ໄບເດັນ ອະນຸມັດງົບ 4.000 ລ້ານໂດລາ ສະໜັບສະໜູນ COVAX ຊ່ວຍປະເທດທຸກຍາກເຂົ້າເຖິງວັກຊີນໂຄວິດ

    0
    137

    ໂຈ ໄບເດັນ ອະນຸມັດໃຫ້ລັດຖະບານອາເມລິກາບໍລິຈາກເງິນ 4.000 ລ້ານໂດລາສະຫະລັດ ສະໜັບສະໜູນໂຄງການ Covax ຊ່ວຍໃຫ້ປະເທດທຸກຍາກເຂົ້າເຖິງວັກຊີນໂຄວິດ-19.ວັນທີ 19 ກຸມພາ 2021, ສຳນັກຂ່າວຣອຍເຕີລາຍງານວ່າ: ທ່ານ ໂຈ ໄບເດັນ ປະທານາທິບໍດີອາເມລິກາ ກຽມອະນຸມັດງົບປະມານ 4.000 ລ້ານໂດລາສະຫະລັດ ເພື່ອສະໜັບສະໜູນໂຄງການ COVAX ເຊິ່ງເປັນໂຄງການປະສານງານທີ່ນຳໂດຍອົງການອະນາໄມໂລກ (WHO) ເພື່ອແຈກຢາຍວັກຊີນໂຄວິດ-19 ໃຫ້ທົ່ວເຖິງທຸກປະເທດ

    ທົ່ວໂລກ.ເຈົ້າໜ້າທີ່ທຳນຽບຂາວເປີດເຜີຍວ່າ: ລັດຖະບານອາເມລິກາຈະສົ່ງມອບເງິນບໍລິຈາກຈຳນວນທຳອິດໃຫ້ໂຄງການ Covax ຈຳນວນ 2.000 ລ້ານໂດລາສະຫະລັດ ໃນກອງປະຊຸມກຸ່ມປະເທດອຸດສາຫະກຳຊັ້ນນຳ 7 ປະເທດ ຫລື G7, ສ່ວນເງິນບໍລິຈາກອີກເຄິ່ງໜຶ່ງ ຈະທະຍອຍຈ່າຍພາຍໃນເວລາ 2 ປີຕໍ່ໜ້າ.ທ່າທີຂອງປະທານາທິບໍດີ ໄບເດັນ ຖືກເບິ່ງວ່າເປັນການກັບທ່າທີຈາກລັດຖະບານຊຸດກ່ອນ ເຊິ່ງນຳໂດຍອະດີດປະທານາທິບໍດີ ໂດນັລ ທຣຳ ທີ່ເຄີຍຖອນຕົວຈາກການເປັນສະມາຊິກອົງການອະນາໄມໂລກ ເນື່ອງ

    ຈາກເບິ່ງວ່າອົງການອະນາໄມໂລກ ມີທ່າທີເຂົ້າຂ້າງລັດຖະບານຈີນຫລາຍເກີນໄປ.ສຳລັບໂຄງການ Covax ມີເປົ້າໝາຍກະຈາຍວັກຊີນໂຄວິດ-19 ໃຫ້ທົ່ວເຖິງປະຊາກອນທົ່ວໂລກ ໂດຍມີເປົ້າໝາຍຈັດຫາວັກຊີນໃຫ້ໄດ້ຢ່າງໜ້ອຍ 2.000 ລ້ານໂດສ ພາຍໃນປີນີ້ ເຊິ່ງຈະຄວບຄຸມປະຊາກອນກຸ່ມບອບບາງໃນປະເທດທຸກຍາກ ແລະ ກຳລັງພັດທະນາປະມານ

    20%.ເຖິງຢ່າງໃດກໍຕາມ, ໂຄງການ Covax ຍອມຮັບວ່າ: ຈົນຮອດປັດຈຸບັນ ຍັງບໍ່ໄດ້ຮັບແຮງສະໜັບສະໜູນທີ່ພຽງພໍຈາກລັດຖະບານຕ່າງໆ ໂດຍສະເພາະປະເທດຮັ່ງມີ ເຊິ່ງອາໄສການສັ່ງຈອງວັກຊີນຈາກບໍລິສັດຜູ້ພັດທະນາໂດຍກົງ ແລະ ມີທ່າອ່ຽງກັກຕຸນວັກຊີນ ຈົນເຮັດໃຫ້ວັກຊີນບໍ່ພຽງພໍ ສອດຄ່ອງກັບຫລາຍໜ່ວຍງານທີ່ສະແດງຄວາມກັງວົນກ່ອນໜ້ານີ້ວ່າ: ປະຊາກອນໃນໃນປະເທດທຸກຍາກຈຳນວນຫລາຍອາດເຂົ້າບໍ່ເຖິງວັກຊີນໂຄວິດ-19 ເຊິ່ງຈະເປັນອຸປະສັກຕໍ່ການຢັບຢັ້ງການລະບາດໃນລະດັບໂລກ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.