ຕົ້ນປີ 2021 ມີຄົນລັກລອບເຂົ້າແຂວງໄຊຍະບູລີ 245 ຄົນ

    0
    125

    ແຂວງໄຊຍະບູລີ ໄດ້ຈັດກອງປະຊຸມຖອດຖອນບົດຮຽນກ່ຽວກັບການຈັດຕັ້ງປະຕິບັດ ການ ປ້ອງກັນ, ຄວບຄຸມ ແລະ ໂຕ້ຕອບການລະບາດຂອງພະຍາດໂຄວິດ ຂຶ້ນໃນວັນທີ 16 ກຸມພາ ຜ່ານມານີ້ ທີ່ຫ້ອງວ່າການແຂວງ ໂດຍໃຫ້ກຽດເຂົ້າຮ່ວມຂອງທ່ານ ເພັດພິໄຊ ສູນວິໄລ ຮອງເຈົ້າ ແຂວງໄຊຍະບູລີ, ມີຄະນະສະເພາະກິດ ປ້ອງກັນ, ຄວບຄຸມ

    ແລະ ແກ້ໄຂການລະບາດຂອງພະຍາດ ໂຄວິດ ຂັ້ນແຂວງເຂົ້າຮ່ວມ.ໃນກອງປະຊຸມ ທ່ານນາງ ໄກຍະສອນ ສີດາ ຫົວໜ້າພະແນກສາທາລະນະສຸກແຂວງ ໄດ້ຂຶ້ນ ຜ່ານບົດສະຫຼຸບຜົນການຈັດຕັ້ງປະຕິບັດປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ ໂຄວິດ ຮອບໃໝ່ ຊຶ່ງທ່ານໄດ້ກ່າວວ່າ: ແຕ່ວັນທີ 1 ມັງກອນ ຫາ 12 ກຸມພາ 2021 ນີ້, ມີຄົນ ເຂົ້າເມືອງຜ່ານດ່ານຕ່າງໆພາຍໃນແຂວງທີ່ຖືກຕ້ອງມີທັງໝົດ 5.623 ຄົນ ຍິງ 327 ຄົນ. ໃນນີ້, ຄົນລາວ 1.226 ຄົນ ຍິງ 63 ຄົນ, ຄົນໄທ


    ພາບປະກອບ

    4.397 ຄົນ ຍິງ 264 ຄົນ, ທັງໝົດແມ່ນໄດ້ເກັບຕົວ ຢ່າງສົ່ງສູນວິໄຈຊອກຫາເຊື້ອ ແລະ ໄດ້ເຂົ້າສູນກັກຕົວທັງໝົດປັດຈຸບັນທົ່ວແຂວງໄຊຍະບູລີ ມີສູນກັກກັນບໍລິເວນທັງໝົດ 2 ແຫ່ງ, ກັກຢູ່ຫ້ອງການກຸ່ມບ້ານ 3 ແຫ່ງ, ຢູ່ໂຮງແຮມ-ບ້ານພັກ 39 ແຫ່ງ, ຈໍານວນແຮງງານເຂົ້າສູນຈໍາກັດບໍລິເວນ 1.146 ຄົນ, ໃນນີ້ແຮງງານໄທ 896


    ພາບປະກອບ

    ຄົນ, ແຮງ ງານລາວ 250 ຄົນ, ແຮງງານລາວທີ່ມາແຕ່ແຂວງບໍ່ແກ້ວ 8 ຄົນ. ຈາກນັ້ນ, ກອງປະຊຸມຜູ້ເຂົ້າ ຮ່ວມກໍໄດ້ມີການປະກອບຄໍາຄິດ-ຄໍາເຫັນ ແລະ ຮ່ວມກັນວາງແຜນການໃນຕໍ່ໜ້າ ເພື່ອຮັບມືກັບ ແຮງງານທີ່ຈະເຂົ້າມາແຂວງ ທີ່ຖືກຕ້ອງ ແລະ ບໍ່ຖືກຕ້ອງຜ່ານຊ່ອງທາງຕ່າງໆ, ທັງນີ້ກໍເພື່ອ ເປັນການປ້ອງກັນບໍ່ໃຫ້ມີພະຍາດ ໂຄວິດ ເຂົ້າມາລະບາດຢູ່ແຂວງໄຊຍະບູລີ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.