​ງານມະຫະກໍາບຸນຊ້າງປີນີ້ທີ່ແຂວງໄຊຍະບູລີມີຊ້າງເຂົ້າຮ່ວມ 21 ເຊືອກ ເຮັດຕາມປະເພນີ

    0
    176

    ​ງານມະຫະກໍາບຸນຊ້າງປີນີ້ທີ່ແຂວງໄຊຍະບູລີມີຊ້າງເຂົ້າຮ່ວມ 21 ເຊືອກ ເຮັດຕາມປະເພນີ.ງານມະຫະກໍາບຸນຊ້າງ ແຂວງໄຊຍະບູລີ ໄດ້ຈັດຂຶ້ນໃນວັນທີ 13 ກຸມພາ 2021 ນີ້ທີ່ສະໜາມຫຼວງຂອງແຂວງໄຊຍະບູລີ ເຂົ້າຮ່ວມໃນງານຄັ້ງນີ້ມີ ທ່ານ ພົງສະຫວັນ ສິດທະວົງ ເຈົ້າແຂວງໄຊຍະບູລີ ພ້ອມດ້ວຍພັນລະຍາ, ມີການນໍາຂອງແຂວງ-ເມືອງ, ພ້ອມ


    ພາບປະກອບ

    ດ້ວຍພໍ່ແມ່ປະຊາຊົນບັນດາເຜົ່າພາຍໃນແຂວງເຂົ້າຮ່ວມ.ງານມະຫະກໍາບຸນຊ້າງ 2021 ຖືເປັນຄັ້ງທີ 15 ໂດຍງານປີນີ້ ຈັດຂຶ້ນຕາມຮີດຄອງປະເພນີ ມີຊ້າງເຂົ້າຮ່ວມ 21 ເຊືອກ ເພາະວ່າປີນີ້ເປັນປີທີ່ມີຄວາມສ່ຽງສູງ ໂດຍສະເພາະສະພາບການລະບາດຂອງພະຍາດໂຄວິດ-19 ແມ່ນຍັງສືບຕໍ່ຂະຫຍາຍຕົວເປັນວົງກວ້າງ ແລະ ກາຍພັນ ເຊິ່ງມັນເປັນ


    ພາບປະກອບ

    ມະຫັນຕະໄພຕໍ່ມວນມະນຸດໃນທົ່ວໂລກ ແລະ ຍາກທີ່ຈະຢັບຢັ້ງບັນຫາເຊື້ອພະຍາດດັ່ງກ່າວ. ສະນັ້ນ ການຈັດງານມະຫະກໍາບຸນຊ້າງປີ 2021 ນີ້ຈຶ່ງຈັດຂຶ້ນພຽງ 1 ວັນເທົ່ານັ້ນ ເພື່ອເປັນການຄອບເລົ່າ, ຈະບໍ່ໄດ້ຈັດໃຫຍ່ຄືທຸກໆປີຜ່ານມາ ເພື່ອຮັບປະກັນມາດຕະການປ້ອງກັນການລະບາດເຊື້ອພະຍາດໂຄວິດ-19. ຄະນະຮັບຜິດຊອບຈັດງານ ຈຶ່ງໄດ້ກໍານົດ


    ພາບປະກອບ

    ເອົາແຕ່ກິດຈະກໍາທີ່ສໍາຄັນ ແລະ ຈໍາເປັນ ເຊັ່ນ: ຕັກບາດພຣະ 13 ອົງ ເພື່ອອຸທິດບຸນກຸສົນໃຫ້ຊ້າງ, ບາສີສູ່ຂວັນຊ້າງ, ແຮ່ຂະບວນຊ້າງ, ຈັດອາຫານບຸບເຟຊ້າງ ເພື່ອສ້າງເງື່ອນໄຂໃຫ້ຊ້າງມີໂອກາດພົບປະກັນ ແລະ ຂີ່ຊ້າງອ້ອມເມືອງ.ແຂວງໄຊຍະບູລີ ເປັນແຂວງດຽວທີ່ມີປະຊາກອນຊ້າງຫຼາຍກວ່າໝູ່ ຖ້າທຽບໃສ່ແຂວງອື່ນໃນ ສປປ ລາວ ດ້ວຍ


    ພາບປະກອບ

    ເຫດນັ້ນເພື່ອເປັນການອານຸລັກຮັກສາຊ້າງບໍ່ໃຫ້ສູນພັນ ແລະ ທັງເປັນການສືບຕໍ່ປົກປັກຮັກສາວັດທະນະທໍາ ຮີດຄອງປະເພນີອັນດີງາມ ແລະ ວິຖີການດໍາລົງຊີວິດ ຂອງປະຊາຊົນລາວບັນດາເຜົ່າທີ່ຕິດພັນກັບຊ້າງມາແຕ່ອະດີດຕະການໃຫ້ຍືນຍົງຄົງຕົວ ແລະ ຢູ່ກັບປະຊາຊົນລາວເຮົາ, ເວົ້າລວມເວົ້າສະເພາະ ປະຊາຊົນຊາວແຂວງໄຊຍະບູລີ ຈຶ່ງໄດ້ພ້ອມພຽງກັນຈັດງານມະຫະກໍາບຸນຊ້າງນີ້ຂຶ້ນໃນແຕ່ລະປີ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.