ປີ 2021 ສ່ວຍສາອາກອນແຂວງອັດຕະປື ໄດ້ຮັບຕົວເລກຈັດເກັບລາຍຮັບ 85 ຕື້ກີບ

    0
    53

    ປີ 2021 ນີ້ຂະແໜງສວຍສາອາກອນ ແຂວງອັດຕະປື ໄດ້ຮັບຕົວເລກການຈັດເກັບລາຍຮັບເຂົ້າງົບປະ ມານ ຈຳນວນ 85 ຕື້ກີບ, ເພີ່ມຂື້ນ 29% ເມື່ອທຽບໃສ່ແຜນດັດແກ້ປີຜ່ານມາ ແລະ ເທົ່າກັບ 2,73% ຂອງ GDP, ໃນນີ້, ຂັ້ນແຂວງສູ້ຊົນເກັບໃຫ້ໄດ້ 74,3 ຕື້ກວ່າກີບ ແລະ ຂັ້ນເມືອງສູ້ຊົນເກັບໃຫ້ໄດ້ 10,6 ຕືກວ່າກີບ.
    ທ່ານ ສຸລິພອນ ຟອງສະໜຸດ ຮອງຫົວໜ້າສ່ວຍສາອາກອນ ປະຈຳແຂວງ ອັດຕະປື ຕໍ່ກອງປະຊຸມສະຫລຸບວຽກງານສ່ວຍສາອາກອນ ປະຈຳແຂວງ ທີ່ຫາກໍ່ສໍາເລັດເມື່ອບໍ່ດົນ

    ມານີ້ວ່າ: ປີ 2021 ເປັນປີທຳອິດຂອງການຈັດຕັ້ງປະຕິບັດ ແຜນພັດທະນາເສດຖະ ກິດ-ສັງຄົມ 5 ປີ ຄັ້ງທີ lX ແລະ ເປັນປີທຳອິດຂອງການປະຕິບັດແຜນພັດທະນາ ຂະແໜງສ່ວຍສາອາກອນໄລຍະ 2021-2025 ບົນຈິດໃຈຄືດັ່ງກ່າວທາງຂະແໜງສ່ວຍສາອາກອນ ປະຈຳ ແຂວງອັດຕະປື ໄດ້ກໍານົດແຜນ ຈະສູ້ຊົນຈັດເກັບລານຮັບເຂົ້າງົບປະມານໃຫ້ໄດ້ຕາມແຜນ ເຊີ່ງລາຍຮັບສ່ວຍໃຫ່ຍແມ່ນຈາກພາສີ-ສ່ວຍສາອາກອນທາງກົງ ມີ 45,9 ຕື້ກວ່າກີບ,ໃນນີ້,ມີລາຍຮັບອາກອນກຳໄລ 11,8 ຕື້ກວ່າກີບ,

    ອາກອນລາຍໄດ້ 16,5 ຕື້ກວ່າກີບ, ອາກອນມອບເໜົາ 2,2 ຕື້ກວ່າກີບ, ຄ່າທຳນຽມທາງ 1,1 ຕື້ກີບ, ຄ່າທຳນຽມອື່ນໆ 2,3 ຕື້ກວ່າກີບ, ພ້ອມນັ້ນ ຍັງມີລາຍຮັບຄ່າບໍລິ ການ 9,5 ຕື້ກີບ, ຈາກທີ່ດິນ 2,2 ຕື້ກວ່າກີບ; ສ່ວນລາຮັບຈາກພາສີ-ສ່ວຍສາອາກອນທາງອອ້ມ ມີ 39 ຕື້ກວ່າກີບ,ມີອາກອນມູນຄ່າເພີ່ມ 36,3 ຕື້ກວ່າກີບ, ອາກອນຊົມໃຊ້ 2,7 ຕື້ກວ່າກີບ.ທ່ານ ສຸລິພອນ ຟອງສະໜຸດ ຍັງໃຫ້ຮູ້ອີກວ່າ: ການສ້າງແຜນລາຍຮັບໃນປີ 2021 ແມ່ນໄດ້ຮັບການມອບໜາຍບົນຈິດໃຈບຸກທະລູ ແລະ

    ການເພີ່ມທະວີຍົກສູງບົດບາດ, ຄວາມຮັບຜິດຊອບໃຫ້ຫລາຍຂື້ນ ເປັນຕົ້ນ: ຕ້ອງຮັບປະ ກັນການເກັບລາຍຮັບ ໃຫ້ມີຜົນສຳເລັດຕາມຕົວເລກຄາດໜາຍກໍານົດໄວ້ໃນແຕ່ລະດ້ານ, ເພີ່ມທະວີການໂຄສະນາ, ເຜີຍແຜ່ບັນດານິຕິກຳ ກ່ຽວກັບວຽກງານສ່ວຍສາອາກອນໃຫ້ກ້ວາງຂວາງທົ່ວສັງຄົມຮັບຊາບ ແລະ ສ້າງຄວາມເຂັ້ມແຂງໃຫ້ພະນັກງານຮອບດ້ານ ນັບແຕ່ຂັ້ນແຂວງຈົນຮອດຂັ້ນເມືອງ, ປັບປຸງກົງຈັກການຈັດຕັ້ງ ແລະ ບຸກຄະລາກອນໃຫ້ຖືກຕ້ອງ,ສອດຄ່ອງກັບພາລະບົດບາດຂອງກົມສ່ວຍສາອາກອນໄດ້ວາງອອກ, ປັບປຸງກົນໄກການຄຸ້ມຄອງລາຍຮັບສ່ວຍສາອາກອນ ໃຫ້ມີປະສິດພາບກ່ວາເກົ່າ ດ້ວຍການຫັນການຄຸ້ມຄອງວຽກງານເກັບລາຮັບສ່ວຍສາອາກອນໄປສູ່ລະບົບທັນສະໄໜ.

    ຂ່າວ: ວັດທະນາ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.