ອົງການ​ອະນາ​ໄມ​ໂລກຕັ້ງຂໍ້​ສົງໄສ ຕະຫລາດນັດຈະຕຸຈັກ ຂອງໄທ ອາດເປັນຕົ້ນຕໍແຜ່ໂຄວິດ ໄປອູ່ຮັ່ນ

    0
    169

    ນັກວິ​ໄຈຂອງ​ອົງການ​ອະນາ​ໄມ​ໂລກ ຕັ້ງຂໍ້​ສົງ​ໄສ ຕະຫລາດນັດ​ຈະຕຸ​ຈັກ​ອາດ​ເປັນຕົ້ນກຳ​ເນີ​ດ​ເຊື້ອ​ໄວຣັສ​ໂຄ​ວິດ-19 ​ແລ້ວ​ຈຶ່ງ​ແຜ່​ກະຈາຍ​ໄປ​​ເມືອງ​ອູ່​ຮັ່ນ.Politiken ສື່​ຂອງ​ປະ​ເທດ​ເດນ​ມາກ ລາຍ​ງານ​ວ່າ: ຫລັງ​ຈາກ​ທີ​ມວິ​ໄຈ​ຈາກ​ອົງການ​ອະນາ​ໄມ​ໂລກ (WHO) ​ໄດ້​ໄປ​ຢ້ຽມຢາມ​ເມືອງ​ອູ່​ຮັ່ນ ສປ ຈີນ ​ໃນ​ເດືອນ​ມັງກອນ​ຜ່ານ​ມາ ​ເພື່ອ​ສືບ​ຫາ​ຕົ້ນຕໍ​ການ​ແຜ່​ລະບາດ​ຂອງ​ໂຄ​ວິດ-19 ​ແລະ ພົບ​ຫລັກ​ຖານ​ວ່າ: ​ໂຄ​ວິດ-19 ​ອາດບໍ່​ເກີດ​ຂຶ້ນຢູ່​ອູ່​ຮັ່ນ​ເປັນ​ບ່ອນ​ທຳ​ອິດ. ຫລ້າ​ສຸດ ນັກວິ​ໄຈ​ຂອງ WHO ​ເຊື່ອ​ວ່າ: ​ໂຄ​ວິດ-19 ອາດ​ມາ​ຈາກ​

    ປະ​ເທດ​ອື່ນ​ທີ່​ບໍ່​ແມ່ນ​ຈີນ ​ແລະ ໜຶ່ງ​ໃນຂໍ້​ສົມມຸດ​ຄື​ມາ​ຈາກ “ປະ​ເທດ​ໄທ”.ທີ​ມນັກວິ​ໄຈ​ຂອງ​ອົງການ​ອະນ​າ​ໄມ​ໂລກ (WHO) ​ເບິ່ງ​ວ່າ: “ຕະຫລາດນັດ​ຈະຕຸ​ຈັກ” ຂອງ​ໄທ ​ເຊິ່ງ​ເປັນ​ແຫ​ລ່ງຈຳໜ່າຍ​ສັດ​ມີ​ຊີວິດ​ຈາກ​ທົ່ວ​ທຸກ​ມຸມ​ໂລກ ອາດ​ເປັນຕົ້ນຕໍ​ທີ່​ແທ້​ຈິງ​ຂອງ​ການລະບາດ.ກ່ອນ​ໜ້າ​ນີ້​ໃນ​ເດືອນ​ມີນາ 2020 ມີ​ຜູ້​ຊ່ຽວຊານ​ບາງ​ຄົນ​ບອກ​ວ່າ: ຕະຫລາດ​ຈະຕຸ​ຈັກ​ເປັນ​ແຫ​ລ່ງ​ເພາະ​ຟັກ​ທີ່​ສົມບູນ​ແບບ​ສຳລັບ​ໄວຣັສຊະນິດ​ໃໝ່ ​ແລະ ຕອນ​ນີ້​ຕະຫລາດ​ຊື່​ດັງ​ຂອງ​ໄທ​ພັດ​ມາ​ເປັນ​ຈຸດ​ສົນ​ໃຈ​ອີກ ຫລັງ​ຜູ້​ຊ່ຽວຊານ​ດ້ານ​ສາທາລະນະ​ສຸກ, ການ​

    ຕິດ​ເຊື້ອ ​ແລະ ພະຍາດ​ລະບາດ ຈາກ​ໂຮງໝໍ​ນອດຊີ​ແລນ ​ເດນ​ມາກ ​ເບິ່ງ​ວ່າ: “ມີ​ຄວາມ​ເປັນ​ໄປ​ໄດ້​ສູງ” ທີ່​ໂຄ​ວິດ-19 ຈະ​ແຜ່​ຈາກ​ຕະຫລາດ​ຂາຍ​ສັດຈະ​ຕຸ​ຈັກ​ໄປ​ອູ່​ຮັ່ນ.
    ​ໂດຍ​ທ່ານ​ບອກ​ວ່າ: ຕະຫລາດນັດ​ຈະຕຸ​ຈັກ​ຢູ່​ນະຄອນຫລວງ​ບາງກອກ ​ເຊິ່ງຂາຍ​ສັດ​ເກືອບ​ຈະ​ທຸກ​ຢ່າງ ນັບ​ແຕ່​ເມຍ​ແຄ​ດ, ງູ, ​ແມງມຸມ, ​ເຈຍ, ໝານ້ຳ ​ເປັນ​ໜຶ່ງ​ໃນ​ສະຖານ​ທີ່​ສ່ຽງ​ສູງ​ຈະ​ເຮັດ​ໃຫ້​ເກີດ​ການ​ແຜ່​ລະບາດ​ຂອງ​ໂຄ​ວິດ-19.ຈາກ​ຂໍ້​ມູນ​ຂອງ​ອົງການ​ສັດສາ​ກົນ, ຈະຕຸ​ຈັກ​ເປັນ​ສູນ​ກາງ​ການ​ຄ້າ​ສັດ​ແປກ​ໃນ​ອາຊີ​ຕາ​ເວັນ​ອອກສຽງ​ໃຕ້, ສັດ​ເຫລົ່າ​ນີ້​

    ມັກ​ຖືກ​ຂັງ​ຢູ່​ໃນ​ຄອກ​ຢ່າງ​ແອ​ອັດ ຈົນ​ສັດ​ສຳຜັດ​ກັນ​ໄດ້​ງ່າຍ, ສູບ​ດົມ​ອາກາດ​ດຽວ​ກັນ ​ແລະ ສຳຜັດ​ກັນ​ດ້ວຍ​ປັດ​ສະວະ ​ແລະ ອຸ​ຈາຣະ ຖ້າ​ສັດ​ພຽງ​ໂຕ​ດຽວ​ຕິດ​ເຊື້ອ​ໄວຣັສ ສັດ​ນັ້ນຈະ​ສາມາດ​ແຜ່​ກະຈາຍ​ພະຍາດ​ໄດ້​ງ່າຍ.ທິດ​ສະ​ດີ​ໃໝ່​ຂອງ WHO ​ເຊື່ອ​ວ່າ: ມີ​ເຈຍ​ຕິດ​ເຊື້ອ​ໄວຣັສ​ໂຄ​ໂຣນາສາ​ຍພັນ​ໃໝ່ ​ເຊິ່ງສ້າງ​ພະຍາດ​ໂຄ​ວິດ-19 ​ແລ້ວ​ແຜ່​ກະຈາຍ​ເຊື້ອ​ໄປ​ຫາ​

    ສັດ​ອື່ນ ​ເຊິ່ງອາດ​ຖືກ​ນຳ​ມາ​ຂາຍ​ຢູ່​ຕະຫລາດນັດ​ຈະຕຸ​ຈັກ ​ແລະ ຂາຍ​ຕໍ່​ໄປ​ເມືອງ​ອູ່​ຮັ່ນ ຈົນ​ຕິດ​ເຊື້ອສູ່​ຄົນ​ໃນ​ທີ່​ສຸດ ຫລື ອີກ​ກໍລະນີ​ໜຶ່ງ ຄື​ມີ​ຄົນ​ຢູ່​ໄທ​ຕິດ​ເຊື້ອຈາກ​ສັດ​ໃນ​ຈະຕຸ​ຈັກ ​ແລ້ວ​ເດີນທາງ​ໄປ​ເມືອງ​ອູ່​ຮັ່ນ.ສື່​ເດນ​ມາກ​ລາຍ​ງານ​ວ່າ: ຕະຫລາດນັດ​ຈະຕຸ​ຈັກ​ເປັນ​ຕະຫລາດ​ວັນພັກ​ທ້າຍ​ອາທິດ​ໃຫຍ່​ທີ່​ສຸດ​ໃນ​ໂລກ ​ແລະ ມີ​ຫລາຍ​ພັນ​ຄົນ​ເດີນທາງ​ມາ​ທ່ຽວ​​ໃນ​ທ້າຍ​ອາທິດ ​ເພື່ອ​ຊື້ສັດ​ແປກໆ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.