ບໍ່ມີຜູ້ຕິດເຊື້ອໄຂ້ຍຸງລາຍເພີ່ມ ແຕ່ໃຫ້ປະຊາຊົນເອົາໃຈໃສ່ ທຳລາຍແຫລ່ງເພາະພັນໜອນນ້ຳຍຸງລາຍ

    0
    86

    ບໍ່ມີຜູ້ຕິດເຊື້ອໄຂ້ຍຸງລາຍເພີ່ມ ແຕ່ໃຫ້ປະຊາຊົນເອົາໃຈໃສ່ ທຳລາຍແຫລ່ງເພາະພັນໜອນນ້ຳຍຸງລາຍ ໃນວັນທີ 15 ກຸມພາ 2021 ຢູ່ກະຊວງສາທາລະນະສຸກ ທ່ານ ນາງ ລັດສະໝີ ວົງຄຳຊາວ ຮອງຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ, ຕາງໜ້າໃຫ້ຄະນະສະ ເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດ

    ຂອງພະຍາດ COVID-19 ໄດ້ລາຍງານໃຫ້ຮູ້ວ່າ: ສຳລັບໄຂ້ຍຸງລາຍ ກໍຂໍການຮ່ວມມືນຳປະຊາຊົນລາວທຸກຄົນ ແລະ ອຳນາດການປົກ ຄອງທຸກຂັ້ນ ສືບຕໍ່ເອົາໃຈໃສ່ກຳຈັດແຫລ່ງເພາະພັນຂອງໜອນນໍ້າຍຸງລາຍ ໂດຍປະຕິບັດ 05 ປໍ ຢ່າງເຂັ້ມງວດ ແລະ ຕໍ່ເນື່ອງ ເພື່ອຫລຸດຜ່ອນໂຕຍຸງທີ່ນຳເຊື້ອພະຍາດໄຂ້ຍຸງລາຍ ຖ້າບໍ່ມີໂຕຍຸງທີ່ເປັນພາ ຫະນຳ

    ເຊື້ອພະຍາດ ປະຊາຊົນກໍ່ບໍ່ມີຄວາມສ່ຽງຕໍ່ການຕິດເຊື້ອ ແລະ ເສຍຊີວິດຍ້ອນພະຍາດໄຂ້ຍຸງລາຍ.ໃນວັນທີ 14 ກຸມພາ 2021 ສປປ ລາວ ບໍ່ມີຜູ້ຕິດເຊື້ອໄຂ້ຍູງລາຍ ແລະ ບໍ່ມີຜູ້ເສຍຊີວິດ ພວກເຮົາໄດ້ສັງລວມນັບແຕ່ວັນທີ 26 ທັນວາ 2020 – 14 ກຸມພາ 2021 ມີຜູ້ຕິດເຊື້ອກໍລະນີສະສົມທັງໝົດ 117 ຄົນ (ມີລາຍງານກໍລະນີ ໃນ 12

    ແຂວງ, ແຂວງທີ່ມີການລາຍງານຫລາຍກວ່າໝູ່ແມ່ນ ນະຄອນຫລວງວຽງຈັນ 31 ຄົນ, ອັດຕະປຶ 30 ຄົນ, ຖັດລົງມາແມ່ນ ຫລວງພະບາງ 15 ຄົນ), ບໍ່ມີຜູ້ເສຍຊີວິດຍ້ອນພະຍາດໄຂ້ຍຸງລາຍ.

    ຂ່າວ: ສຸກສະຫວັດ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.