ເຫດແຜ່ນນ້ຳກ້ອນຢູ່ພູຫິມະໄລແຕກ ນ້ຳຖ້ວມກະທັນຫັນ ເສຍຊີວິດແລ້ວ 14 ຄົນ

    0
    212

    ທາງ​ການ​ອິນ​ເດຍລາຍ​ງານ​ວ່າ: ມີ​ຜູ້​ເສຍ​ຊີວິດ​ແລ້ວ​ຢ່າງ​ໜ້ອຍ 14 ຄົນ ​ແລະ ສູນຫາຍ​ອີກ 170 ຄົນ ຫລັງ​ເກີດ​ເຫດ​ແຜ່ນ​ນ້ຳກ້ອນ​ຂະໜາດ​ໃຫຍ່​ຢູ່​ຍອດພູ​ນັນທາ​ເທວີ​ໃນ​ພູ​​ເຂົາ​ຫິມະ​ໄລ ລັດ​ອຸດຕຣາຂັນ ​ແຕກ​ອອກ​ບາງ​ສ່ວນ ​ແລະ ຖະຫລົ່ມ​ລົງ​ໃສ່​ແມ່ນ້ຳຈົນ​ກໍ່​ໃຫ້​ເກີດ​ນ້ຳຖ້ວມ​ກະທັນຫັນ​ໄຫລ​ລົງ​ມາ​ຈາກ​​ເທິງ​ພູ​ຢ່າງ​ວ່ອງ​ໄວ ​​ໃນຕອນ​ເຊົ້າວັນ​ທີ 7

    ກຸມພາ 2021 ​ເປັນ​ເຫດ​ໃຫ້​ເຂື່ອນ​ກັ້ນນ້ຳ 2 ​ແຫ່ງ​ແຕກ ​ແລະ ຂົວ​ຂ້າມ​ແມ່ນ້ຳຖືກ​ຕັດຂາດ 5 ​ແຫ່ງ.​ໃນ​ຈຳນວນ​ຜູ້​ສູນຫາຍ​ນັ້ນ ພົບ​ວ່າ 148 ຄົນ ​ເປັນ​ກຳມະກອນ​ໃນ​ໂຄງການ​ກໍ່ສ້າງ​ໂຮງ​ໄຟຟ້າ​ພະລັງ​ນ້ຳ NTPC ຂອງ​ລັດ ທີ່​ເຮັດ​ວຽກ​ຢູ່​ພາຍ​ໃນ​ອຸ​ໂມງ ​ແລະ ຖືກ​ກະ​ແສນ້ຳ​ໄຫລ​ເຂົ້າຖ້ວມ, ສ່ວນ​ອີກ​ຢ່າງ​ໜ້ອຍ 22 ຄົນ​ເປັນ​ກຳມະກອນ​ກໍ່ສ້າ​ງຢູ່​

    ໂຮງ​ໄຟຟ້າ​ພະລັງ​ນ້ຳ Rishiganga ​ເຊິ່ງຄາດ​ວ່າ​ກຳມະກອນ​ປະມານ 30 ຄົນ ອາດ​ຕົກ​ຄ້າງ​ຢູ່​ພາຍ​ໃນ​ອຸ​ໂມງ​ຂອງ​ໂຄງການ NTPC ຄວາມ​ຍາວ​ປະມານ 2,5 ກິ​ໂລ​ແມັດ.ພາຍຫລັງ​ເກີດ​ເຫດ, ກອງ​ກຳລັງ​ຮັບ​ມື​ໄພພິບັດ​ແຫ່ງ​ລັດ​ອຸດຕຣາຂັນ (SDRF) ລວມທັງ​ກຳລັງ​ທະຫານ ​ແລະ ຕຳຫລວດ​ຊາຍ​ແດນ​ອິນ​ໂດ-ທິ​ເບ​ດ (ITBP) ພ້ອມ​ເຮ​ລິ​

    ກົບ​​ແຕກູ້​ໄພ ​ໄດ້​ເລັ່ງປະຕິບັດ​ການຄົ້ນຫາ ​ແລະ ຊ່ວຍ​​ເຫລືອ​ຜູ້​ລອດ​ຊີວິດ ​ໂດຍ​ສາມາດ​ຊ່ວຍ​ຊີວິດ​ກຳມະກອນ​ທີ່​ຕົກ​ຄ້າງ​ຢູ່​ໃນ​ອຸ​ໂມງ​ອອກ​ມາ​ໄດ້ 12 ຄົນ ​ແລະ ຍັງ​ເດີນ​ໜ້າ​ພາລະກິດ​ຄົ້ນຫາ​ຕໍ່​ເນື່ອງ ທ່າມກາງ​ຄວາມ​ຍາກ​ລຳບາກ ​​ເນື່ອງ​ຈາກ​ຖະໜົນ​ຫົນທາງ ​ແລະ ຂົວ​ທີ່​ຖືກ​ຕັດຂາດ. ຂະນະ​ທີ່​ສະພາບ​ພູມ​ມີ​ປະ​ເທດ​ໃນ​ພື້ນທີ່​ເຕັມ​ໄປ​ດ້ວຍ​ໂງ່ນ​ຫີນ ​

    ແລະ ລະດັບ​ອຸນຫະພູມ​ທີ່​ຕໍ່າ​ກວ່າ 10 ອົງສາ.ທັງ​ນີ້, ທາງ​ການ​ອິນ​ເດຍ​ໄດ້​ສົ່ງ​ເຈົ້າໜ້າ​ທີ່​ກອງ​ກຳລັງ​ຮັບ​ມື​ໄພພິບັດ​​ແຫ່ງ​ຊາດ​ຈາກ​ນະຄອນຫລວງ​ນິວ​ເດ​ລີ ພ້ອມ​ອຸປະກອນ​ກູ້​ໄພ​ທີ່​ທັນ​ສະ​ໄໝ ມາ​ຊ່ວຍ​ໃນ​ພາລະກິດ​ຄົ້ນຫາ.ສ່ວນ​ນາຍົກລັດຖະມົນຕີ ນາ​ເຣນທຣາ ​ໂມ​ດີ ​ໄດ້​ໂພ​ສຂໍ້ຄວາມ​ທາງ​ທະວິ​ດ​ເຕີ​ວ່າ: ກຳລັງ​ຕິດຕາມ​ສະຖານະ​ການ​ໃນ​ລັດ​ອຸດຕຣາຂັນ​ຢ່າງ​

    ໃກ້ຊິດ, ພ້ອມ​ພາວະນາ​ໃຫ້​ທຸກ​ຄົນ​ປອດ​ໄພ. ຂະນະ​ທີ່​ຜູ້ນຳ​ຈາກ​ຫລາຍ​ປະ​ເທດ​ເຊັ່ນ: ທ່ານ ບໍຣິສ ຈອນ​ສັນ ນາຍົກລັດຖະມົນຕີ​ແຫ່ງ​ອັງກິດ ​ໄດ້​ສະ​ແດງ​ຄວາມ​ເສຍ​ໃຈ​ໄປ​ຍັງ​ຄອບຄົວ​ຜູ້​ສູນຫາຍ​ຈາກ​ເຫດ​ໄພພິບັດ​ທີ່​ເກີດ​ຂຶ້ນ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.