ຊົມເຊີຍ ປະຊາຊົນບ້ານຜັກຂະຫຍ່າ ຮ່ວມໃຈປູທາງເບຕົງຜ່ານບ້ານ ດ້ວຍເງິນລວມຂອງບ້ານ ແລະ ການປະກອບສ່ວນຈາກສັງຄົມ

    0
    97

    ຊົມເຊີຍປະຊາຊົນບ້ານຜັກຂະຫຍ່າ ຮ່ວມໃຈປູທາງເບຕົງຜ່ານບ້ານ ດ້ວຍເງິນລວມຂອງບ້ານ ແລະ ການປະກອບສ່ວນຈາກສັງຄົມ, ລູກຫຼານຊາວບ້ານທີ່ອາໄສຢູ່ທ້ອງຖິ່ນອື່ນ

    ປະກອບສ່ວນ ມູນຄ່າ 300 ກວ່າລ້ານກີບການກໍ່ສ້າງເສັ້ນທາງເບຕົງເສີມເຫັຼກຜ່ານບ້ານຜັກຂະຍ່າ, ເມືອງອາດສະພອນ,​ ແຂວງສະຫວັນນະເຂດ ຈັດຂຶ້ນໃນວັນທີ 15 ກຸມພາ 2021ນີ້ຜ່ານມາ. ທ່ານ ທອງສະໝຸດ ລືນາມມະຈັກ ຫົວໝ້າບໍລິສັດທີ່ປຶກສາດ້ານພະລັງງານນໍ້ານະຄອນຫຼວງວຽງຈັນ ຈຳກັດ ທັງເປັນຜູ້ອອກແບບການກໍ່ສ້າງເສັ້ນທາງດັ່ງ

    ກ່າວ ໃຫ້ຮູ້ວ່າ: ການກໍ່ສ້າງເສັ້ນທາງເບຕົງເສີມເຫຼັກໃນຄັ້ງນີ້ ແມ່ນໄດ້ກຳນົດເອົາຄວາມຍາວ 630 ແມັດ, ກ້ວາງ 5’ແມັດ, ໜາ 15 ຫາ 18 ຊັງຕີແມັດ, ສາມາດຮັບ

    ນໍ້າໜັກໄດ້ 12 ໂຕນ ໃຊ້ງົບປະມານກໍ່ສ້າງເບື້ອງຕົ້ນ 300 ກວ່າລ້ານກີບ ທີ່ໄດ້ຈາກເງິນລວມຂອງບ້ານ ແລະ ສ່ວນໜຶ່ງແມ່ນການປະກອບສ່ວນຈາກສັງຄົມ, ລູກຫຼານຊາວ

    ບ້ານຜັກຂະຍ່າທີ່ອາໄສຢູ່ທ້ອງຖິ່ນອື່ນມາປະກອບສ່ວນຊ່ວຍການພັດທະນາບ້ານເກີດເມືອງນອນຂອງຕົນ.​ ສ່ວນແຮງງານໃນການກໍ່ສ້າງຄັ້ງນີ້ ແມ່ນນຳໃຊ້ແຮງງານຂອງປະຊາຊົນ

    ຊາວບ້ານສາມັກຄີກັນກໍ່ສ້າງ, ໂດຍຄິດໄລ່ຄ່າຕອບແທນແບບລາຍວັນ, ຄິດໄລ່ຕໍ່າສຸດ 50 ພັນກີບຕໍ່ມື້ ເພື່ອສົ່ງເສີມໃຫ້ຜູ້ວ່າງງານໃນບ້ານມີວຽກເຮັດງານທຳສ້າງລາຍຮັບແກ່

    ຄອບຄົວ.​ໃນຕອນທ້າຍ ທ່ານ ນາງບຸນທະລັງສີ ຄຳມະນີວົງ ເຈົ້າເມືອງອາດສະພອນ ໄດ້ກ່າວຄຳຍ້ອງຍໍຊົມເຊີຍຄວາມສາມັກຄີອັນເປັນປຶກແຜ່ນຮ່ວມກັນອອກທຶນຮອນສຸມເຫື່ອແຮງຮ່ວມກັນສ້າງສາພັດທະນາສ້າງສາບ້ານເກີດເມືອງນອນຂອງຕົນ.

    ຂໍ້ມູນຂ່າວ: ຫ້ອງການ ຖວທ ເມືອງອາດສະພາບ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.