ກິເນ ປະກາດການແຜ່ລະບາດຄັ້ງໃໝ່ຂອງພະຍາດອີໂບລາ

    0
    115

    ສຳນັກ​ຂ່າວ​ ຕ່າງປະ​ເທດ ລາຍ​ງານ​ຈາກ​ ນະຄອນຫລວງ ​ໂກ​ນາກຼີ ຂອງ​ປະ​ເທດ ກີ​ເນ ​ເມື່ອ​ວັນ​ທີ 15 ກຸມພາ​ວ່າ: ກະຊວງ​ສາທາ ລະນະ​ສຸກ​ຂອງ ກິ​ເນ ອອກ​ຖະ​ແຫ​ລງການ ​ປະກາດ​ ການ​ແຜ່​ລະບາດ ​ຄັ້ງ​ໃໝ່​ໃນ​ປະ​ເທດ​ຂອງ ​ເຊື້ອ​ພະຍາດ ອີ​ໂບລາ ຢູ່​ເມືອງ ກູ​ເອ​ເຄ ​ໃນ​ແຂວງ ​ເອັນ​ເຊ​ເຣກໍ​ເຣ ທາງ​ພາກ​ໃຕ້​ ຂອງ​ປະ​ເທດ ຫລັງ​ຈາກ​ພົບ​ຜູ້​ເສຍ​ຊີວິດ

    ຢ່າງ​ໜ້ອຍ 3 ຄົນ ​ແລະ ຜູ້​ຕິດ​ເຊື້ອ ​ສະ​ສົມ 4 ຄົນ, ພາຍ​ໃນ​ໄລ​ຍະ ​ເວລາ​ພຽງ ​ບໍ່​ເທົ່າ​ໃດ ອາທິດ, ​ໃນ​ໄລຍະ ​ລະຫວ່າງ ທ້າຍ​ເດືອນ ມັງກອນ ​ເຖິງ​ຕົ້ນ​ເດືອນ ກຸມພາ ຂະນະ​ດຽວ​ກັນ ລັດຖະບານ ກິ​ເນ ຮຽກຮ້ອງ​ຄວາມ​ຮ່ວມ​ມື​ ຈາກ​ປະຊາຊົນ ​ໃນ​ການ​ລາຍ​ງານ ​ຜູ້​ຕ້ອງ​ສົງ​ໄສ ຈາກ​ພະຍາດ ອີ​ໂບລາ ​ແລະ ຜູ້​ທີ່​ຄິດ​ວ່າ ​ຕົນ​ເອງ ​ມີ​ອາການດັ່ງ

    ກ່າວ ​ຮຽກຮ້ອງໃຫ້​ຮີບດ່ວນ ​ເດີນທາງ​ມາ​ພົບ ​ເຈົ້າ​ໜ້າ​ທີ່ ສາທາລະນະ​ສຸກ ພ້ອມ​ທັງ ​ເນັ້ນ​ວ່າ: ລັດຖະບານ ດຳ​ເນີນ​ການ​ດ້ວຍ​ຄວາມ​ຮ່ວມ​ມື ​ເລັ່ງດ່ວນ ຢ່າງ​ສຸດ ​ຄວາມ​ສາມາດ ​ເພື່ອ​ໃຫ້ ການ​ຄວາມ​ຄຸມ ການ​ແຜ່​ລະບາດ​ ຄັ້ງ​ນີ້ ມີ​ປະສິດທິພາບ ຫລາຍ​ທີ່​ສຸດ.ສ່ວນ​ອົງການ ​ອະນາ​ໄມ​ໂລກ(ດັບ​ເບີ​ລຢູ​ເອຊ​ໂອ) ຢືນຢັນ ​ຕິດຕາມ ​ສະຖານະ​ການ ​

    ແຜ່​ລະບາດ ​ຄັ້ງ​ໃໝ່ ຂອງ​ພະຍາດ ອີ​ໂບລາ ​ໃນ​ກິ​ເນ ຢ່າງ​ໃກ້​ຊິດ, ​ໂດຍ​ສົ່ງ​ເຈົ້າ​ໜ້າ​ທີ່ ພາ​ກສະໜາມ​ ຊຸດ​ໃໝ່ ​ເຂົ້າ​ໄປ​ສົມທົບ​ກັບ​ ຊຸດ​ເກົ່າ​ທີ່​ປະຈຳການ​ຢູ່​ແລ້ວ, ນອກ​ນີ້ ດັບ​ເບີ​ລຢູ​ເອຊ​ໂອ ຍັງ​ປະສານ​ງານ ​ຢ່າງ​ຕໍ່​ເນື່ອງ​ກັບ ​ລິ​ເບ​ເຣຍ ​ແລະ ​ເຊຍຣາ​ເລ​ອອນ ຊຶ່ງ​ມີ​ຊາຍ​ແດນ​ຕິດ​ກັບ ກິ​ເນ ​ໃຫ້​ຍົກ​ລະດັບ ການ​ເຝົ້າ​ລະວັງ ພະຍາດ ດັ່ງ​ກ່າວ​ໃນ​ປະ​ເທດ ຂອງ​ຕົນ​ເອງ​ດ້ວຍ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.