ປະເທດ ອາຟຣິກາໃຕ້ໂຈະການສັກວັກຊີນຕ້ານໂຄວິດ-19 ຈາກ AstraZeneca ຊົ່ວຄາວ

    0
    121

    ວັນ​ທີ 8 ກຸມພາ 2021, ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ທາງ​ການ​ອາ​ຟຣິກາ​ໃຕ້​ຕັດສິນ​ໃຈ​ໂຈະການ​ແຈກ​ຢາຍ ​ແລະ ສັກ​ວັກ​ຊີ​ນຕ້ານ​ໂຄ​ວິດ-19 ຈາກ AstraZeneca-Oxford ​ໃຫ້​ປະຊາຊົນ​ຊົ່ວຄາວ ຫລັງ​ຜົນ​ການ​ສຶກສາ​ພົບ​ວ່າ​ວັກ​ຊີ​ນຊະນິດ​ນີ້​ມີ​ປະສິດທິພາບ​ຫລຸດ​ລົງ​ໃນ​ການ​ຕ້ານ​ເຊື້ອ​ໂຄ​ວິດ-19 ກາຍພັນ​ທີ່​ພົບ​ໃນ​ອາ​ຟຣິກາ​

    ໃຕ້ (B.1.351 ຫລື 20C/201Y.V2).Dr. Zweli Mkhize ລັດຖະມົນຕີ​ສາທາລະນະ​ສຸກ​ຂອງ​ອາ​ຟຣິກາ​ໃຕ້ ​ເປີດ​ເຜີຍ​ວ່າ: ການ​ໂຈ​ະດັ່ງກ່າວ​ເປັນ​ພຽງ​ມາດ​ຕະການ​ຊົ່ວຄາວ​ເທົ່າ​ນັ້ນ ​ໂດຍ​ທີ​ມຜູ້​ຜະລິດ ​ແລະ ທົດ​ສອບ​ວັກ​ຊີ​ນກຳລັງ​ສຶກສາ​ວິທີ​ຈະ​ເພີ່ມ​ປະສິດທິພາບ​ໃນ​ການ​ຕ້ານທານ​ໂຄ​ວິດ-19 ອາ​ຟຣິກາ​ໃຕ້​ກາ​ຍພັນ​ນີ້​ຢູ່ ​ໂດຍ​ທາງ​ການຈະ​ເດີນ​

    ໜ້າ​ແຈກ​ຢາຍ ​ແລະ ສັກ​ວັກ​ຊີ​ນອີກ 2 ຊະນິດ​ຈາກ Pfizer-BioNTech ​ແລະ Johnson & Johnson ​ໃນ​ໄລຍະ​ນີ້.ສ່ວນ AstraZeneca ລະບຸ​ວ່າ: ຜູ້​ຜະລິດ​ກຳລັງ​ປະສານ​ງານ​ກັບ​ທາງ​ການ​ອາ​ຟຣິກາ​ໃຕ້​ຢ່າງ​ໃກ້ຊິດ. ອີກ​ທັງ​ຍັງ​ເຊື່ອ​ວ່າ​ວັກ​ຊີ​ນຕ້ານ​ໂຄ​ວິດ-19 ຊະນິດ​ນີ້​ຍັງ​ສາມາດ​ຕ້ານທານ ​ແລະ ປ້ອງ​ກັນ​ການ​ຕິດ​ເຊື້ອ​ໂຄ​ວິດ-19 ກາຍພັນ​ຢູ່​

    ອາ​ຟຣິກາ​ໃຕ້​ທີ່​ມີ​ອາການ​ຮຸນ​ແຮງ​ໄດ້ ​ໂດຍ​ສະ​ເພາະ​ໃນ​ໄລຍະ 8-12 ອາທິດ​ຫລັງ​ເຂົ້າຮັບ​ການ​ສັກ.​ໂດຍ​ອາ​ຟຣິກາ​ໃຕ້​ເປັນ​ໜຶ່ງ​ໃນ​ປະ​ເທດ​ທີ່​ກຳລັງ​ຜະ​ເຊີນ​ກັບ​ເຊື້ອ​ໂຄ​ວິດ-19 ກາຍພັນ ມີ​ຜູ້​ຕິດ​ເຊື້ອສະ​ສົມ​ແລ້ວ 1,47 ລ້ານ​ຄົນ, ​ເສຍ​ຊີວິດ​ແລ້ວ 4,6 ໝື່ນ​ຄົນ. ຂະນະ​ທີ່​ທົ່ວ​ໂລກ​ມີ​ຜູ້​ຕິດ​ເຊື້ອ​ໂຄ​ວິດ-19 ສະ​ສົມ​ແລ້ວ​ຫລາຍ​ກວ່າ 106 ລ້ານ​ຄົນ, ປິ່ນປົວ​ຫາຍ 78.835.652 ຄົນ ຫລື ປະມານ 74% ຂອງ​ຜູ້​ຕິດ​ເຊື້ອທັງ​ໝົດ, ​ເສຍ​ຊີວິດ​ແລ້ວ 2.324.110 ຄົນ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.