ຂ່າວດ່ວນ ສັ່ງໂຈະການຊື້ລົດໃໝ່ແກ່ການນໍາແຂວງອັດຕະປືແລ້ວ

    0
    199

    ຂ່າວດ່ວນ! ສັ່ງໂຈະການຊື້ລົດໃໝ່ແກ່ການນໍາແຂວງອັດຕະປືແລ້ວ ຄະນະປະຈຳພັກແຂວງອັດຕະປື ມີມະຕິສັ່ງໂຈະແຜນຊື້ລົດປາໂດ ແລະ ຟໍຈູນເນີ ຈຳນວນ 30 ຄັນແລ້ວ.

    ຄະນະປະຈໍາພັກແຂວງ, ພັກປະຊາຊົນປະຕິວັດລາວ ອອກມະຕິຕົກລົງ ເລກທີ 68/ດປພຂ, ອັດຕະປື, ວັນທີ 19 ກຸມພາ 2021 ວ່າດ້ວຍ: ການໂຈະແຜນຈັດຊື້ພາຫະນະ ເພື່ອປະກອບໃຫ້ຄະນະບໍລິຫານງານພັກແຂວງ ສະໄໝທີ XI ຕາມຂໍ້ຕົກລົງຂອງເຈົ້າແຂວງ ສະບັບເລກທີ 119/ຈຂ.ອປ, ລົງວັນທີ 22 ມັງກອນ 2021.

    ອີງຕາມ ຂໍ້ຕົກລົງຂອງເຈົ້າແຂວງ ສະບັບເລກທີ 119/ຈຂ.ອປ, ລົງວັນທີ 22 ມັງກອນ 2021 ວ່າດ້ວຍການ ອະນຸມັດໃຫ້ບໍລິສັດໄຊຊະນະບໍລິການບໍ່ແຮ່ ຈໍາກັດ ຈັດຊື້ພາຫະນະ ເພື່ອປະກອບໃຫ້ຄະນະບໍລິຫານງານພັກແຂວງ ສະໄໝທີ XI, ອີງຕາມ ການຕົກລົງເຫັນດີເປັນເອກະພາບຂອງກອງປະຊຸມຄະນະປະຈຳພັກແຂວງ ຄັ້ງວັນທີ 19 ກຸມພາ 2021 ຄະນະປະຈຳພັກແຂວງ ຕົກລົງ:

    ມາດຕາ 1: ເຫັນດີໃຫ້ໂຈະແຜນຈັດຊື້ພາຫະນະ ຈຳນວນ 30 ຄັນ ໃນນີ້; ມີລົດປາໂດ 8 ຄັນ ແລະ ລົດຈູນເນີ 22 ກັນ ຕາມຂໍ້ຕົກລົງຂອງເຈົ້າແຂວງ ສະບັບເລກທີ 119/ຈຂ.ອປ ລົງວັນທີ 22 ມັງກອນ 2021 ລໍຖ້າຈົນກວ່າຈະມີທິດຊີ້ນຳ ແລະ ການຕົກລົງຂອງລັດຖະບານ.

    ມາດຕາ 2: ມອບໃຫ້ຫ້ອງວ່າການແຂວງ ປະສານສົມທົບກັບຄະນະຈັດຊື້ ແຈ້ງໃຫ້ບໍລິສັດໄຊຊະນະບໍລິການ ຮັບຮູ້ ແລະ ພ້ອມກັນຈັດຕັ້ງປະຕິບັດຕາມມະຕິຕົກລົງສະບັບນີ້ຢ່າງເຂັ້ມງວດ.ມາດຕາ 3: ມະຕິຕົກລົງສະບັບນີ້ມີຜົນສັກສິດນັບແຕ່ວັນລົງລາຍເຊັ່ນເປັ້ນຕົ້ນໄປ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.