ສາເຫດຍ້ອນຫຍັງ? ຈິ່ງມີປາກົດການຖິ້ມຂີ້ເຫຍື້ອຊະຊາຍໃນຕົວເມືອງ

    0
    110

    ສະບາຍດີ, ເພື່ອນຜູ້ອ່ານ ທີ່ຮັກແພງ, ຫລາຍທ່ານກໍຈະ ເບື່ອໜ່າຍຕໍ່ປະກົດການລັກຖິ້ມຂີ້ເຫຍື້ອຊະຊາຍຕາມເຂດຊານ ເມືອງ ແລະ ບ່ອນລັບລື້ ໃນຕົວເມືອງຫລວງເຮົາ, ສາເຫດສ່ວນໜຶ່ງແມ່ນຄວາມມັກງ່າຍ ແລະ ຂາດຄວາມຮູ້ດ້ານການສຸຂະສຶກສາ ແລະ ອະນາໄມຂອງຊຸມຊົນຈຳນວນໜຶ່ງ ແລະ ອີກສ່ວນໜຶ່ງແມ່ນລະບົບການເກັບມ້ຽນ

    ຂີ້ເຫຍື້ອຂອງນະຄອນຫລວງເຮົາ ຍັງເຮັດບໍ່ທັນໄດ້ດີ, ຂາດຕິດ, ຂາດຕອນຢາກອອກເກັບເວລາໃດກໍເກັບ ແລະ ບໍ່ຢາກແລ້ວກໍເຊົາ, ບາງບ່ອນອາທິດລະຄັ້ງ ແຕ່ກາຍມື້ກາຍວັນໄປກໍມີ, ເຮັດໃຫ້ຜູ້ເປັນເຈົ້າຂອງຂີ້ເຫຍື້ອລຳຄານເລີຍເອົາໄປຖິ້ມຕາມໃຈໃຫ້ຫວິດມືແລ້ວກໍພໍ, ໂດຍບໍ່ຄຳນຶງເຖິງຜົນກະທົບຕໍ່ສະພາບແວດລ້ອມ ແລະ ສັງຄົມແຕ່ປະການ

    ໃດ.ໃນຈຸດນີ້ຜູ້ເຮັດວຽກຄຸ້ມຄອງ ແລະ ບໍລິການຕົວເມືອງ ຈະຕ້ອງໄດ້ອອກແຮງຄວບຄຸມໃຫ້ດີ, ໂດຍສະເພາະການເຮັດ ວຽກໂຄສະນາສ້າງຈິດສຳນຶກໃນການຈັດເກັບຂີ້ເຫຍື້ອຂອງຊຸມຊົນ ແລະ ຄົວເຮືອນ ແລະ ອັນສຳຄັນແມ່ນຕ້ອງຊອກຫາວິທີທາງອອກໃນການລົງທຶນຈັດຊື້ພາຫະນະອຸປະກອນ ແລະ ກຳລັງແຮງງານໃນການຈັດເກັບຂີ້ເຫຍື້ອໃນຕົວ

    ເມືອງ ຫລວງໃຫ້ພຽງພໍ, ຈິ່ງຈະຈຳກັດ ແລະ ປາບຂະບວນລັກລອບຖິ້ມຂີ້ເຫຍື້ອຊະຊາຍນັ້ນລົງໄດ້, ພ້ອມຈະເປັນການຊ່ວຍ ອະນາໄມຕົວເມືອງໃຫ້ມີຄວາມສະອາດຈົບງາມຮັບປະກັນ ຄຳ ຂວັນ 6 ສ ໂດຍສະເພາະ ສ ສະ ອາດ ປາກົດຜົນເປັນຈິງຫລາຍຂຶ້ນ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.