ສຸດສະເທືອນໃຈ ຈັບມືກັນຈົນວິນາທີສຸດທ້າຍ ໂຄວິດເອົາຊີວິດຄູ່ຮັກອາຍຸ 91 ປີ

    0
    98

    ​ເປັນ​ຮູບ​ສະ​ເທືອ​ນ​ໃຈ​ຕໍ່​ການ​ຈາກ​ໄປ​ອີກ 2 ຊີວິດ​ຂອງ​ຜົວ​ເມຍ​ຄູ່​ໜຶ່ງ ທີ່​ຕິດ​ເຊື້ອ​ໂຄ​ວິດ-19 ຈັບ​ມື​ກັນ​ກ່ອນ​ຈະ​ສິ້ນລົມ​ຫາຍ​ໃຈ.ສຳນັກ​ຂ່າວ​ເດ​ລີ ​ເມລ ລາຍ​ງານ​ວ່າ: ມາ​ກາ​ເຣັດ ​ແລະ ​ເດ​ເຣັກ ຟິດ ອາຍຸ 91 ປີ ​ເສຍ​ຊີວິດ​ຢູ່​ໂຮງໝໍ​ແທຣບຟອດ ປະ​ເທດອັງກິດ ​ໃນ​ອາທິດ​ຜ່ານ​ມາ ​ເຊິ່ງທັງ​ສອງ​ອາ​ໄສ​ຢູ່​ເມືອງ​ພາ​ທິງ​ຕັນ ​ແລະ ຄົບ​ຫາ​ເບິ່ງ​ໃຈ​ກັນ​ມາ​ແຕ່​ອາຍຸ 14 ປີ ທັງ​ສອງ​ແຕ່ງດອງ​ກັນ​ໃນ​ປີ 1951 ​ແລະ ມີ​ລູກ​ນຳ​ກັນ​ທັງໝົດ 5 ຄົນ. ລູກ​ສາວ​ຂອງ​ທັງ​ສອງ​ບອກ​ວ່າ: ພໍ່​ກັບ​ແມ່​ຈະ​ມັກ​ໄປ​ສັງ​ສັນ ​ແລະ ທ່ຽວ​ຫລິ້ນພັກຜ່ອນ​ໃນ​ມື້ພັກ​

    ຈົນ​ເລີ່​ມບໍ່​ສະບາຍ, ມາ​ກາ​ເຣັດ ບໍ່​ສະບາຍ ​ແລະ ປິ່ນປົວ​ຢູ່​ໂຮງໝໍ​ໄວ​ເທ​ນຊໍ, ​ແຕ່​ໄດ້​ຍ້າຍ​ມາ​ຢູ່​ໂຮງໝໍ​ແທຣບຟອດ​​ໃນ​ພາຍຫລັງ. ຫລັງ​ຈາກ​ນັ້ນ ​ເດ​ເຣັກ ຜູ້​ເປັນ​ຜົວ​ກໍ​ບໍ່​ສະບາຍ​ເຊັ່ນ​ກັນ ຈຶ່ງ​ເຂົ້າຮັບ​ການ​ປິ່ນປົວ​ຢູ່​ໂຮງໝໍ​ໄວ​ເທ​ນຊໍ​ຄື​ກັນ, ​ແຕ່​ໄດ້​ຍ້າຍ​ມາ​ຢູ່​ໂຮງໝໍ​ແທຣບຟອດ ​ເພື່ອ​ເຝົ້າຕິດຕາມ​ພັນ​ລະ​ຍາ ​ເນື່ອງ​ຈາກ​ແພດ​ບອກ​ວ່າ​ນາງ​ຈະ​ມີ​ຊີວິດ​ຢູ່​

    ໄດ້​ອີກ​ບໍ່​ດົນ. ທັງ​ສອງ​ຢູ່​ນຳ​ກັນ ​ແລະ ມາ​ກາ​ເຣັດ ມີ​ອາການ​ດີ​ຂຶ້ນ ​ເຊິ່ງລູກ​ສາວ​ຂອງ​ທັງ​ສອງ​ບອກ​ວ່າ: ​ເຖິງ​ວ່າ​ຈະ​ເປັນ​ເວລາ​ທີ່​ໜ້າ​ເສົ້າ ​ແຕ່​ຮູ້ສຶກ​ດີ​ໃຈ​ທີ່​ທັງ​ສອງ​ໄດ້​ຢູ່​ນຳ​ກັນ.
    ຕໍ່​ມາ​ພົບ​ວ່າ​ທັງ​ສອງ​ຕິດ​ເຊື້ອ​ໂຄ​ວິດ-19 ​ແລະ ຍັງ​ຕ້ອງ​ຕໍ່ສູ້​ກັບ​ອາການ​ຂອງ​ພະຍາດ ​ເນື່ອງ​ຈາກ​ມີ​ພະຍາດ​ປະຈຳ​ຕົວ. ທັງ​ສອງ​ຕ່າງ​ຢູ່​ໃກ້ຊິດ​ກັນ​ຕະຫລອດ​ໃຫ້​ໄດ້​ຫລາຍ​ທີ່​ສຸດ ຈັບ​ມື​ກັນ​ຈົນ​ວາລະ​ສຸດ​ທ້າຍ ຈົນ​ໃນ​ວັນ​ທີ 31 ມັງກອນ 2021 ​ເດ​ເຣັກ ​ເສຍ​ຊີວິດ ​ແລະ ຫລັງ​ຈາກ​ນັ້ນ ມາ​ກາ​ເຣັດ ກໍ​ເສຍ​ຊີວິດ​ລົງ​ໃນ​ອີກ 3 ມື້ຕໍ່​ມາ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.