​ໂຄງການພັດທະນາສີທັນດອນ ໄລຍະທີ 1 ສຳເລັດຫຼາຍໜ້າວຽກ ຄາດຈະໃຊ້ທຶນ 5,5 ພັນຕື້ກີບ

    0
    290

    ​ໂຄງການພັດທະນາສີທັນດອນ ໄລຍະທີ 1 ສຳເລັດຫຼາຍໜ້າວຽກ ຄາດຈະໃຊ້ທຶນ 5,5 ພັນຕື້ກີບ ໂຄງການພັດທະນາສີທັນດອນໄລຍະທີ 1 ໄດ້ມີຫຼາຍໜ້າວຽກສຳເລັດ ແລະ ກຳລັງສຶບຕໍ່ສຸມໃສ່ບັນດາໜ້າວຽກທີ່ສໍາຄັນເພື່ອໃຫ້ສໍາເລັດຕາມລະດັບຄາດໝາຍທີ່ວາງໄວ້,​ ໃນຂະນະທີ່ຮອງປະທານບໍລິສັດຮ່ວມພັດທະນາສີທັນດອນ ຢໍ້າວ່າຫາກໂຄງການສຳເລັດຈະຊ່ວຍພັດທະນາຊີວິດການເປັນຢູ່ຂອງປະຊາຊົນຊາວ ເມືອງໂຂງດີຂຶ້ນ.ທ່ານ ລາຕີ ສີສຸພັນນະວົງ ຮອງປະທານບໍລິສັດ ຮ່ວມພັດທະນາສີທັນດອນ ໄດ້ລາຍງານໃນ

    ໂອກາດເປີດນຳໃຊ້ເສັ້ນທາງເບຕົງອ້ອມດອນໂຂງເມື່ອອາທິດທີ່ຜ່ານມາໃຫ້ຮູ້ວ່າ: ໂຄງການພັດທະນາສີທັນດອນ ໄລຍະທີ 1 ແມ່ນໄດ້ເລີ່ມລົງມືກໍ່ສ້າງແຕ່ປີ 2018 ຫາ 2025 ໃຫ້ສໍາເລັດ, ມາຮອດປະຈຸບັນຄວາມຄືບໜ້າໂຄງການແມ່ນໄດ້ສຳເລັດການປັບປຸງເຮືອນວິນລາຢູ່ລິສອດຄອນພະເພັງ ຈຳນວນ 21 ຫຼັງ, ສູນບໍລິການໆຂາຍ 1 ຫຼັງ ລວມມູນ

    ຄ່າ 10 ລ້ານກວ່າໂດລາສະຫະລັດ, ສຳເລັດການກໍ່ສ້າງໂຮງແຮມຫຼັງໃໝ່, ອາຄານ, ຫ້ອງພັກ 2 ຫຼັງ, ມີຫ້ອງພັກ 68 ຫ້ອງ, ເຮືອນວິນລາແບບສ່ວນຕົວ 6 ຫຼັງ, ຫ້ອງສະປາ 6 ຫຼັງ, ຕຶກຫ້ອງການບໍລິຫານໂຮງແຮມ 1 ຫຼັງ, ສຳເລັດການກໍ່ສ້າງເສັ້ນທາງເບຕົງທີ່ມີໄລຍະທາງ 43 ກວ່າກິໂລແມັດ.​ ນອກຈາກນີ້,​ ໂຄງການແມ່ນຈະໄດ້ສຶບ

    ຕໍ່ພັດທະນາຫຼາຍໜ້າວຽກຕື່ມອີກເຊັ່ນ: ກໍ່ສ້າງເສັ້ນ ທາງມາດຕະຖານ, ເຂດທີ່ຢູ່ອາໄສ, ນ້ຳປະປາ, ສະໜາມບິນ, ໂຮງໝໍຊຸມຊົນຂະໜາດ 100 ຕຽງ, ສະໜາມກ໊ອບ, ກໍ່ສ້າງຕາຝັ່ງເຈື່ອນ ແລະ ອື່ນໆ, ໃຫ້ສຳເລັດ ແລະ ຄາດວ່າຈະໃຊ້ທຶນຢູ່ປະມານ 600 ລ້ານໂດລາສະຫະລັດ ຫຼື ປະມານ 5,5
    ພັນຕື້ກີບ ເຂົ້າໃນການພັດທະນາກໍ່ສ້າງໂຄງການໄລຍະທຳອິດ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.