ເຈົ້າແຂວງໄຊສົມບູນ ເຄື່ອນໄຫວຢ້ຽມຢາມ ແລະ ຊຸກຍູ້ 4 ໂຄງການກໍ່ສ້າງ ຢູ່ເມືອງລ້ອງແຈ້ງ

    0
    91

    ເຈົ້າແຂວງໄຊສົມບູນ ເຄື່ອນໄຫວຢ້ຽມຢາມ ແລະ ຊຸກຍູ້ 4 ໂຄງການກໍ່ສ້າງ ຢູ່ເມືອງລ້ອງແຈ້ງ ໃນໂອກາດ ທີ່ທ່ານ ພົຕ ຄໍາລຽງ ອຸທະໄກສອນ ເຈົ້າແຂວງໄຊສົມບູນ ພ້ອມດ້ວຍຄະນະ ລົງຕິດຕາມ-ຊຸກຍູ້ ວຽກງານເລືອກຕັ້ງສະມາຊິກສະພາແຫ່ງຊາດ ຊຸດທີ IX ແລະ ສະພາປະຊາຊົນ ແຂວງໄຊສົມບູນ ຊຸດທີ II ຢູ່ເມືອງລ້ອງແຈ້ງ ລະຫວ່າງວັນທີ 18-19 ກຸມພາ 2021 ນີ້, ທ່ານໄດ້ໄປຢ້ຽມຢາມ ແລະ ຊຸກຍູ້ບັນດາໂຄງການກໍ່ສ້າງ ຄື ໂຄງການກໍ່ສ້າງລະບົບນໍ້າປະປາ ພາຍໃນເທສະບານເມືອງ, ໂຄງການກໍ່ສ້າງຕຶກ

    ອາຄານຫ້ອງວ່າການເມືອງ, ໂຄງການກໍ່ສ້າງເສັ້ນທາງເຂົ້າຫາບ້ານໜອງພູນໄຊ ແລະ ໂຄງການກໍ່ສ້າງເສັ້ນທາງປູຢາງສອງຊັ້ນແຕ່ຂົວນໍ້າຍອນ ເມືອງອະນຸວົງ ຫາ ເຂດເມືອງວັງວຽງ ແຂວງວຽງຈັນ (ເຂດບ້ານນາມອນ), ໂດຍການນໍາພາຂອງ ທ່ານ ອິນຕອງ ໂຄດປັນຍາ ເຈົ້າເມືອງລ້ອງແຈ້ງ ແລະ ພາກສ່ວນກ່ຽວຂ້ອງ ເຂົ້າຮ່ວມ.ໂອກາດນີ້, ທ່ານເຈົ້າແຂວງ ພ້ອມດ້ວຍຄະນະ ໄດ້ຮັບຟັງລາຍງານການຈັດຕັ້ງປະຕິ ບັດບັນດາໜ້າວຽກ ຂອງແຕ່ລະໂຄງການ ໂດຍສະເພາະບັນຫາຕ່າງໆທີ່ເຮັດໃຫ້ການກໍ່ສ້າງມີຄວາມຫຍຸ້ງຍາກ

    ແລະ ຊັກຊ້າ. ຈາກນັ້ນ ທ່ານກໍໄດ້ຊີ້ນໍາໃຫ້ພາກສ່ວນກ່ຽວຂ້ອງ ກໍຄື ເຈົ້າຂອງໂຄງການ ແລະ ບໍລິສັດຮັບເໝົາກໍ່ສ້າງ ຈົ່ງເອົາໃຈໃສ່ສືບຕໍ່ຈັດຕັ້ງປະຕິບັດບັນດາໜ້າວຽກຕ່າງໆຂອງແຕ່ລະໂຄງການ ໂດຍມອບໃຫ້ພະແນກໂຍທາທິການ ແລະ ຂົນສົ່ງແຂວງ ສົມທົບກັບ ຫ້ອງການໂຍທາທິການ ແລະ ຂົນສົ່ງ ເມືອງລ້ອງແຈ້ງ ປະສານຫາບໍລິສັດຮັບເໝົາກໍ່ສ້າງໂຄງການນໍ້າປະປາ ໃຫ້ມາສະເໜີໂຕ ແລະ ລາຍງານບັນດາໜ້າວຽກທີ່ໄດ້ດໍາເນີນໃນໄລຍະຜ່ານມາ, ພ້ອມທັງຊອກຫາ ບໍລິສັດທີ່ມີຄວາມຄວາມສາມາດ ແລະ ປະສົບການ

    ທາງດ້ານວຽກງານດັ່ງກ່າວ ເພື່ອມາຮັບເໝົາກໍ່ສ້າງຕໍ່ໃຫ້ສໍາເລັດ.ສໍາລັບໂຄງການກໍ່ສ້າງຕຶກອາຄານ ຫ້ອງວ່າການເມືອງລ້ອງແຈ້ງ ແມ່ນໃຫ້ບໍລິສັດເພີ່ມກໍາມະກອນຕື່ມ ເພື່ອໃຫ້ສໍາເລັດໜ້າວຽກຕັດຫລັງຄາກ່ອນລະດຸຝົນ, ສ່ວນໂຄງການກໍ່ ສ້າງເສັ້ນທາງເຂົ້າຫາບ້ານໜອງພູນໄຊ ແລະ ເສັ້ນທາງປູຢາງສອງຊັ້ນ ແຕ່ຂົວນໍ້າຍອນ ເມືອງອະນຸວົງ ຫາ ເມືອງວັງວຽງ ແຂວງວຽງຈັນ ກໍຕ້ອງເອົາໃຈໃສ່ຈັດຕັ້ງປະຕິບັດໃຫ້ສໍາເລັດວຽກໜ້າດິນຕັດກ່ອນລະດູຝົນເຊັ່ນກັນ. ຈາກນັ້ນ, ທ່ານເຈົ້າແຂວງ ພ້ອມດ້ວຍຄະນະ ຍັງໄດ້ຖືໂອກາດດັ່ງກ່າວ ລົງຢ້ຽມຢາມສູນກະສິກໍາ ປະຈໍາບ້ານໜອງພູນໄຊ ນໍາອີກ.

    ຂ່າວ: ພາພອນ ນະວົງໄຊ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.