງ.ທ່ານ ພູວຽງ ຜິ່ນຄຳຜິວ ຫົວໜ້າຫ້ອງສາທາລະນະສຸກເມືອງ ກ່າວວ່າ: ເມືອງ

    ລະຄອນເພັງ ໄດ້ຮັບການແບ່ງປັນວັກຊີນ ຈາກພະແນກສາທາລະນະສຸກແຂວງ ຈຳນວນ 1.200 ໂດສ ແລະ ໄດ້ເລີ່ມສັກໃຫ້ກັບກຸ່ມເປົ້າໝາຍທີ່ມີຄວາມສ່ຽງຄື: ພະນັກງານ

    ແພດໝໍ, ພະນັກງານທີ່ປະຕິບັດໜ້າທີ່ຕາມຈຸດຜ່ານແດນແລະ ກຸ່ມຄົນທີ່ເຮັດວຽກຢູ່ສູນຈຳກັດບໍລິເວນທີ່ຢູ່ໃນກຸ່ມສ່ຽງຕ່າງໆ ໂດຍການສັກວັກຊິນແມ່ນຈະໄດ້ປະຕິບັດ 2 ໄລຍະຄື: ຮອບທີ 1 ຈະສັກທັງໝົດ 1.200 ໂດສ ນັບແຕ່ວັນທີ 10-15 ມີນາ 2021 ແລະ ຮອບທີ 2 ຈະສັກຕື່ມໃນວັນທີ 6 ເມສາ 2021 ເຊິ່ງເມືອງລະຄອນເພັງ ແມ່ນໄດ້ກຳນົດເອົາ ໂຮງໝໍເມືອງເປັນບ່ອນສັກວັກຊີນ.

    ພາບ-ຂ່າວ: ຈັນດາວອນ ສີນາມົນຕີ