ປີ 2021 ທະນະຄານນະໂຍບາຍສາຂາ ອັດຕະປື ຈະສະໜອງສິນເຊື່ອໃຫ້ໄດ້ 5,5 ຕື້ກວ່າກີບ

    0
    53

    ປີ 2021 ນີ້ ທະນະຄານນະໂຍບາຍສາຂາ ແຂວງອັດຕະປື ມີແຜນຈະສະໜອງສິນເຊື່ອດ້ວຍອັດຕາດອກເບ້ຍຕ່ຳ ໃຫ້ໄດ້ 5,5 ຕື້ກວ່າກີບ ໂດຍຈະເລັງໃສ່ເມືອງເປົ້າໝາຍຈຸດສຸມລັດຖະບານ ແລະ ບ້ານ 3 ສ້າງ ທີ່ລັດຖະບານກຳນົດອອກແຕ່ລະໄລຍະ ເພື່ອປະກອບສ່ວນໃນການແກ້ໄຂຄວາມທຸກຍາກຂອງປະຊາຊົນ.ທ່ານ ບຸນແຫລມ ກິວົງສັກ ຮັກສາການຫົວໜ້າ ທະນະຄານນະໂຍບາຍ ສາຂາແຂວງອັດຕະປື ໄດ້ລາຍງານຕໍ່ກອງປະຊຸມສະຫລຸບການເຄື່ອນໄຫວວຽກງານສິນເຊື່ອຂອງ ທະນາຄານນະໂຍບາຍສາຂາແຂວງ

    ອັດຕະປື ເມື່ອບໍ່ດົນນີ້ວ່າ: ປີ 2021 ທະນະຄານນະໂຍບາຍສາຂາ ແຂວງອັດຕະປື ໄດ້ຮັບອະນຸມັດແຫລ່ງທຶນສີນເຊື່ອ ມີທັງໝົດ 5,5 ຕື້ກວ່າກີບ. ໃນນີ້ທຶນໄລຍະສັ້ນ ມີ 23 ລ້ານກີບ, ທຶນໄລຍະກາງ ມີ 610 ລ້ານກີບ ແລະ ທຶນໄລຍະຍາວ ມີ 4,9 ຕື້ກວ່າກີບ, ເພື່ອໃຫ້ສະມາຊິກກຸ່ມກູ້ຢືມເງິນໄດ້ນຳໃຊ້ເງິນກູ້ເຂົ້າໃນການຜະລິດໄດ້ທ່ວງກັບລະດູການ, ທາງທະນາຄານໄດ້ມີການແບ່ງທຶນອອກເປັນ 3 ແຫລ່ງ ຄື: ແຫລ່ງທຶນເປົ້າໝາຍ ມີ 3,3 ຕື້ກວ່າກີບ, ແຫລ່ງທຶນຈຸດສຸມ ມີ 700 ລ້ານກວ່າກີບ ແລະ

    ແຫລ່ງທຶນວຽກງານ 3 ສ້າງ ມີ 1,4 ຕື້ກວ່າກີບ.ທ່ານ ບຸນແຫລມ ກິວົງສັກ ໃຫ້ຮູ້ຕື່ມວ່າ: ເພື່ອເຮັດໃຫ້ປະຊາຊົນໄດ້ເຂົ້າເຖິງແຫລ່ງທຶນສິນເຊື່ອດັ່ງກ່າວນັ້ນ ທາງທະນະຄານນະໂຍບາຍ ສາຂາແຂວງອັດຕະປື ຈະໄດ້ແຕ່ງຕັ້ງພະນັກງານ ຂັ້ນສາຂາ, ຄະນະຂະແໜງລົງຊີ້ນຳ, ຊຸກຍູ້ບັນໜ່ວຍບໍລິການໃຫ້ເຄື່ອນໄຫວຫລາຍຂຶ້ນ ເພື່ອໃຫ້ທຶນສິນເຊື່ອດັ່ງກ່າວນັ້ນ ເຂົ້າເຖິງປະຊາຊົນຜູ້ທຸກຍາກໃນບັນດາເມືອງ ແລະ ບ້ານເປົ້າໝາຍ ຢ່າງມີປະສິດທິຜົນຫລາຍຂຶ້ນ .

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.