ກຽມພ້ອມຮອບດ້ານການເລືອກຕັ້ງ ສສຊ, ສສຂ ຜູ້ມີສິດປ່ອນບັດທົ່ວປະເທດ ມີ 4.2 ລ້ານກວ່າຄົນ

    0
    83

    ກຽມພ້ອມຮອບດ້ານການເລືອກຕັ້ງ ສສຊ, ສສຂ, ຜູ້ມີສິດປ່ອນບັດທົ່ວປະເທດ ມີ 4,2 ລ້ານກວ່າຄົນ ທ່ານ ປອ. ສົມພູ ດວງສະຫວັນ, ຄະນະປະຈໍາສະພາແຫ່ງຊາດ, ກໍາມະການອະນຸກໍາມະການເລຂານຸການ, ໂຄສົກຂອງຄະນະກໍາມະການເລືອກຕັ້ງລະດັບຊາດ ຖະແຫຼງຂ່າວຕໍ່ສື່ມວນຊົນກ່ຽວກັບການກະກຽມຄວາມພ້ອມໃນການດຳເນີນການເລືອກຕັ້ງສະມາຊິກສະພາແຫ່ງຊາດ (ສສຊ) ຊຸດທີ IX ແລະ ສະມາຊິກສະພາປະຊາຊົນແຂວງ (ສສຂ), ນະຄອນຫຼວງ ຊຸດທີ II ໃນທົ່ວປະເທດ ໃນຕອນບ່າຍວັນທີ 18

    ກຸມພາ 2021 ນີ້ວ່າ:ການເລືອກຕັ້ງ ສສຊ ຊຸດທີ IX ແລະ ສສຂ ຊຸດທີ II ຈະຈັດຂຶ້ນໃນວັນອາທິດ, ວັນທີ 21 ກຸມພາ 2021 ນີ້, ມາຮອດປັດຈຸບັນ ການກະກຽມ
    ໃຫ້ແກ່ການເລືອກຕັ້ງ ແມ່ນໄດ້ດຳເນີນມາດ້ວຍຄວາມຮັບຜິດຊອບການເມືອງ, ຄວາມເປັນເຈົ້າການ ແລະ ເຕັມໄປດ້ວຍບັນຍາກາດອັນຟົດຟື້ນຂອງທົ່ວພັກ-ລັດ, ທົ່ວປວງຊົນລາວໃນຂອບເຂດທົ່ວປະເທດ ແລະ ມີຄວາມພ້ອມຢ່າງຮອບດ້ານ, ຂໍຮຽກຮ້ອງ ແລະ ເຊີນຊວນມາຍັງພີ່ນ້ອງປະຊາຊົນລາວບັນດາເຜົ່າ ໂດຍສະເພາະຜູ້ມີສິດປ່ອນບັດເລືອກ

    ຕັ້ງແຕ່ລະເຂດ ຈົ່ງໄດ້ເຊີດຊູນໍ້າໃຈຮັກຊາດ, ນໍາໃຊ້ສິດປະຊາທິປະໄຕ ແລະ ປະຕິບັດພັນທະຂອງຕົນໄປປ່ອນບັດເລືອກຕັ້ງເອົາບຸກຄົນທີ່ມີມາດຖານເງື່ອນໄຂຄົບຖ້ວນເພື່ອເປັນຕົວແທນປະຕິບັດສິດ ແລະ ອຳນາດຂອງປະຊາຊົນລາວບັນດາເຜົ່າ ຢູ່ໃນສະພາແຫ່ງຊາດ ແລະ ສະພາປະຊາຊົນແຂວງ.ຄະນະກຳມະການເລືອກຕັ້ງລະດັບຊາດໄດ້ຄົ້ນຄວ້າ,
    ກວດກາ, ພິຈາລະນາ ແລະ ຕົກລົງຮັບຮອງເອົາຜູ້ອອກສະໝັກຮັບເລືອກຕັ້ງ ແລະ ປະກາດຈຳນວນລາຍຊື່ ແລະ ຄຸນລັກສະນະຂອງຜູ້ອອກສະໝັກຮັບເລືອກຕັ້ງໂດຍມີຜູ້

    ສະໝັກເປັນ ສສຊ ມີ 224 ທ່ານ, ຍິງ 49 ທ່ານ ເລືອກເອົາ 164 ທ່ານ ແລະ ສສຂ ມີ 789 ທ່ານ, ຍິງ 227 ທ່ານ ເລືອກເອົາ 492 ທ່ານ.​ການເລືອກຕັ້ງຄັ້ງນີ້ມີຈໍານວນຜູ້ມີສິດປ່ອນບັດເລືອກຕັ້ງແຕ່ລະເຂດເລືອກຕັ້ງໃນທົ່ວປະເທດ ທັງໝົດ 4.279.243 ຄົນ, ຍິງ 2.128.167 ຄົນ, ມີໜ່ວຍປ່ອນບັດເລືອກຕັ້ງ ທັງໝົດ 7.217

    ໜ່ວຍ ໃນທົ່ວປະເທດ; ໃນນີ້ມີ 40 ໜ່ວຍເລືອກຕັ້ງທີ່ປະຈໍາຢູ່ຕ່າງປະເທດ ຊຶ່ງມີພົນລະເມືອງລາວຜູ້ມີສິດປ່ອນບັດເລືອກຕັ້ງທັງໝົດ 13.404 ຄົນ ແລະ ຍິງ 5.493
    ຄົນ.ທ່ານ ປອ. ສົມພູ ດວງສະຫວັນ ກ່າວຕື່ມວ່າ: ເພື່ອເຮັດໃຫ້ບັ້ນເລືອກຕັ້ງທົ່ວປະເທດທີ່ຈະດໍາເນີນຂຶ້ນໃນວັນອາທິດ, ວັນທີ 21 ກຸມພາ 2021 ນີ້ ໃຫ້ກາຍເປັນປາງບຸນ

    ໃຫຍ່ຂອງຊາດ, ດໍາເນີນໄປດ້ວຍບັນຍາກາດມ່ວນຊຶື່ນ, ມີປະຊາທິປະໄຕ, ຖຶືກຕ້ອງຕາມກົດໝາຍ, ປະຫຍັດ ແລະ ປະຕິບັດໃຫ້ໄດ້ 3 ຄາດໝາຍຄື: 1) ຜູ້ມີສິດປ່ອນບັດເລືອກ ຕື່ນຕົວສະໝັກໃຈ ໄປໃຊ້ສິດເລືອກຕັ້ງໃຫ້ໄດ້ຮ້ອຍສ່ວນຮ້ອຍ; 2) ຮັບປະກັນບໍ່ໃຫ້ມີບັດຕາຍ ຮ້ອຍສ່ວນຮ້ອຍ ແລະ 3) ແຕ່ລະໜ່ວຍປ່ອນບັດ ແລະ ເຂດເລືອກຕັ້ງ ຕ້ອງຮັບປະກັນໃຫ້ມີຄວາມສະຫງົບປອດໄພ ໃນວັນເລືອກຕັ້ງຮ້ອຍສ່ວນຮ້ອຍ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.