ຄົນລາວຫຼາຍຄົນເສຍຫາຍຈາກແອັບ HSBC Wealth ເປັນມູນຄ່າຫລາຍຮ້ອຍລ້ານກີບ

    0
    114

    ວັນທີ 11 ກຸມພາ 2021 ມີຜູ້ໃຊ້ເຟສບຸກໄດ້ໂພສທ່ານໜຶ່ງໄດ້ເຖິງຜົນເສຍຫາຍຈາກແອັບການລົງທຶນທາງອອນລາຍດ້ວຍຂໍ້ຄວາມສັ້ນໆວ່າ ” 12 ລ້ານເສຍລ້າໆຍ້ອນແອັບ HSBC Wealth” ເຊິ່ງແອັບດັ່ງກ່າວທີ່ມີລັກສະນະໂຄສະນາຊວນເຊື່ອວ່າ: “ຫາເງິນອອນລາຍຢູ່ບ້ານຜ່ານໂທລະສັບເຄື່ອງດຽວ, ຫາເງິນແບບງ່າຍໆໂດຍບໍ່ມີຄວາມສ່ຽງ ໂດຍ

    ຝາກ 5.000 ບາດ ເເມ່ນຈະໄດ້ຄ່າຄອມມີຊັນ 70-80 ບາດ ເຊິ່ງບໍລິສັດດັ່ງກ່າວແມ່ນຕັ້ງຢູ່ບ້ານ ໂພນສະອາດ, ເມືອງໄຊເສດຖາ, ນະຄອນຫຼວງວຽງຈັນ”ຜູ້ເສຍຫາຍທ່ານໜຶ່ງໃຫ້ຮູ້ວ່າ: ຍ້ອນເຫັນວ່າແອັບໃຫ້ລາຍໄດ້ດີຈຶ່ງໄດ້ສະໝັກ ແລ້ວເຂົາໃຫ້ກົດສົ່ງງານໂດຍພາຍໃນໜຶ່ງວັນຈະມີ 50 ງານໃຫ້ກົດສົ່ງ ຖ້າຫາກວ່າເຮົາລົງທຶນຫຼາຍແມ່ນຈະໄດ້ເປີເຊັນ

    ຫຼາຍຂຶ້ນ (ຕາມລາຄາຂອງສິນຄ້າ ແລະ ມູນຂອງການລົງທຶນ) ໂດຍໄດ້ຝາກ 500 ບາດ ໄດ້ຄ່າຄອມມີຊັ້ນ 240 ບາດຕໍ່ເດືອນ ໂດຍໄດ້ຮັບເງິນປົກກະຕິ, ຕົກມາຮອດຕົ້ນເດືອນ ທັນວາ 2020 ຂ້າພະເຈົ້າຈຶ່ງໄດ້ລົງທຶນອີກ 70.000 ບາດ ໂດຍໄດ້ ຮັບຄ່າຄອມມິຊັນປະມານ 2.000 ບາດ ຕໍ່ມື້ ແລະ ກໍໄດ້ເປີເຊັນຕາມປົກກະຕິ, ເມື່ອເຫັນແນວ

    ນັ້ນຕົກມາຮອດຊ່ວງ ຕົ້ນເດືອນມັງກອນ 2021 ຈຶ່ງໄດ້ລົງທຶນອີກ 100.000 ບາດ ໂດຍໄດ້ເປີເຊັນປະມານ 3.500 ບາດ ຕໍ່ມື້, ລັກສະນະການໂອນເງິນລົງທຶນແມ່ນຜ່ານບັນຊີທະນາຄານການຄ້າ, ພໍຕົກມາຮອດວັນທີ 9 ກຸມພາ 2021 ແອັບ HSBC WEALTH ໄດ້ແຈ້ງມາວ່າ: ລະບົບໄດ້ມີປັນຫາປິດປັບປຸງຊົ່ວຈົນຮອດວັນທີ 15 ກຸມພາ

    2021 (ລໍຕິດຕາມຕໍ່ໄປ) ໂດຍຈະໃຫ້ເງິນຊົດເຊີຍຄືນ 5 ເປີເຊັນ ນອກຈາກປິດແອັບແລ້ວກໍປິດກຸ່ມສະມາຊິກທັງໝົດ ເຊິ່ງຜູ້ໃຊ້ແອັບທັງໝົດຫລາຍພັນຄົນບໍ່ສາມາດໃຊ້ໄດ້ເລີຍ.ດັ່ງນັ້ນ,​ຈຶ່ງຂໍຝາກເຕືອນເຖິງປະຊາຊົນຜູ້ນຳໃຊ້ສື່ອອນລາຍ ຢ່າຫລົງເຊື່ອການໂຄສະນາຊວນເຊື່ອທີ່ມີລັກສະນະເກີນຈິງ ເອົາລາຍໄດ້ມະຫາສານມາເປັນເຫຍື່ອລໍ້ ແລະ ຝາກເຖິງເຈົ້າໜ້າທີ່ກ່ຽວຂ້ອງນຳໄປພິຈາລະນາໄດ້ແກ້ໄຂບັນຫານີ້ດ້ວຍ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.