ທ້າວ Walter ນັກກີລາສັນຊາດອາເມຣິກາ ເຊື້ອສາຍລາວ ມາຮອດລາວແລ້ວ

    0
    202

    ກ່ອນໜ້ານີ້ ໃນກອງປະຊຸມໃຫຍ່ ຄະນະກໍາມະການໂອແລມປິກແຫ່ງຊາດລາວ ໃນທ້າຍປີ 2020 ທາງກອງປະຊຸມໄດ້ສະເໜີຂ່າວດີທໍາອິດຄື: ສໍາເລັດການຂໍອະນຸມັດ ເອົາຄົນເຊື້ອສາຍລາວ ມາເປັນນັກກີລາລາວ ໄດ້ 2 ຄົນ: ທ້າວ Walter Warawud Puriboon Sanoi ນັກກີລາມວຍສາກົນ ປະສົບການສູງ ສັນຊາດອາເມຣິກາ ເຊື້ອສາຍລາວ ແລະ ນາງ Fanny Marie COUVET ນັກກີລາລົດຖີບດາວເດັ່ນ ສັນຊາດຝຣັ່ງ ເຊື້ອສາຍລາວ.ໂດຍ ທ່ານ ແສງພອນ ພົນອາມາດ ຫົວໜ້າກົມກີລາລະດັບສູງ ກະຊວງ

    ສຶກສາທິການ ແລະ ກີລາ ໄດ້ລາຍງານໃນກອງປະຊຸມດັ່ງກ່າວວ່າ: (ໃນຄລິບລຸ່ມນີ້)ຫຼ້າສຸດ ໃນວັນທີ 10 ມີນາ 2021 ທີ່ສູນກາງແນວລາວສ້າງຊາດ ທ່ານ ປອ. ໄຊສົມພອນ ພົມວິຫານ ກໍາມະການກົມການເມືອງສູນກາງພັກ, ປະທານສູນກາງແນວລາວສ້າງຊາດ ພ້ອມດ້ວຍຄະນະໄດ້ຕ້ອນຮັບການເຂົ້າຢ້ຽມຂໍ່ານັບຂອງ ຄະນະສະຫະພັນມວຍສາກົນແຫ່ງຊາດລາວ ແລະ ນັກກິລາຄົນເຊື້ອຊາດລາວ (ສັນຊາດອາເມລິກາ) ນໍາໂດຍທ່ານ ຫຽມ ພົມມະຈັນ ກໍາມະການສູນກາງແນວລາວສ້າງຊາດ, ຫົວໜ້າຄະນະທີ່ປຶກສາ

    ວຽກງານພົວພັນຄົນເຊື້ອຊາດລາວທີ່ດໍາລົງຊີວິດຢູ່ຕ່າງປະເທດ, ມີທ່ານ ສີສຸພັນ ແສງສະຫວັນ ກໍາມະການສູນກາງແນວລາວສ້າງຊາດ ປະທານສະຫະພັນມວຍສາກົນແຫ່ງຊາດລາວເຂົ້າຮ່ວມ ແລະ ທ້າວ ວອລເຕີ້.ໃນໂອກາດນີ້, ທ້າວ ວອລເຕີ້ ສະນ້ອຍ ອຸປະຖານາ ( Walter Sanoi ) ນັກກິລາມວຍສາກົນ ຄົນເຊື້ອຊາດລາວ (ສັນຊາດ

    ອາເມລິກາ) ໄດ້ສະແດງຄວາມຂອບໃຈຢ່າງສູງຕໍ່ການຕ້ອນຮັບອັນອົບອຸ່ນ ແລະ ເປັນການເອງຂອງ ທ່ານປະທານສູນກາງແນວລາວສ້າງຊາດ ພ້ອມດ້ວຍຄະນະໄດ້ລາຍງານ ຈຸດປະສົງໃນການມາເຮັດວຽກໃນຄັ້ງນີ້, ແມ່ນເພື່ອມາແຂ່ງຂັນກິລາເພືອເປັນໂຕແທນຮັບໃຊ້ທີມຊາດລາວ ໄປແຂ່ງຂັນໃນເວທີສາກົນ .ໂອກາດນີ້, ທ່ານ ປະທານສູນກາງແນວ

    ລາວສ້າງຊາດ ໄດ້ສະແດງຄວາມຍິນດີຕ້ອນຮັບຄົນເຊື້ອຊາດລາວທີ່ດໍາລົງຊີວິດຢູ່ຕ່າງປະເທດທີ່ມີຄວາມຮູ້, ປະສົບການຕ່າງໆ ມາປະກອບສ່ວນຊ່ວຍພັດທະນາປະເທດຊາດ ໃຫ້ຈະເລີນຮຸ່ງເຮືອງ ແລະ ສີວິໄລເປັນກ້າວໆ.

    ຂອບໃຈຮູບ-ຂ່າວຈາກ: ໜິ່ງ ແລະ ຢາກບອກຂ່າວ